Operation Kaveri: ସୁଦାନରୁ ସ୍ୱଦେଶ ଫେରୁଛନ୍ତି ଫସି ରହିଥିବା ଭାରତୀୟ

News18 Odia Digital

Operation Kaveri: ସୁଦାନରୁ ନିଜ ଦେଶକୁ ଫେରୁଛନ୍ତି ଭାରତୀୟ। ତୃତୀୟ ବ୍ୟାଚରେ ୧୩୫ ଭାରତୀୟ ଭାରତ ପହଞ୍ଚିଛନ୍ତି । IAF C-13OJ ଏୟାରକ୍ରାପ୍ଟରେ ବିମାନବନ୍ଦରରେ ପହଞ୍ଚିଛି । ପୂର୍ବରୁ ଦ୍ୱିତୀୟ ବ୍ୟାଚରେ ୧୪୮ ଓ ପ୍ରଥମ ବ୍ୟାଚରେ ୨୭୮ ଭାରତୀୟ ସୁଦାନରୁ ଫେରିଥିଲେ । ପ୍ରଥମ ବ୍ୟାଚରେ ଭାରତୀୟଙ୍କୁ ନେଇ ଆଇଏନଏସ ସୁମେଧାରେ ଜେଦାହ ଅଣାଯାଇଥିଲା । ସାଉଦିରେ ପହଞ୍ଚିବା ପରେ ସେଠାରୁ ସେମାନଙ୍କୁ ବିମାନ ଯୋଗେ ଭାରତ ଅଣାଯାଇଛି ।

पहला C-130 विमान 121 यात्रियों के साथ जेद्दा में लैंड हुआ: विदेश मंत्री डॉ.एस जयशंकर#OperationKaveri pic.twitter.com/MqLbXnVc51

— ANI_HindiNews (@AHindinews) April 25, 2023

ସୁରକ୍ଷିତ ଭାବେ ଯୁଦ୍ଧ ଭୂମିରୁ ଫେରୁଥିବାରୁ କେନ୍ଦ୍ର ସରକାରଙ୍କୁ ଧନ୍ୟବାଦ ଜଣାଇଛନ୍ତି। କେନ୍ଦ୍ର ବୈଦେଶିକ ବ୍ୟାପାର ରାଷ୍ଟ୍ରମନ୍ତ୍ରୀ ଭି ମୁରଲୀଧର ଅପରେସନ କାବେରୀର ପୂରା ପ୍ରକ୍ରିୟାକୁ ଅନୁଧ୍ୟାନ କରୁଛନ୍ତି ।

Operation Kaveri unfolds.

INS Sumedha docks in Jeddah with 278 passengers.

Thank HH @FaisalbinFarhan and Saudi Arabian authorities for their fullest cooperation. pic.twitter.com/4a0gqHOTNi

— Dr. S. Jaishankar (@DrSJaishankar) April 25, 2023

ସୂଚନାଯୋଗ୍ୟ, ସୁଦାନରେ ସେନା ଓ ଅର୍ଦ୍ଧସାମରିକ ବଳ ମଧ୍ୟରେ ଲଢେଇକୁ ୧୦ ଦିନ ବିତିଲାଣି । ହେଲେ ଲଢେଇ କମିବାର ନାଁ ନେଉନି । ଦିନକୁ ଦିନ ଅତି ଭୟଙ୍କର ହେଉଛି ଗୋଷ୍ଠୀ ସଂର୍ଘଷ । ଏହି ସଂଘର୍ଷରେ ପାଖାପାଖି ୪୫୯ ଜଣଙ୍କ ମୃତ୍ୟୁ ଘଟିଲାଣି । ସେଠାରେ ଫସି ରହିଥିବା ୪ ହଜାର ଭାରତୀୟଙ୍କୁ ସ୍ୱଦେଶ ଫେରାଇ ଆଣିବା ପାଇଁ ଭାରତ ସରକାର ଅପରେସନ୍ କାବେରୀ ଆରମ୍ଭ କରିଛନ୍ତି । ହିଂସା ଗ୍ରସ୍ତ ସୁଦାନରେ ୭୨ ଘଣ୍ଟିଆ ଅସ୍ତ୍ର ବିରତି ଘୋଷଣା କରିଛନ୍ତି ଆର୍ମୀ – ଆରଏସଏଫ । ଆମେରିକା ଓ ସାଉଦୀ ଆରବ ପକ୍ଷରୁ ମଧ୍ୟସ୍ଥତା ପରେ ଅସ୍ତ୍ର ବିରତି ପାଇଁ ଉଭୟ ପକ୍ଷ ରାଜି ହୋଇଥିବା ଆମେରିକା ବିଦେଶ ମନ୍ତ୍ରୀ ଆଣ୍ଟୋନୀ ବ୍ଲିକେନ ସୂଚନା ଦେଇଛନ୍ତି ।