ବିହାର ସରକାରଙ୍କ ବଡ଼ ଘୋଷଣା; ମଦ ବ୍ୟବସାୟ ଛାଡ଼ିଲେ ମିଳିବ ୧ଲକ୍ଷ ସହାୟତା

News18 Odia Digital

ପାଟଣା: ବିହାରରେ ବେଆଇନ ମଦକୁ ରୋକିବା ପାଇଁ ନୀତିଶ ସରକାର ଏକ ବଡ ଘୋଷଣା କରିଛନ୍ତି। ଯିଏ ଏହି ବ୍ୟବସାୟରୁ ବାହାରକୁ ଆସି ଜୀବିକା ନିର୍ବାହ ପାଇଁ ନୂଆ ଜୀବନ ଆରମ୍ଭ କରିବ, ସରକାର ତାଙ୍କୁ ଏକ ଲକ୍ଷ ଟଙ୍କା ସାହାଯ୍ୟ କରିବେ।

ମୁଖ୍ୟମନ୍ତ୍ରୀ ନୀତିଶ କୁମାର ଟ୍ୱିଟ୍ କରି ଏ ସମ୍ପର୍କରେ ସୂଚନା ଦେଇଛନ୍ତି। ନିଶା ମୁକ୍ତ ଦିବସରେ ଆୟୋଜିତ କାର୍ଯ୍ୟକ୍ରମର ଉଦଘାଟନ କରି ସେ ଟ୍ୱିଟ୍ କରି ଲେଖିଛନ୍ତି। ଆମେ ବିହାରରେ ନିଷେଧାଦେଶକୁ କଡାକଡି ଭାବେ କାର୍ଯ୍ୟକାରୀ କରୁଛୁ। ସ୍ଥାୟୀ ଜୀବିକା ଯୋଜନା ଅଧୀନରେ, ମଦ ବ୍ୟବସାୟ ସହିତ ଜଡିତ ଲୋକଙ୍କୁ ଅନ୍ୟ ଏକ କାମ ଆରମ୍ଭ କରିବାକୁ ସହାୟତା ଦିଆଯାଉଛି। ବହୁ ସଂଖ୍ୟକ ଲୋକ ଏହାର ସୁଯୋଗ ନେଇଛନ୍ତି। ଲୋକଙ୍କୁ ନିଷେଧାଦେଶ ବିଷୟରେ ଅବଗତ କରାଇବା ଆବଶ୍ୟକ।।ସାମାଜିକ ସଂସ୍କାର ଅଭିଯାନକୁ ନିରନ୍ତର ଜାରି ରଖିବାକୁ ପଡିବ। ରାଜ୍ୟ ମଧ୍ୟ ଅଗ୍ରଗତି କରିବ ଓ ସମସ୍ତେ ଅଗ୍ରଗତି କରିବେ।

ମୁଖ୍ୟମନ୍ତ୍ରୀ ଏହା ମଧ୍ୟ କହିଛନ୍ତି ଯେ ଲୋକଙ୍କ ଘରେ ବିଷାକ୍ତ ମଦ ଯୋଗାଉଥିବାରୁ ବ୍ୟବସାୟୀମାନେ ଧରାପଡି ନାହାଁନ୍ତି। ଗରିବ ଲୋକଙ୍କୁ ଧରିବାର କୌଣସି ଆବଶ୍ୟକତା ନାହିଁ, ଆମେ ସେହି ଗରିବଙ୍କ ପାଇଁ ଏହି ଯୋଜନା ପ୍ରସ୍ତୁତ କରିଛୁ, ଯେଉଁମାନେ ଲୋକମାନଙ୍କୁ ମଦ ଓ ତାଡ଼ି ବିକ୍ରି କରନ୍ତି। ମଦ ବ୍ୟବସାୟୀଙ୍କୁ ଗିରଫ କରାଯିବା ଉଚିତ ନୁହେଁ ବରଂ ସେମାନଙ୍କଠାରୁ ମଦ ନେଉଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ ବୋଲି ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି।

ବାସ୍ତବରେ, ବିହାରରେ ମଦ ଉପରେ ଏକ ନିଷେଧାଦେଶ ରହିଛି, ୨୦୧୬ ମସିହାରେ ଏହି ନିୟମ କାର୍ଯ୍ୟକାରୀ କରି ମଦ ବିକ୍ରୟ ଓ କ୍ରୟ ସମ୍ପୂର୍ଣ୍ଣ ନିଷେଧ କରାଯାଇଥିଲା।  ସୂତ୍ରରୁ ପ୍ରକାଶ ଯେ ଏହି ଆଇନ କାର୍ଯ୍ୟକାରୀ ହେବା ପରଠାରୁ ଏପର୍ଯ୍ୟନ୍ତ ପ୍ରାୟ ୪ ଲକ୍ଷ ଲୋକଙ୍କୁ ଗିରଫ କରାଯାଇଛି। କିନ୍ତୁ ବର୍ତ୍ତମାନ ଏହି ସଙ୍କଟରୁ ରାଜ୍ୟକୁ ବାହାର କରିବା ପାଇଁ ମୁଖ୍ୟମନ୍ତ୍ରୀ ନୀତିଶ କୁମାର ନିଶା ସେବନ ଅବସରରେ ଏକ ବଡ଼ ଘୋଷଣା କରି କହିଛନ୍ତି ଯେ ଯିଏ ଏହି ବ୍ୟବସାୟରୁ ବାହାରକୁ ଆସିବ ତାଙ୍କୁ ଏକ ଲକ୍ଷ ଟଙ୍କା ସହାୟତା ଦିଆଯିବ।