ଅର୍ଡର ଦେଇଥିଲେ ଭେଜ୍ ବିରିୟାନୀ; ଆସିଲା ଚିକେନ୍ ବିରିୟାନୀ, ପୋଲିସରେ ଏଫଆଇଆର କଲେ ଯୁବକ

ହୋଟେଲରେ ଖାଇବାକୁ ଯାଇଥିବା ଜଣେ ଯୁବକ ଭେଜ୍ ବିରିୟାନୀ ଅର୍ଡର ଦେଇଥିଲେ । କିନ୍ତୁ, ତାଙ୍କୁ ଚିକେନ୍ ବିରିୟାନୀ ଦିଆଯାଇଥିଲା । ଭୁଲ ଅର୍ଡର ଆସିବା ପରେ ଯୁବକ ଜଣକ ହୋଟେଲରେ ଝଗଡା କଲେ ।

ଅର୍ଡର ଦେଇଥିଲେ ଭେଜ୍ ବିରିୟାନି; ଆସିଲା ଚିକେନ୍ ବିରିୟାନି, ପୋଲିସରେ ଏଫଆଇଆର କଲେ ଯୁବକ

ଅର୍ଡର ଦେଇଥିଲେ ଭେଜ୍ ବିରିୟାନି; ଆସିଲା ଚିକେନ୍ ବିରିୟାନି, ପୋଲିସରେ ଏଫଆଇଆର କଲେ ଯୁବକ

  • News18 Odia
  • Last Updated :
  • New Delhi, India
  • Share this:
News 18 Odia Digital

ନୂଆଦିଲ୍ଲୀ; ମଧ୍ୟପ୍ରଦେଶର ଇନ୍ଦୋରରେ ବିରିୟାନୀକୁ ନେଇ ଝଗଡା ପରେ ପୋଲିସ ମାମଲା ରୁଜୁ ହୋଇଛି । ଯୁବକଙ୍କ ଅଭିଯୋଗ ଉପରେ ପୋଲିସ ତଦନ୍ତ ଆରମ୍ଭ କରିଛି । ହୋଟେଲରେ ଖାଇବାକୁ ଯାଇଥିବା ଜଣେ ଯୁବକ ଭେଜ ବିରିୟାନୀ ଅର୍ଡର ଦେଇଥିଲେ । କିନ୍ତୁ, ତାଙ୍କୁ ଚିକେନ୍ ବିରିୟାନୀ ଦିଆଯାଇଥିଲା ।

ଯୁବକ ଜଣକ ଯେତେବେଳେ ଭଲଭାବେ ଦେଖିଲେ, ବିରିୟାନୀରେ ଏକ ଚିକେନ କଣ୍ଟା ମିଳିଲା । ଏହା ଦେଖି ତାଙ୍କ ହୋସ ଉଡିଗଲା । ଭୁଲ ଅର୍ଡର ଆସିବା ପରେ ଯୁବକ ଜଣକ ହୋଟେଲରେ ଝଗଡା କଲେ, ଏହା ପରେ ସେ ବିଜୟ ନଗର ପୋଲିସ ଷ୍ଟେସନର ଭାମୋରୀ ଅଞ୍ଚଳର ଅଲବା ବାରିଷ୍ଟୋ ହୋଟେଲ ମ୍ୟାନେଜରଙ୍କ ବିରୋଧରେ ମାମଲା ଦାୟର କରିଥିଲେ ।

ମ୍ୟାନେଜର ଏହି ମାମଲାକୁ ଦବାଇବାକୁ ଚେଷ୍ଟା ଜାରି ରଖିଥିଲେ

ସହରର ଶାଲିମର ଅଞ୍ଚଳର ବାସିନ୍ଦା ଆକାଶ କୁମାର ଦୁବେ ସୋମବାର ସନ୍ଧ୍ୟାରେ ଅଲବା ବାରିଷ୍ଟୋ ହୋଟେଲରେ ରାତ୍ରୀ ଭୋଜନ କରିବାକୁ ଯାଇଥିଲେ । ସେ ଭୋଜନ ପାଇଁ ଭେଜ୍ ବିରିୟାନୀ ଅର୍ଡର ଦେଲେ । କିଛି ସମୟ ପରେ, ୱେଟର ଭେଜ ବିରିୟାନୀ ବଦଳରେ ଚିକେନ୍ ବିରିୟାନୀ ତାଙ୍କ ଟେବୁଲରେ ରଖି ଚାଲିଗଲେ । ଯେତେବେଳେ ଆକାଶ ଯତ୍ନର ସହ ଦେଖିଲେ, ତାଙ୍କୁ ବିରିୟାନିରୁ ଏକ କଣ୍ଟା ମିଳିଲା । ଏହା ପରେ ଆକାଶ ହୋଟେଲ ମ୍ୟାନେଜର ସ୍ବପ୍ନିଲ ଗୁଜରାଟୀଙ୍କ ବିରୋଧରେ ଅଭିଯୋଗ କରିଥିଲେ । ତଥାପି, ମ୍ୟାନେଜର ଭୁଲକୁ ଗ୍ରହଣ ନକରି ମାମଲାକୁ ଦବାଇବାକୁ ଚେଷ୍ଟା କରିଥିଲେ । ପୀଡିତ ଆକାଶ ସୋସିଆଲ ମିଡିଆରେ ପୁରା କଥା ସେୟାର କରିଥିଲେ।

ଏହା ପରେ ଆକାଶ ବିଜୟ ନଗର ପୋଲିସ ଷ୍ଟେସନରେ ପହଞ୍ଚିଥିଲେ । ସେ ସେଠାରେ ଯାଇ ଧାର୍ମିକ ଭାବନାକୁ ଆଘାତ ଦେବା ଅଭିଯୋଗରେ ଅଲବା ବାରିଷ୍ଟୋ ହୋଟେଲର ମ୍ୟାନେଜର ସ୍ବପନିଲ ଗୁଜରାଟୀଙ୍କ ବିରୋଧରେ ମାମଲା ଦାୟର କରିଥିଲେ।

ଏହା କହିଥିଲେ ପୋଲିସ

ଏହି ପ୍ରସଙ୍ଗରେ ଡିସିପି ସାମ୍ପତ ଉପାଧ୍ୟାୟ କହିଛନ୍ତି ଯେ ଅଲବା ବାରିଷ୍ଟୋ ହୋଟେଲରେ ଭେଜ ଅର୍ଡର ବଦଳରେ ନନ ଭେଜ ଖାଦ୍ୟ ଦିଆଯାଉଥିବା ଯୁବକ ଅଭିଯୋଗ କରିଛନ୍ତି । ସେ କହିଛନ୍ତି , ମୋର ଧାର୍ମିକ ଭାବନା ଆଘାତ ପାଇଛି। ଅଭିଯୋଗ କରିବା ପରେ ହୋଟେଲ ମ୍ୟାନେଜମେଣ୍ଟ ଏହି ମାମଲାକୁ ଦବାଇବାକୁ ଚେଷ୍ଟା କରିଥିଲା । ପୋଲିସ ଏହି ଘଟଣାର ତଦନ୍ତ କରୁଛି, ଖୁବ୍ ଶୀଘ୍ର ସମ୍ପୃକ୍ତ ବିଭାଗ ଅଧୀନରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
Published by:Soubhagya Mishra
First published: