ପୋଲିସର ନୂଆ ଖୁଲାସା: ପୀଡିତାଙ୍କ ସହ ହୋଇନି ଦୁଷ୍କର୍ମ, ସ୍କୁଟିରେ ଥିଲେ ଆଉ ଜଣେ ମହିଳା

ପୋଲିସ ନୂଆ ଖୁଲାସା । ଘଟଣା ଦିନ ରାତିରେ ପୀଡିତାଙ୍କ ସହ ସ୍କୁଟିରେ ଆଉ ଜଣେ ମହିଳା ଥିଲେ।

ପୋଲିସର ନୂଆ ଖୁଲାସା

ପୋଲିସର ନୂଆ ଖୁଲାସା

  • News18 Odia
  • Last Updated :
  • Other, India
  • Share this:
News18 Odia Digital

ନୂଆ ଦିଲ୍ଲୀ: କାରରେ ଘୋଷାଡି ହୋଇ ମୃତ୍ଯୁ ହୋଇଥିବା ମାମଲରେ ନୂଆ ଦିଗ ସାମ୍ନାକୁ ଆସିଛି । ଘଟଣା ଘଟିଥିବା ରାତିରେ ଝିଅ ଜଣଙ୍କ ଗାଡିରେ ଏକା ନଥିଲେ । ତାଙ୍କ ସହ ସ୍କୁଟିରେ ଆଉ ଜଣେ ମହିଳା ଥିଲେ ବୋଲି ପୋଲିସ ପକ୍ଷରୁ ସୂଚନା ମିଳିଛି । ଝିଅଟି ଗାଡି ପଛରେର ଆଉ ଜଣେ ମହିଳା ବସିଥିଲେ ବୋଲି ସୂତ୍ରରୁ ପ୍ରକାଶ ପାଇଛି ।

ସମ୍ପୂର୍ଣ୍ଣ ନିଷ୍ପତ୍ତିରେ ପହଞ୍ଚିବା ପୂର୍ବରୁ ପୋଲିସ ସେଦିନ ରାତିର ଘଟିଥିବା ଘଟଣାବଳୀକୁ ପ୍ରଥନେ ଟାଇମଲାଇନ କରିବ। ସେଥିପାଇଁ ସେହିଦିନ ପୀଡ଼ିତାଙ୍କ ସହ ଥିବା ଝିଅର ବୟାନ ନିଆଯିବ । ଉକ୍ତ ମହିଳାଙ୍କ ବୟାନ ଦୋଷୀମାନଙ୍କ ପାଇଁ ଗୁରୁତ୍ୱପୂର୍ଣ୍ଣ ଭୂମିକା ନିଭାଇବ । ସୋମବାର ରାତିରେ ପୋଲିସ ଆୟୁକ୍ତ ଶାଲିନ ସିଂ ଘଟଣା ସ୍ଥଳରେ ସ୍ଥିତି ପରଖିଥିଲେ ।

କେନ୍ଦ୍ରୀୟ ଗୃହ ମନ୍ତ୍ରାଳୟ ଏହି ମାମଲାରେ ଏକ ଯାଞ୍ଚ ସମତି ଗଠନ କରିଛି । ଏହି ସମିତିର ମୁଖ୍ଯ ଭାବେ ଶାଲିନ ସିଂଙ୍କୁ ଦାୟିତ୍ୱ ଦିଆଯାଇଛି । ଆଜି ସନ୍ଧ୍ଯା ସୁଦ୍ଧା ସେ ଗୃହ ମନ୍ତ୍ରାଳୟକୁ ରିପୋର୍ଟ ପ୍ରଦାନ କରିବେ । ସୋମବାର ଏକ ଡାକ୍ତର ଦଳ ମୃତକଙ୍କର ପୋଷ୍ଟ ମର୍ଟମ କରିଥିଲେ । ପୀଡ଼ତାଙ୍କ ସହ କୌଣସି ଦୁଷ୍କର୍ମ ହୋଇନାହିଁ । ତାଙ୍କ ପ୍ରାଇଭେଟ ପାର୍ଟରେ କୌଣସି ଚିହ୍ନ ନାହିଁ ବୋଲି ଡାକ୍ତରି ଦଳ ସ୍ପଷ୍ଟ କରିଛନ୍ତି ।

ଏଫଏସଏଲର ଏକ ଦଳ ଘଟଣା ସ୍ଥଳ ଗସ୍ତ କରିଥିଲେ ଓ ସେମାନେ ସେଠାରେ ପ୍ରମାଣ ଏକାଠି କରିଥିଲେ । ଟିମ ପୀଡି଼ତାଙ୍କ ସ୍କୁଟି ଓ ଦୋଷୀଙ୍କ କାରର ସାମ୍ପଲ ମଧ୍ଯ ସଂଗ୍ରହ କରିଛନ୍ତି ।

ସୂଚନାଯୋଗ୍ଯ, ଘଟଣା ସମୟରେ ପୀଡିତା ନିଜେ ସ୍କୁଟି ଚଲାଉଥିଲେ । ବଲେନୋ କାର ସହ ଧକ୍କା ହୋଇ ସେ କାର ତଳେ ଫସି ଯାଇଥିଲେ । ଦୁର୍ଘଟଣା ଏତେ ଜୋରରେ ଘଟିଥିଲା ଯେ ପୀଡ଼ିତା ଜଣଙ୍କ କାରରେ ଘୋଷାଡ଼ି ହୋଇ ୧୦କିମି ପର୍ଯ୍ଯନ୍ତ ଚାଲିଯାଇଥିଲେ । ଯେଉଁଥିରେ ତାଙ୍କର ମୃତ୍ଯୁ ହୋଇଥିଲା । କାରରେ ଥିବା ୫ ଜଣଙ୍କୁ ପୋଲିସ ଗିରଫ କରିନେଇଥଲା ।ସେମାନଙ୍କୁ ବର୍ତ୍ତମାନ ୩ଦିନ ରିମାଣ୍ଡରେ ପଠାଯାଇଛି ।
Published by:Soumya Das
First published: