ବିଗିଡ଼ିଲା PM ମୋଦିଙ୍କ ମା' ହିରାବେନଙ୍କ ସ୍ବାସ୍ଥ୍ୟବସ୍ଥା; ହସ୍ପିଟାଲରେ ହେଲେ ଭର୍ତ୍ତି

ପ୍ରଧାନମନ୍ତ୍ରୀ ମୋଦି ନିଜର ମାଆ ହେରାବେନଙ୍କୁ ଭେଟିବାକୁ ଅହମ୍ମଦାବାଦରେ ପହଞ୍ଚିଲେ ।

ନରେନ୍ଦ୍ର ମୋଦିଙ୍କ ମା' ହିରାବେନ ମୋଦି ଗୁଜୁରାଟର ଗାନ୍ଧିନଗରରେ ରୁହନ୍ତି ଏବଂ ଯେତେବେଳେ ବି ପ୍ରଧାନମନ୍ତ୍ରୀ ମୋଦି ଗୁଜୁରାଟକୁ ଯାଆନ୍ତି, ସେ ନିଶ୍ଚିତ ଭାବରେ ତାଙ୍କ ମାଙ୍କୁ ଭେଟନ୍ତି। ଗୁଜୁରାଟ ବିଧାନସଭା ନିର୍ବାଚନରେ ​​ଭୋଟ୍ ଦେବା ପୂର୍ବରୁ ପ୍ରଧାନମନ୍ତ୍ରୀ ମୋଦି ତାଙ୍କ ମା'ଙ୍କୁ ଭେଟି ଆଶୀର୍ବାଦ ନେଇଥିଲେ।

ଅହମ୍ମଦାବାଦ ସ୍ଥିତ ୟୁଏନ ମେହେତା ଇନଷ୍ଟିଚ୍ୟୁଟ୍ ଅଫ୍ କାର୍ଡିଓଲୋଜି ଆଣ୍ଡ ରିସର୍ଚ୍ଚ ସେଣ୍ଟର ପ୍ରଧାନମନ୍ତ୍ରୀ ମୋଦିଙ୍କ ମା' ହିରାବେନ ମୋଦିଙ୍କ ଡାକ୍ତରୀ ବୁଲେଟିନ୍ ପ୍ରକାଶ କରିଛି। ଡାକ୍ତରଖାନାର ମୁଖପାତ୍ର କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମାଙ୍କୁ ଅହମ୍ମଦାବାଦ ୟୁଏନ ମେହେତା ଇନଷ୍ଟିଚ୍ୟୁଟ୍ ଅଫ୍ କାର୍ଡିଓଲୋଜି ଆଣ୍ଡ ରିସର୍ଚ୍ଚ ସେଣ୍ଟରରେ ଭର୍ତ୍ତି କରାଯାଇଛି ଏବଂ ତାଙ୍କ ଅବସ୍ଥା ସ୍ଥିର ରହିଛି।

ମିଡ଼ିଆ ରିପୋର୍ଟକୁ ଉଦ୍ଧୃତ କରି ଏହି ସୂଚନା ସାମ୍ନାକୁ ଆସିଛି। ହିରାବେନଙ୍କ ବୟସ ୧୦୦ ବର୍ଷରୁ ଅଧିକ। ତଥାପି ସେ ବହୁତ ସକ୍ରିୟ ନଜର ଆସନ୍ତି। ଚଳିତ ବର୍ଷ ଜୁନ୍ ମାସରେ ସେ ତାଙ୍କର ୧୦୦ତମ ଜନ୍ମଦିନ ପାଳନ କରିଥିଲେ। ଏହି ଅବସରରେ ପିଏମ ମୋଦି ପାଦ ଧୋଇ ଆଶୀର୍ବାଦ ନେଇଥିଲେ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମା' ହିରାବେନଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବା ପରେ ତାଙ୍କୁ ଅହମ୍ମଦାବାଦର ୟୁଏନ ମେହେତା ହସ୍ପିଟାଲରେ ଭର୍ତ୍ତି କରାଯାଇଛି।