ଭୂମିକମ୍ପ: ୭.୩ ତୀବ୍ରତାରେ ଥରିଲା ନ୍ୟୁଜିଲାଣ୍ଡ

News18 Odia Digital

Earthquake: ଆଜିକାଲି ପୃଥିବୀର ଅନେକ ଦେଶରେ କ୍ରମାଗତ ଭୂକମ୍ପ ଅନୁଭୂତ ହେଉଛି। ଆଜି ସକାଳେ ନ୍ୟୁଜିଲାଣ୍ଡରେ ଭୀଷଣ ଭୂମିକମ୍ପ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୭.୩ ରେକର୍ଡ କରାଯାଇଛି । ଭାରତୀୟ ସମୟ ଅନୁସାରେ ଆଜି ସକାଳ ୬ଟା ୧୧ ମିନିଟରେ ଭୂମିକମ୍ପ ଅନୂଭୁତ ହୋଇଥିଲା।  ଏଥିରେ ବିଶେଷ କ୍ଷୟକ୍ଷତି ହୋଇନଥିବାର ସୂଚନା ମିଳିଛି ।

ଭୂମିକମ୍ପ ନ୍ୟୁଜିଲାଣ୍ଡର ଉତ୍ତର ଦ୍ୱୀପଠାରୁ ୯୦୦ କିଲୋମିଟର ଉତ୍ତର-ପୂର୍ବ କେମିଡୀକ୍ ଦ୍ୱୀପର ୧୦ କିଲୋମିଟର ଗଭୀରତାରେ କେନ୍ଦ୍ରୀଭୂତ ହୋଇଛି । ମାର୍ଚ୍ଚ ମାସରେ ନ୍ୟୁଜଲାଣ୍ଡରେ ପ୍ରଥମ ଭୂମିକମ୍ପ  ହୋଇଥିଲା । ଗତକାଲି ମଧ୍ୟ ଏଠାରେ ୩.୬ ତୀବ୍ରତାପୂର୍ଣ୍ଣ ମୃଦୁ ଭୂମିକମ୍ପ ଅନୁଭୂତ ହୋଇଥିଲା ।