ଆର୍ଟେମିସ୍ -୧ ମିଶନ ଲଞ୍ଚ କଲା NASA; ୨୦୨୪ ସୁଦ୍ଧା ଏହାର ୨ ହେବ ଲଞ୍ଚ

News 18 Odia Digital

ନୂଆଦିଲ୍ଲୀ: ନାସାର ଚନ୍ଦ୍ରଯାନ ଅଭିଯାନ ‘ଆର୍ଟେମିସ୍-୧’ ବୁଧବାର ସଫଳ ଭାବେ ଉତ୍‌କ୍ଷେପିତ ହୋଇଛି। ଆର୍ଟେମିସ୍-୧ ଅଭିଯାନ ହେଉଛି ୨୦୨୫ ସୁଦ୍ଧା ଚନ୍ଦ୍ରକୁ ପୁଣି ମଣିଷ ପଠାଇବାର ପ୍ରାରମ୍ଭିକ ପଦକ୍ଷେପ। ଏହି ଯାନ ଗତ ଅଗଷ୍ଟ ମାସରେ ଛଡ଼ା ଯିବାର କାର୍ଯ୍ୟକ୍ରମ ଥିବା ବେଳେ ଇଂଜିନରେ ତ୍ରୁଟି ଆଶଙ୍କା, ଝଡ଼ତୋଫାନ ଆଦି ବିଭିନ୍ନ କାରଣରୁ ବିଳମ୍ବିତ ହୋଇଥିଲା। ଗତକାଲି ରାତି ୧ଟା ୪୭ରେ ଏହା ସଫଳଭାବେ ଉତ୍‌କ୍ଷେପିତ ହୋଇଛି।

ଆର୍ଟେମିସ୍ ୧ ମିଶନ୍ ପୂର୍ବରୁ ନଭେମ୍ବର ୧୪ ରେ ଆରମ୍ଭ ହେବାର ଥିଲା କିନ୍ତୁ ଟ୍ରପିକାଲ୍ ଝଡ ନିକୋଲ କାରଣରୁ ଏହାକୁ ସ୍ଥଗିତ ରଖିବାକୁ ପଡିଥିଲା। SLS ରକେଟ୍ ଏବଂ ଓରିଅନ୍ ମହାକାଶଯାନକୁ ଲଞ୍ଚ କମ୍ପ୍ଲେକ୍ସରେ ଛାଡିବାକୁ ପାଣିପାଗ ବିଭାଗ ନିର୍ଦ୍ଦେଶ ଦେଇଥିଲା ଏବଂ ଏହା ହେତୁ ସାମାନ୍ୟ କ୍ଷତି ଘଟଘଟିଥିଲା। ନୂଆ ରକେଟ୍ ଏବଂ ମହାକାଶଯାନ ସହିତ ବିଭିନ୍ନ ସମସ୍ୟା ହେତୁ ଆର୍ଟେମିସ୍ ମିଶନ୍ ଲଞ୍ଚ କରିବାକୁ ସ୍ପେସ୍ ଏଜେନ୍ସିର ପୂର୍ବ ପ୍ରୟାସକୁ ବାତିଲ କରିବାକୁ ପଡିଥିଲା।

ଆର୍ଟେମିସ୍-୧ ଅଭିଯାନ ସଫଳ ହେଲେ ୨୦୨୪ ପ୍ରାରମ୍ଭରେ ନାସା ଆର୍ଟେମିସ୍-୨ ପ୍ରେରଣ କରିବ ଏବଂ ୨୦୨୫ରେ ମନୁଷ୍ୟ-ଯୁକ୍ତ ଆର୍ଟେମିସ୍-୩ ପ୍ରେରଣ କରିବାକୁ ଲକ୍ଷ୍ୟ ରଖିଛି। ଏଥିରେ ପ୍ରଥମ ମହିଳା ବା ପ୍ରଥମ ଅଣ-ଶ୍ବେତାଙ୍ଗ ଚନ୍ଦ୍ରପୃଷ୍ଠକୁ ଯିବାର ସମ୍ଭାବନା ରହିଛି। ନାସା ଏହାର ବିଭିନ୍ନ ସୋସିଆଲ ମିଡିଆ ହ୍ୟାଣ୍ଡେଲରେ ଲାଇଭ୍ ଷ୍ଟ୍ରିମ୍ କରିଥିଲା ଏବଂ ଟ୍ୱିଟରରେ ସର୍ଟ କ୍ଲିପ୍ ମଧ୍ୟ ପୋଷ୍ଟ କରିଥିଲ। ଏହି ଭିଡିଓଗୁଡିକ ମଧ୍ୟରୁ ଗୋଟିଏ ଚନ୍ଦ୍ରକୁ ପରିକ୍ରମା କରିବା ସମୟରେ ରକେଟର ଶୀର୍ଷରେ ସ୍ଥିର ହୋଇଥିବା ସ୍ପେସଶିପ୍ ଓରିଅନ୍ ଦ୍ୱାରା ଧରାଯାଇଥିବା ପୃଥିବୀର ଚମତ୍କାର ଚିତ୍ର ଦେଖିବାକୁ ମିଳିଥିଲା।

ଭବିଷ୍ୟତର କ୍ରୁଏଡ୍ ମିଶନ ପାଇଁ ଏହି ଉନ୍ମୋଚନ ଏକ ମୂଳଦୁଆ ହେବ। ନାସା ଅତୀତରେ ଦୁଇଥର ଏହି ମିଶନ ଆରମ୍ଭ କରିବାକୁ ଚେଷ୍ଟା କରିଛି, କିନ୍ତୁ ଇଞ୍ଜିନ ସମସ୍ୟା ଏବଂ ହାଇଡ୍ରୋଜେନ ଲିକ୍ ହେତୁ ଏହି ଉଦ୍ୟମ ବିଫଳ ହୋଇଛି।