ମନ୍ତ୍ରୀ ସତ୍ୟେନ୍ଦ୍ର ଜୈନ ଜାଣିଶୁଣି ଔଷଧ ଖାଉ ନାହାଁନ୍ତି; କୋର୍ଟରେ ଅଭିଯୋଗ କଲା ଇଡ଼ି

ମନି ଲଣ୍ଡରିଂ ମାମଲାରେ ଦିଲ୍ଲୀ ମନ୍ତ୍ରୀ ସତ୍ୟେନ୍ଦ୍ର ଜେନଙ୍କୁ ୧୪ ଦିନିଆ ନ୍ୟାୟିକ ହେପାଜତକୁ ପଠାଇ ଦେଇଛନ୍ତି କୋର୍ଟ। ଏହି ସମୟ ମଧ୍ୟରେ ସେ ଜାଣିଶୁଣି ଔଷଧ ଖାଉ ନାହାଁନ୍ତି ବୋଲି ଇଡ଼ି କୋର୍ଟରେ ଦଲିଲ ଦାଖଲ କରିଛି।

ସତ୍ୟେନ୍ଦ୍ର ଜୈନ (ପ୍ରତୀକାତ୍ମକ ଛବି)

ସତ୍ୟେନ୍ଦ୍ର ଜୈନ (ପ୍ରତୀକାତ୍ମକ ଛବି)

  • Share this:
News18 Odia Digital

ମନି ଲଣ୍ଡରିଂ ମାମଲାରେ ଦିଲ୍ଲୀ ମନ୍ତ୍ରୀ ସତ୍ୟେନ୍ଦ୍ର ଜେନଙ୍କୁ ୧୪ ଦିନିଆ ନ୍ୟାୟିକ ହେପାଜତକୁ ପଠାଇ ଦେଇଛନ୍ତି କୋର୍ଟ। ଏହି ସମୟ ମଧ୍ୟରେ ସେ ଜାଣିଶୁଣି ଔଷଧ ଖାଉ ନାହାଁନ୍ତି ବୋଲି ଇଡ଼ି କୋର୍ଟରେ ଦଲିଲ ଦାଖଲ କରିଛି।  ଏହାପୂର୍ବରୁ ୧୩ ଦିନ ଧରି ଇଡି ହେପାଜତରେ ଥିବା ସତେନ୍ଦ୍ର ଜୈନଙ୍କୁ ଆଜି ସ୍ୱତନ୍ତ୍ର ଜଜ୍ ଗୀତାଞ୍ଜଳି ଗୋଏଲଙ୍କ କୋର୍ଟରେ ହାଜର କରାଯାଇଥିଲା।

ଆଜି କୋର୍ଟରେ ଶୁଣାଣି ସମୟରେ ଇଡି ଅଭିଯୋଗ କରିଛି ଯେ ଉଚ୍ଚ ରକ୍ତଚାପର ଶିକାର ହୋଇଥିବା ସତେନ୍ଦ୍ର ଜୈନ ଜାଣିଶୁଣି ଡାକ୍ତରୀ ଔଷଧ ସେବନ କରୁନାହାଁନ୍ତି, ଯାହାଫଳରେ ସେ ଅସୁସ୍ଥତା ଦର୍ଶାଇ ଜାମିନ ପାଇପାରିବେ। ତେବେ ସତ୍ତେନ୍ଦ୍ର ଜେନାଙ୍କ ଓକିଲ ଏହି ଯୁକ୍ତିକୁ ବିରୋଧ କରିଥିଲେ। ଆସନ୍ତାକାଲି ଜୈନଙ୍କ ଜାମିନ ଆବେଦନ ଉପରେ କୋର୍ଟ ଶୁଣାଣି କରିବେ।

ASG SV ରାଜୁ ମଧ୍ୟ ସତେନ୍ଦ୍ର ଜୈନଙ୍କ ଅସୁସ୍ଥତା ଉପରେ ପ୍ରଶ୍ନ ଉଠାଇଥିଲେ।  ସେ କହିଛନ୍ତି, 'ସତେନ୍ଦ୍ର ଜୈନଙ୍କ ଡାକ୍ତରୀ ରିପୋର୍ଟ ନିଶ୍ଚିତ କରିଛି ଯେ ତାଙ୍କ ସ୍ୱାସ୍ଥ୍ୟ ଅବସ୍ଥା ଭଲ ଅଛି। ଉଚ୍ଚ ରକ୍ତଚାପ ଉପରେ ସେ ଅଭିଯୋଗ କରୁଛନ୍ତି। ତାଙ୍କୁ ଔଷଧ ଦିଆଯାଇଥିଲା କିନ୍ତୁ ସେ ଜାଣିଶୁଣି ଔଷଧ ସେବନ କରୁ ନଥିଲେ।  ତାଙ୍କୁ ସମାନ ଖାଇବାକୁ କୁହାଯାଇଛି, ଯାହା ମୁଁ ନିଜେ ନେଉଛି। ବାସ୍ତବରେ, ସେ ଉଦ୍ଦେଶ୍ୟମୂଳକ ଭାବରେ ଏପରି ପରିବେଶ ସୃଷ୍ଟି କରିବାକୁ ଚାହୁଁଛନ୍ତି, ଯାହାଫଳରେ ସେ ସ୍ୱାସ୍ଥ୍ୟଗତ କାରଣରୁ ଜାମିନ ପାଇପାରିବେ।

ଅନ୍ୟପକ୍ଷରେ ସତେନ୍ଦ୍ର ଜୈନଙ୍କ ସିନିୟର ଆଡଭୋକେଟ୍ ହରିହରନ୍ ହାଜର ହୋଇଥିଲେ। ସେ କହିଛନ୍ତି ଯେ ସତେନ୍ଦ୍ର ଜୈନଙ୍କ ଅସୁସ୍ଥତା ଏକ ବାହାନା ନୁହେଁ।  ଜାମିନ ଆବେଦନ ପତ୍ରରେ ଆମେ ଅସୁସ୍ଥତା ସୃଷ୍ଟି କରିନାହୁଁ।  କିନ୍ତୁ ଏହା ସତ୍ୟ ଯେ ତାଙ୍କ ସ୍ୱାସ୍ଥ୍ୟ ପ୍ରକୃତରେ ଖରାପ ଅଟେ।  ଶେଷ ହାଜର ହେବା ସମୟରେ କୋର୍ଟରେ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା।  ଏହି ଭୟଙ୍କର ପରିସ୍ଥିତିକୁ ଦୃଷ୍ଟିରେ ରଖି ଜାମିନ ଆବେଦନ କରିବାକୁ ପଡିବ। ଏହି ମାମଲାରେ ତଦନ୍ତ ଶେଷ ହୋଇଛି। ଜାମିନ ଆବେଦନ ଶୁଣାଣି ସମୟରେ କୋର୍ଟର ଶୁଣାଣି ପରି ମାମଲାର ଯୋଗ୍ୟତାକୁ ଯିବା ଆବଶ୍ୟକ ନାହିଁ।

ଏତେ ଶୁଣାଣି ପରେ କୋର୍ଟ ସତେନ୍ଦ୍ର ଜୈନଙ୍କୁ ୧୪ ଦିନ ପାଇଁ ନ୍ୟାୟିକ ହେପାଜତକୁ ପଠାଇ ଦେଇଛନ୍ତି।  ଆସନ୍ତାକାଲି କୋର୍ଟ ତାଙ୍କ ଦ୍ୱାରା ଦାଖଲ ହୋଇଥିବା ଜାମିନ ଆବେଦନ ଉପରେ ଶୁଣାଣି କରିବେ।
Published by:Soumya Das
First published: