ଫେଲ ମାରିଲା ପଞ୍ଜାବକୁ ଦୋହଲେଇବା ଷଡ଼ଯନ୍ତ୍ର; ପାକିସ୍ତାନୀ ଡ୍ରୋନରୁ ଅସ୍ତ୍ରଶସ୍ତ୍ର ଜବତ

ସ୍ୱାଧୀନତା ଦିବସ ଦିନ ପୂରା ପଞ୍ଜାବକୁ ଦୋହଲେଇବା ଦେବାର ପ୍ଲାନ କରିଥିଲା ପାକିସ୍ତାନ। କିନ୍ତୁ ପାକିସ୍ତାନ ଡ୍ରୋନରେ ଆସିଥିବା ଅସ୍ତ୍ରଶସ୍ତ୍ରକୁ ଜବତ କରିଛି ପଞ୍ଜାବ ପୋଲିସ।

ଫେଲ ମାରିଲା ପାକିସ୍ତାନର ଷଡ଼ଯନ୍ତ୍ର। (ପ୍ରତୀକାତ୍ମକ ଛବି)

ଫେଲ ମାରିଲା ପାକିସ୍ତାନର ଷଡ଼ଯନ୍ତ୍ର। (ପ୍ରତୀକାତ୍ମକ ଛବି)

  • Share this:
News18 Odia Digital

ଚଣ୍ଡିଗଡ଼:ସ୍ୱାଧୀନତା ଦିବସ ପୂର୍ବରୁ ପାକିସ୍ତାନର ଏକ ବଡ଼ ଷଡ଼ଯନ୍ତ୍ର ଧରା ପଡ଼ି  ଯାଇଛି। ପଞ୍ଜାବର ସୀମା ନିକଟରେ ଥିବା ଏକ ଗାଁରେ ଡ୍ରୋନ ଦ୍ୱାରା ଆସିଥିବା ଅସ୍ତ୍ରଶସ୍ତ୍ରକୁ ଜବତ କରାଯାଇଛି। ଗ୍ରାମବାସୀଙ୍କ ତତ୍ପରତା ହେତୁ ଏକ ବଡ଼ ବିପଦକୁ ଏଡ଼ାଇ ଦିଆଯାଇଛି। ପଞ୍ଜାବ ପୋଲିସ ଏହି ଅସ୍ତ୍ରଶସ୍ତ୍ର ଉଦ୍ଧାର କରିଛି।  ବିଭିନ୍ନ ବ୍ୟାଗରେ ଆଇଇଡ଼ି, ହ୍ୟାଣ୍ଡ ଗ୍ରେନେଡ଼ ଓ କାର୍ଟ୍ରିଜ ପଠାଯାଇଥିଲା।  ଏହି ସମସ୍ତ ଅସ୍ତ୍ର ଡ୍ରୋନରୁ ଖସିଯାଇଥିଲା।

ଏହି ଘଟଣା ସମ୍ପର୍କରେ ପଞ୍ଜାବର ଡିଜିପି ଡିଙ୍କାର ଗୁପ୍ତା ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ରବିବାର ସନ୍ଧ୍ୟାରେ ଅମୃତସରର ଗ୍ରାମାଞ୍ଚଳରୁ ହ୍ୟାଣ୍ଡ ଗ୍ରେନେଡ଼ ଓ ଟିଫିନ ଆଇଇଡ଼ି ଓ କାର୍ଟ୍ରିଜ୍ ଉଦ୍ଧାର କରାଯାଇଛି।  ସେ କହିଛନ୍ତି ପିଲାଙ୍କ ଟିଫିନ ବାକ୍ସରେ IED ବୋମା ଲଗାଯାଇଥିଲା। ପାକିସ୍ତାନ ସୀମା ନିକଟ ଡାଲିକେ ଗ୍ରାମରୁ ଆଇଏଡ଼ି ବୋମା ଓ ହ୍ୟାଣ୍ଡ ଗ୍ରେନେଡ଼ ଉଦ୍ଧାର କରାଯାଇଛି।  ଡ୍ରୋନ ମାଧ୍ୟମରେ ଏହାକୁ ବ୍ୟାଗରେ ପଠାଯାଇଥିଲା। ସୂଚନାନୁସାରେ, ଏଥିରେ ୫ ଟି ହ୍ୟାଣ୍ଡ ଗ୍ରେନେଡ଼, ୧୦୦ଟି ୯ମିମି କାର୍ଟ୍ରିଜ ଓ ଟିଫିନ ବୋମା ଜବତ କରାଯାଇଛି।

ଡିଜିପି ଡିଙ୍କାର ଗୁପ୍ତାଙ୍କ କହିବା ଅନୁଯାୟୀ IED ବୋମାରେ ୨ କିଲୋଗ୍ରାମ RDX ଲଗାଯାଇଥିଲା।  ସୁଇଚ ମାଧ୍ୟମରେ ଟାଇମ ବମ ତିଆରି କରାଯାଇଥିଲା। ଏହି ବୋମା ଏପରି ତିଆରି କରାଯାଇଥିଲା ଯେ ବୋମାଟିର ତ୍ରୁଟିପୂର୍ଣ୍ଣ ଚୁମ୍ବକ ଲଗାଇ ବିସ୍ଫୋରଣ ହୋଇପାରେ। ଆହୁରି ମଧ୍ୟ ଫୋନ ମାଧ୍ୟମରେ ଏହି ବୋମା ଅପରେସନ କରାଯାଇପାରିବ। ୩ଟି ଡିଟୋନେଟର ମଧ୍ୟ ଉଦ୍ଧାର କରାଯାଇଛି।  ଡିଜିପି ଡିଙ୍କାର ଗୁପ୍ତାଙ୍କ ଅନୁଯାୟୀ, ଟିଫିନ୍ ବକ୍ସ ବୋମା ମାଧ୍ୟମରେ ଏକ ଜନଗହଳି ପୂର୍ଣ୍ଣ ସ୍ଥାନକୁ ଟାର୍ଗେଟ କରିବାକୁ ପ୍ରସ୍ତୁତି ଚାଲିଥିଲା।

ଡିଜିପି ଗୁପ୍ତା ଏହା ମଧ୍ୟ କହିଛନ୍ତି ଯେ ଶିଖ ମାନଙ୍କ ଦ୍ୱାରା ମୁଖ୍ୟମନ୍ତ୍ରୀ ତଥା ରାଜ୍ୟପାଳଙ୍କ ପ୍ରତି କ୍ରମାଗତ ଧମକ ଦିଆଯାଉଛି। ବର୍ତ୍ତମାନ ସାରା ରାଜ୍ୟରେ ହାଇ ଆଲର୍ଟ ଜାରି କରାଯାଇଛି।  ପୋଲିସ ସବୁ ଦିଗରୁ ଯାଞ୍ଚ କରୁଛି।
Published by:Soumya Das
First published: