Free Scheme: ପଞ୍ଚାୟତର ଘୋଷଣା, ଟିକସ ଦେଲେ ବର୍ଷେ ମାଗଣାରେ ମିଳିବ ଏହି ସୁବିଧା ..

News18 Odia Digital

ଟିକସ ସଂଗ୍ରହ ପାଇଁ ଏକ ପଞ୍ଚାୟତର ନିଆରା ପ୍ରୟାସ । ସଚ୍ଚୋଟ କରଦାତାଙ୍କୁ Tax ବଦଳରେ ବର୍ଷେ ମାଗଣା ସେବାର ଘୋଷଣା ହୋଇଛି । ଗ୍ରାମ ପଞ୍ଚାୟତରେ ଏକ ମଇଦା କାରଖାନା ଆରମ୍ଭ ହୋଇଛି, ଯେଉଁଠାରୁ ଗ୍ରାମବାସୀ ସିଧାସଳଖ ଗହମ କିମ୍ବା କିଛି ଅଲଗା ଶସ୍ୟ ମଧ୍ୟ ଗ୍ରାଇଣ୍ଡିଂ କରିପାରିବେ ଏବଂ ଏହା ମଧ୍ୟ ସମ୍ପୂର୍ଣ୍ଣ ମାଗଣା । କିନ୍ତୁ ମାଗଣା ଗ୍ରାଇଣ୍ଡିଂର ସୁବିଧା କେବଳ ସେହି ଲୋକଙ୍କ ପାଇଁ ଉପଲବ୍ଧ ହେବ ଯେଉଁମାନେ ଶତ ପ୍ରତିଶତ ଟିକସ ଦେଇଛନ୍ତି। ବାସ୍ତବରେ ଗ୍ରାମାଞ୍ଚଳରେ ପଞ୍ଚାୟତ ଟିକସ ସଂଗ୍ରହ କରିବା ଏକ କଷ୍ଟସାଧ୍ୟ କାର୍ଯ୍ୟ ହୋଇପାରିଛି । ବାରମ୍ବାର ବିଜ୍ଞପ୍ତି ସତ୍ତ୍ବେ  ଟିକସ ସଂଗ୍ରହ କାମ ହୋଇପାରୁ ନାହିଁ ।

ମହାରାଷ୍ଟ୍ରର ୱାର୍ଦ୍ଧା ଜିଲ୍ଲାର ହିଙ୍ଗାଙ୍ଗହାଟ ରାଲେଗାଓଁ ରାସ୍ତାରେ ମାନସବାଲି ଏକ ଗାଁ ଅଛି । ଏହି ଗାଁର ଜନସଂଖ୍ୟା ପ୍ରାୟ ୧୨ ଶହ । ପଞ୍ଚାୟତରେ ଆପଣ 'ଟିକସ ଦେଲେ ଏକ ବର୍ଷ ପାଇଁ ଗ୍ରାଇଣ୍ଡିଂ  ସୁବିଧା ମାଗଣାରେ ପାଇବେ । ଏହି ଧାରଣା ସମସ୍ତଙ୍କ ପାଇଁ ଆକର୍ଷଣୀୟ ହୋଇ ପଡ଼ିଛି ।

ଏହି ଗ୍ରାମ ପଞ୍ଚାୟତ ୧ ଏପ୍ରିଲ ୨୦୨୩ରେ ନିଜେ ଗ୍ରାମ ପଞ୍ଚାୟତ କାର୍ଯ୍ୟାଳୟରେ ଏକ ମଇଦା କାରଖାନା ପ୍ରତିଷ୍ଠା କରିଥିଲେ । ଏହି ପଦକ୍ଷେପ ଉପରେ ନାଗରିକମାନେ ମଧ୍ୟ ସ୍ୱତଃ ପ୍ରବୃତ୍ତ ଭାବେ ସାମିଲ ହୋଇଥିଲେ । ଗହମ,ଡାଲି ଇତ୍ୟାଦି ସିଭିଲ୍ ମିଲ୍‌ରେ ଘରର ଟିକସ୍‌ ରସିଦ ଦେଖାଇ ବିନା ମୂଲ୍ୟରେ ଗ୍ରାଇଣ୍ତିଂ କରାଯାଉଛି । ଏହି ପଦକ୍ଷେପର ଫଳାଫଳ ହେଉଛି ଗ୍ରାମ ପଞ୍ଚାୟତର ଟିକସ ସଂଗ୍ରହ ହାର ମଧ୍ୟ ବୃଦ୍ଧି ପାଇଛି । ଏହି ଗ୍ରାମ ପଞ୍ଚାୟତକୁ ସମଗ୍ର ଜିଲ୍ଲାରେ ଟିକସ ସମ୍ପର୍କରେ ଆଲୋଚନା କରାଯାଉଛି ।

ଗତ ସାତ-ଆଠ ବର୍ଷ ମଧ୍ୟରେ ଅନେକ ଲୋକ ଟିକସ ଦେଇ ନଥିଲେ । ଗ୍ରାମ ପଞ୍ଚାୟତ ପ୍ରଶାସନ ହୃଦୟଙ୍ଗମ କଲା ଯେ ପଞ୍ଚାୟତର ଆର୍ଥିକ ଆୟର ମୁଖ୍ୟ ଉତ୍ସ ହେଉଛି ଟିକସ ସଂଗ୍ରହ ଏବଂ ଏଥିପାଇଁ କର୍ମଚାରୀମାନେ ଦ୍ୱାର ଦେଶରେ ପହଞ୍ଚିଥିଲେ ମଧ୍ୟ କୌଣସି ପ୍ରତିକ୍ରିୟା ମିଳି ନଥିଲା । କିନ୍ତୁ  ଏହି ପଦକ୍ଷେପ ଯୋଗୁଁ ଗ୍ରାମ ପଞ୍ଚାୟତ ପ୍ରଶାସନର ପ୍ରଶଂସାର ସୁଅ ଛୁଟୁଛି । ଅନ୍ୟ ଗ୍ରାମ ପଞ୍ଚାୟତ ମଧ୍ୟ ଏହାକୁ ଏକ ଉଦାହରଣ ଭାବରେ ଗ୍ରହଣ କରି ଟିକସ ଦେବାର ନୂଆ ଧାରଣା କାର୍ଯ୍ୟକାରୀ କରିବାକୁ ମନସ୍ଥ କରୁଛନ୍ତି ।

ପଢନ୍ତୁ ଏହି ଖବର:  Jio Offer: ଜିଓ ସିମ୍ ବ୍ୟବହାରକାରୀଙ୍କ ପାଇଁ ଖୁସି ଖବର... ମାଗଣାରେ ପାଆନ୍ତୁ ୪ଜିବି ଡାଟା !