ଏହି ୧୪ଟି ଖାଦ୍ୟ ସାମଗ୍ରୀ ଖୋଲାରେ ବିକିଲେ ଲାଗିବନି GST; ସ୍ପଷ୍ଟ କଲେ ଅର୍ଥମନ୍ତ୍ରୀ

News18 Odia Digital

ଖାଦ୍ୟ ସାମଗ୍ରୀ ଉପରେ ଜିଏସଟି ଲାଗିବା ପରେ ଲୋକେ ଅସନ୍ତୋଷ ପ୍ରକାଶ କରିଛନ୍ତି। ଏଭଳି ବିବାଦ ମଧ୍ୟରେ ଟ୍ବିଟ କରି ଏକ ବଡ଼ ସୂଚନା ଦେଇଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମାଳା ସୀତାରମଣ। ଏକ ଟ୍ବିଟ କରି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ଏହି ତାଲିକାରେ ଥିବା ୧୪ଟି ଜିନିଷ ଯଦି ପ୍ୟାକେଟରେ ବିକ୍ରି ନ ହୋଇ ଖୋଲାରେ ବିକ୍ରି ହୁଏ, ତେବେ ଏହି ଜିନିଷ ପାଇଁ ଲୋକଙ୍କୁ ଜିଏସଟି ଦେବାକୁ ପଡ଼ିବ ନାହିଁ। ଡାଲି, ଗହମ, ବାଜରା, ଚାଉଳ, ସୁଜି, ଦହି, ଲସି ଭଳି ଅତ୍ୟାବଶ୍ୟକ ସାମଗ୍ରୀ ଏହି ତାଲିକାରେ ରହିଛି।

The @GST_Council has exempt from GST, all items specified below in the list, when sold loose, and not pre-packed or pre-labeled.

They will not attract any GST.

The decision is of the @GST_Council and no one member. The process of decision making is given below in 14 tweets. pic.twitter.com/U21L0dW8oG

— Nirmala Sitharaman (@nsitharaman) July 19, 2022

କେନ୍ଦ୍ର ଅର୍ଥମନ୍ତ୍ରୀ ସେୟାର କରି କହିଛନ୍ତି ଯେ, ଏହି ସବୁ ସାମଗ୍ରୀକୁ ଯଦି ଖୋଲାରେ ବିକ୍ରି କରାଯାଏ, ତେବେ ଏହା ଉପରେ କୌଣସି ପ୍ରକାର ଜିଏସଟି ଶୁଳ୍କ ଲାଗିବ ନାହିଁ । ସେ ଆହୁରି ମଧ୍ୟ କହିଛନ୍ତି ଯେ କଣ ପ୍ରଥମ ଥର ଖାଦ୍ୟ ପଦାର୍ଥ ଉପରେ ଏପରି କର ଲଗାଯାଉଛି? ନା, ରାଜ୍ୟ ସରକାର ଜିଏସଟି ନିୟମ ପୂର୍ବରୁ ଖାଦ୍ୟ ପଦାର୍ଥରୁ ଅଧକ ରାଜସ୍ୱ ଆଦାୟ କରୁଥିଲେ । କେବଳ ପଞ୍ଜାବ କ୍ରୟକର ବାବଦକୁ ଖାଦ୍ୟ ପଦାର୍ଥରୁ ୨ ହଜାର କୋଟିରୁ ଅଧିକ ଟଙ୍କା ସଂଗ୍ରହ କରୁଥିଲେ । ୟୁପିରେ ମଧ୍ୟ ଏହା ୭ ଶହ କୋଟି ଥିଲା।