ନେହା କକ୍କରଙ୍କ ବାପା ଚା ଓ ସାମୋସା ବିକ୍ରି କରି ପରିବାର ଚଳାଉଥିଲେ; ଜାଣନ୍ତୁ ସିଙ୍ଗରଙ୍କ ଷ୍ଟ୍ରଗଲ କାହାଣୀ

News18 Odia Digital
ମୁମ୍ବାଇ: ସିଙ୍ଗର ନେହା କକ୍କରଙ୍କୁ ଆଜି ସମସ୍ତେ ଜାଣନ୍ତି । ଲୋକମାନେ ତାଙ୍କ ଗୀତକୁ ବହୁତ ପସନ୍ଦ ମଧ୍ୟ କରିଥାନ୍ତି । ନିଜ କରିୟରରେ ଏ ପର୍ଯ୍ୟନ୍ତ ନେହା କକ୍କର (Neha Kakkar) ଅନେକ ସୁପରହିଟ୍ ଗୀତ ଗାଇ ସାରିଛନ୍ତି । ସେ କେବଳ ନିଜ ଗୀତ ପାଇଁ ନୁହେଁ, ସେଲଫି ପାଇଁ ମଧ୍ୟ ଜଣାଶୁଣା । କିନ୍ତୁ ଯେଉଁଠାରେ ସେ ଆଜି ଅଛନ୍ତି ସେହି ସ୍ଥାନକୁ ଆସିବା ପାଇଁ ତାଙ୍କ ଯାତ୍ରା ଏକ ସଂଘର୍ଷପୂର୍ଣ୍ଣ ଥିଲା । ନେହା କକ୍କରଙ୍କୁ ଏହି ସଫଳତା ସହଜରେ ମିଳି ନଥିଲା । ନେହା କକ୍କର ମଧ୍ୟ ନିଜ ଜୀବନର ଯାତ୍ରାକୁ ଅନେକ ଥର ବର୍ଣ୍ଣନା କରିଛନ୍ତି । ଜାଣନ୍ତୁ ନେହା କକ୍କରଙ୍କ ସଂଘର୍ଷର କାହାଣୀ ...

ଆଜି ଶ୍ରେଷ୍ଠ ସିଙ୍ଗରମାନଙ୍କ ମଧ୍ୟରେ ନେହା କକ୍କର ନାମିତ ହୋଇଛନ୍ତି । ନେହା ଗୀତ ଗାଇବା ବ୍ୟତୀତ ସିଙ୍ଗିଙ୍ଗ ରିଆଲିଟି ଶୋ'ର ଜଜ ମଧ୍ୟ କରନ୍ତି । ସିଙ୍ଗିଙ୍ଗ ରିଆଲିଟି ଶୋ 'ସା ରେ ଗା ମା ପା ଲିଟିଲ ଚାମ୍ପିଅନ୍ସ'ରେ (Sa Re Ga Ma Pa Little Champs) ସଫଳତା ପାଇଁ ସେ ଥରେ ନିଜ ଭଉଣୀ ସୋନୁଙ୍କୁ ଶ୍ରେୟ ଦେଇଥିଲେ । ନେହା ଶୋ’ରେ କହିଛନ୍ତି, 'ମୁଁ ଚାରି ବର୍ଷ ବୟସରୁ ଗୀତ ଗାଇବା ଆରମ୍ଭ କରିଥିଲି । ସୋନୁ ଦିଦି ମଧ୍ୟ ପିଲାଦିନରୁ ଗୀତ ଗାଇବା ଆରମ୍ଭ କରିଥିଲେ । ମୋ ପରିବାର ପୂର୍ବରୁ ସଂଗୀତ ସହ ଜଡିତ ନ ଥିଲେ । ସୋନୁ ଦିଦି ଆମ ଘରେ ପ୍ରଥମ ସିଙ୍ଗର ଥିଲେ । ଯଦି ସେ ସେଠାରେ ନଥାନ୍ତେ, ମୁଁ ଆଜି ଗାୟକ ହୋଇନଥା’ନ୍ତି । ଆଜି ମୁଁ ଯାହା ବି ହୋଇଛି, ତାହା କେବଳ ସୋନୁ ଦିଦିଙ୍କ କାରଣରୁ । ସୋନୁ ଓ ଟନି (ଭାଇ) ମୋର ଜୀବନ ।'

ନେହା ଏକ ଛୋଟ ସହରରୁ ଆସିଛନ୍ତି । ତେଣୁ ତାଙ୍କ ଉପରେ ଅନେକ ପ୍ରତିବନ୍ଧକ ଥିଲା । ସେ ଥରେ କହିଥିଲେ, "ଛୋଟ ସହରର ଲୋକଙ୍କର ବଡ଼ ସ୍ୱପ୍ନ ଦେଖିବାର ଅଧିକାର ମଧ୍ୟ ନାହିଁ । ଏଭଳି ପରିସ୍ଥିତିରେ ଆମ ସମସ୍ତଙ୍କୁ କିଛି ଭଲ କରିବା ପାଇଁ ଏକ ପ୍ରୟାସ କରାଯାଉଥିଲା । ଆମ ଘରର ଆର୍ଥିକ ଅବସ୍ଥା ମଧ୍ୟ ଭଲ ନଥିଲା । ବାପା ସୋନୁ ଦିଦିଙ୍କ କଲେଜ ବାହାରେ ଚା-ସାମୋସା ବିକ୍ରି କରୁଥିଲେ, ଯେଉଁ କାରଣରୁ ପିଲାମାନେ ତାଙ୍କ ଉପରେ ଅନେକ ତାନା ମାରୁଥିଲେ । ନେହା କକ୍କର ନିଜ ଜୀବନର କାହାଣୀକୁ ଗୀତ ମାଧ୍ୟମରେ ମଧ୍ୟ ସମସ୍ତଙ୍କ ସାମ୍ନାରେ ରଖିଛନ୍ତି ।"

ନେହା ଆହୁରି କହିଛନ୍ତି, 'ଟୋନି ସେତେବେଳେ ବହୁତ ଛୋଟ ଥିଲେ, କିନ୍ତୁ ସେ ଆମ ଦୁହିଁଙ୍କ ପାଇଁ ଗୀତ ତିଆରି କରୁଥିଲା । ସର୍ବଶେଷରେ ତାଙ୍କର ଗୀତ 'ମିଲେ ହୋ ତୁମ୍ ହମକୋ' (MILE HO TUM HUMKO) ଏକ ହିଟ୍ ହୋଇଥିଲା ଓ ଏହା ୧୦୦ କୋଟିରୁ ଅଧିକ ଭ୍ୟୁ ପାଇଥିଲା । ଆମେ ଧୀରେ ଧୀରେ ସଫଳତା ପାଇଲୁ ।"

ଅବଶ୍ୟ ଯେଉଁମାନେ ଚେଷ୍ଟା କରନ୍ତି, ହାରନ୍ତି ନାହିଁ, ଓ ନେହା କକ୍କର ମଧ୍ୟ ଏହା ପ୍ରମାଣ କରିଛନ୍ତି । ନେହା କେବଳ ବଡ ସ୍ୱପ୍ନ ଦେଖି ନଥିଲେ ବରଂ ସେଗୁଡିକ ପୂରଣ କରିଥିଲେ । ନେହାଙ୍କର ଆଜି ନିଜର ବିଳାସପୂର୍ଣ୍ଣ ଘର ଅଛି ଓ ଅନେକ ଦାମୀ କାର ମଧ୍ୟ ଅଛି । ନେହା ପ୍ରାୟତ ନିଜ ସ୍ୱାମୀଙ୍କ ସହ ଫଟୋ ଓ ଭିଡିଓ ସେୟାର କରନ୍ତି ।