ରାସ୍ତାରେ ଦୌଡୁଥିବା ଜଣେ ବାଳକର ସ୍ବପ୍ନ ପୂରଣ କରିବେ ଲେଫ୍ଟନାଣ୍ଟ ଜେନେରାଲ ସତୀଶ ଦୁଆ

News18 Odia Digital

ନୂଆ ଦିଲ୍ଲୀ: ସୋସିଆଲ ମିଡ଼ିଆରେ ପ୍ରତିଦିନ କିଛି ନା କିଛି ଭାଇରାଲ ହୁଏ, କିନ୍ତୁ ଏହି ସମୟରେ ଏପରି ଏକ ଭିଡିଓ ଭାଇରାଲ ହେବାରେ ଲାଗିଛି ଯାହା ସମସ୍ତ ଲୋକଙ୍କୁ ଏକ ବଡ଼ ଶିକ୍ଷା ଦେଇଛି। ଏହି ଭିଡିଓ ରବିବାର ସନ୍ଧ୍ୟାରେ ଚଳଚ୍ଚିତ୍ର ନିର୍ମାତା ବିନୋଦ କାପଡିଙ୍କ ଦ୍ୱାରା ପୋଷ୍ଟ କରାଯାଇଥିଲା, ଯାହାକି ଅଧିକ ଭାଇରାଲ ହେବାରେ ଲାଗିଛି।

ଭାଇରାଲ ଭିଡିଓରେ ନୋଏଡା ରାସ୍ତାରେ ବିଳମ୍ବିତ ରାତିରେ ଜଣେ ବାଳକ ଦୌଡୁଥିବା ଦେଖିବାକୁ ମିଳିଛି। ବାଳକଟିର ନାମ ପ୍ରଦୀପ ମେହେରା। ଯାହାଙ୍କୁ କାଲି ପର୍ଯ୍ୟନ୍ତ କେହି ଜାଣି ନଥିଲେ, କିନ୍ତୁ ବର୍ତ୍ତମାନ ସେ ଏକ ଇଣ୍ଟରନେଟ ସେନନ୍ସରେ ପରିଣତ ହୋଇଛନ୍ତି। ଭିଡିଓ ଭାଇରାଲ ହେବା ପରେ ଏବେ ଲେଫ୍ଟନାଣ୍ଟ ଜେନେରାଲ ସତୀଶ ଦୁଆ ତାଙ୍କୁ ସାହାଯ୍ୟ କରିବାକୁ ପ୍ରସ୍ତାବ ଦେଇଛନ୍ତି।

ପ୍ରଦୀପ ତାଙ୍କ ଦୌଡ଼ର ପ୍ରତ୍ୟେକ ପଦକ୍ଷେପରେ ଓ ତାଙ୍କ ସ୍ୱପ୍ନକୁ ସାକାର କରିବାର ଲକ୍ଷ୍ୟ ସହିତ ଦାୟିତ୍ବ ବିଷୟରେ କହୁଥିବାର ନଜର ଆସୁଛନ୍ତି। ବାସ୍ତବରେ, ଯେତେବେଳେ ଚଳଚ୍ଚିତ୍ର ନିର୍ମାତା ବିନୋଦ ରାତିରେ ନୋଏଡା ଦେଇ ଯାଉଥିଲେ, ସେତେବେଳେ ସେ ଏକ ବାଳକକୁ କାନ୍ଧରେ ବ୍ୟାଗ ଧରି ଦୌଡୁଥିବାର ଦେଖିଲେ। ତାଙ୍କୁ ପ୍ରଦୀପଙ୍କୁ ତାଙ୍କ କାରରେ ଘରେ ଛାଡ଼ି ଦେବାକୁ ଅନେକ ଥର ଅଫର ଦେଇଥିଲେ, କିନ୍ତୁ ସେ ମନା କରିଦେଇଥିଲେ। ସେ ବିନୋଦଙ୍କୁ ଯାହା କହିଥିଲେ ତାହା ଶୁଣିବା ପରେ ଆପଣ ମଧ୍ୟ ଭାବିବା ଆରମ୍ଭ କରିବେ ଯେ ସମସ୍ତଙ୍କ ଜୀବନରେ ଅସୁବିଧା ଅଛି, କିନ୍ତୁ ସେମାନେ ହାର ମାନିବା ପରିବର୍ତ୍ତେ ଯୁଦ୍ଧ କରିବା ଉଚିତ୍। ଏହି ଭିଡିଓ ନିଶ୍ଚିତ ଭାବରେ ଆପଣଙ୍କୁ ଏକ ନୂଆ ଶିକ୍ଷା ଦେବ।

ଭାଇରାଲ ଭିଡିଓରେ ଏହା ଦେଖିବାକୁ ମିଳୁଛି ଯେ ବିଳମ୍ବିତ ରାତିରେ ଜଣେ ବାଳକ ନିଜ ଘର ଆଡକୁ ଦୌଡୁଛନ୍ତି। ନିର୍ମାତା ବିନୋଦ ତାଙ୍କ ପାଖରେ ପହଞ୍ଚି ତାଙ୍କୁ କାରରେ ବସିବାକୁ କହିଥିଲେ, କିନ୍ତୁ ସେ ମନା କରିଦେଇଥିଲେ। ଯେତେବେଳେ ସେ ପଚାରନ୍ତି ସେ କୁଆଡେ ଯାଉଛନ୍ତି, ସେ କୁହନ୍ତି ଯେ ସେ ମ୍ୟାକଡୋନାଲ୍ଡରେ କାମ କରନ୍ତି ଓ ସିଫ୍ଟ ସରିବା ପରେ ଘରକୁ ଯାଉଛନ୍ତି। ପରେ ନିଜ ନାମ ପ୍ରଦୀପ ଓ ସେ ଉତ୍ତର ପ୍ରଦେଶର ଆଲମୋରା ନିବାସୀ ବୋଲି କହିଥିଲେ।

This is PURE GOLD❤️❤️

नोएडा की सड़क पर कल रात 12 बजे मुझे ये लड़का कंधे पर बैग टांगें बहुत तेज़ दौड़ता नज़र आया

मैंने सोचा
किसी परेशानी में होगा , लिफ़्ट देनी चाहिए

बार बार लिफ़्ट का ऑफ़र किया पर इसने मना कर दिया

वजह सुनेंगे तो आपको इस बच्चे से प्यार हो जाएगा ❤️😊 pic.twitter.com/kjBcLS5CQu

— Vinod Kapri (@vinodkapri) March 20, 2022

ବିନୋଦଙ୍କ ସହ ବାର୍ତ୍ତାଳାପ ସମୟରେ ସେ କହିଥିଲେ ଯେ ସେନା ପାଇଁ ପ୍ରସ୍ତୁତ ହେଉଛନ୍ତି ଓ ସକାଳେ ଦୌଡ଼ିବାକୁ ତାଙ୍କୁ ସମୟ ମିଳୁନାହିଁ, ତେଣୁ ସେ ବର୍ତ୍ତମାନ ସିଫ୍ଟ ଶେଷ କରି ଦୌଡ଼ିବା ସମୟରେ ଘରକୁ ଯାଆନ୍ତି ଯାହା ଦ୍ବାରା ସେ ଦୌଡ଼ିବାର ଅଭ୍ୟାସ ବଜାୟ ରଖିପାରିବେ। ପ୍ରଦୀପ କହିଛନ୍ତି ଯେ ଏହିପରି ୧୦ କିଲୋମିଟର ଦୌଡିବା ପରେ ସେ ପ୍ରତିଦିନ ଘରକୁ ଯାଆନ୍ତି। ସେ କହିଥିଲେ ଯେ ସେ ତାଙ୍କ ମା' ଓ ଭାଇଙ୍କ ସହ ରୁହନ୍ତି, ଯଦିଓ ମା ଅସୁସ୍ଥ ଓ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ତେବେ ଏ ଘରର ସବୁ କାମ କରୁଛନ୍ତି।

ଯେତେବେଳେ ବିନୋଦ ପିଲାଟିକୁ ଖାଦ୍ୟ ଖାଇବେ ବୋଲି ପଚାରିଲେ, ସେ ଘରକୁ ଯାଇ ରୋଷେଇ କରିବେ ବୋଲି କହିଥିଲେ। ଏହା ଉପରେ ଚଳଚ୍ଚିତ୍ର ନିର୍ମାତା ତାଙ୍କୁ ଏକାଠି ଖାଦ୍ୟ ଖାଇବାକୁ ପ୍ରସ୍ତାବ ଦେଇଥିଲେ, ତା’ପରେ ସେ କହିଥିଲେ ଯେ ଭାଇ ଭୋକରେ ରହିଯିବେ। ପ୍ରଦୀପ କହିଛନ୍ତି ଯେ ଭାଇଙ୍କର ନାଇଟ୍ ସିଫ୍ଟ ଅଛି ତେଣୁ ସେ ରୋଷେଇ କରିପାରିବେ ନାହିଁ।

ବର୍ତ୍ତମାନ ଭିଡିଓ ଭାଇରାଲ ହେବା ପରେ ଅବସରପ୍ରାପ୍ତ ଲେଫ୍ଟନାଣ୍ଟ ଜେନେରାଲ ସତୀଶ ଦୁଆ ମଧ୍ୟ ଧ୍ୟାନ ଆକର୍ଷଣ କରିଛନ୍ତି। ସେ ପ୍ରଦୀପଙ୍କୁ ସାହାଯ୍ୟ କରିବାକୁ ପ୍ରସ୍ତାବ ଦେଇଛନ୍ତି। ସେ ଟ୍ବିଟ କରି କହିଛନ୍ତି, ‘‘ତାଙ୍କର ଉତ୍ସାହ ପ୍ରଶଂସନୀୟ ଓ ତାଙ୍କ ଯୋଗ୍ୟତା ଭିତ୍ତିକ ନିଯୁକ୍ତିରେ ମଧ୍ୟ ତାଙ୍କୁ ପାସ୍ କରିବାରେ ସାହାଯ୍ୟ କରିବା ପାଇଁ ମୁଁ କୁମାଉଂ ରେଜିମେଣ୍ଟର କର୍ଣ୍ଣେଲ, ଇଷ୍ଟର୍ନ ଆର୍ମି କମାଣ୍ଡର ଲେଫ୍ଟ ଜେନେରାଲ ରାଣା କଳିତାଙ୍କ ସହ ଯୋଗାଯୋଗ କରିଛି।’’ ସେ କହିଛନ୍ତି ଯେ ବାଳକକୁ ତାଙ୍କ ରେଜିମେଣ୍ଟରେ ନିଯୁକ୍ତି ପାଇଁ ତାଲିମ ଦେବା ପାଇଁ ସେ ସମସ୍ତ ପ୍ରକାର ଚେଷ୍ଟା କରିବେ।

ଏଥି ସହ ପ୍ରଦୀପ ମେହେରଙ୍କ ଭାଇରାଲ ଭିଡିଓ ଉପରେ ଗାୟକ ତଥା ରାପର ବାଦଶାହ ମଧ୍ୟ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଯେ ଆମ ଦେଶର ଭବିଷ୍ୟତ ଭଲ ହାତରେ ଅଛି। ପିଲାକୁ ଆଶୀର୍ବାଦ କରନ୍ତୁ। ସୋସିଆଲ ମିଡ଼ିଆରେ ପ୍ରଦୀପଙ୍କ କାହାଣୀକୁ ସାମ୍ନାକୁ ଆଣିଥିବାରୁ ଲୋକେ ବିନୋଦଙ୍କର ପ୍ରଶଂସା କରିବାରେ ଲାଗିଛନ୍ତି।