ଅମ୍ବାନୀ ପରିବାରକୁ ଧମକପୂର୍ଣ୍ଣ କଲ; ଜଣେ ଅଜ୍ଞାତ ବ୍ୟକ୍ତି ଗିରଫ

ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍‌ର ପରିଚାଳନା ନିର୍ଦ୍ଦେଶକ ମୁକେଶ ଅମ୍ବାନୀଙ୍କୁ ଧମକ। କେହି ଜଣେ ଆରଏସ ହସ୍ପିଟାଲକୁ ଫୋନ କରି କହିଥିଲେ ଯେ ସେ ଜଣେ ଏକ ନମ୍ବର ଆତଙ୍କବାଦୀ।

ଅମ୍ବାନୀ ପରିବାରକୁ ଧମକପୂର୍ଣ୍ଣ କଲ

ଅମ୍ବାନୀ ପରିବାରକୁ ଧମକପୂର୍ଣ୍ଣ କଲ

  • Share this:
News18 Odia Digital

ମୁମ୍ବାଇ: ରିଲାଏନ୍ସ ଇଣ୍ଡଷ୍ଟ୍ରିଜ୍ ପରିଚାଳନା ନିର୍ଦ୍ଦେଶକ ମୁକେଶ ଅମ୍ବାନୀଙ୍କ ପରିବାରକୁ ପୁଣିଥରେ ମୃତ୍ୟୁ ଧମକ ଦିଆଯାଇଛି। ସୂଚନାନୁସାରେ, ଏଚଏନ୍ ରିଲାଏନ୍ସ ଫାଉଣ୍ଡେସନ୍ ହସ୍ପିଟାଲର ଫୋନ ନମ୍ବରକୁ ଆଠଟି ଧମକପୂର୍ଣ୍ଣ ଫୋନ୍ କଲ କରାଯାଇଥିଲା।

ତିନି ଘଣ୍ଟା ମଧ୍ୟରେ ତାଙ୍କ ପରିବାରକୁ ହତ୍ୟା କରିବାକୁ ଧମକ ଦିଆଯାଇଥିଲା। ଏହି ମାମଲାରେ ଦହିସର ଅଞ୍ଚଳରୁ ଜଣଙ୍କୁ ଗିରଫ ରଖାଯାଇଛି।

ଡାକ୍ତରଖାନା ପରିଚାଳନା ଏହି ଘଟଣାରେ ଡିବି ମାର୍ଗ ପୋଲିସ ଷ୍ଟେସନରେ ଅଭିଯୋଗ କରିଥିଲେ। ତିନୋଟି ଦଳ ଗଠନ କରି ମୁମ୍ବାଇ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି। ପ୍ରାରମ୍ଭିକ ଅନୁସନ୍ଧାନରୁ ଜଣାପଡ଼ିଛି ଯେ କଲର୍ ସମାନ ଓ ସେ ଲଗାତାର ଆଠଟି କଲ କରିଛି।

ସୁରକ୍ଷା କଡ଼ାକଡ଼ି

ପୋଲିସ କହିଛି ଯେ ପ୍ରାରମ୍ଭିକ ପଚରାଉଚରା ବେଳେ କଲ୍ କରୁଥିବା ବ୍ୟକ୍ତି ମାନସିକ ସ୍ତରରେ ଅସୁସ୍ଥ ଥିବା ଜଣାପଡ଼ିଛି। ତାଙ୍କୁ ଅଧିକ ପଚରାଉଚରା କରାଯିବ। ଅମ୍ବାନୀ ଧମକ ଅଭିଯୋଗ କରିବା ମାତ୍ରେ ମୁମ୍ବାଇ ପୋଲିସ ସତର୍କ ହୋଇଥିଲା। ପୋଲିସ କମିଶନରଙ୍କୁ ମଧ୍ୟ ଏ ସମ୍ପର୍କରେ ଅବଗତ କରାଯାଇଥିଲା। ଏଥିସହିତ ଅମ୍ବାନୀ ପରିବାର ଓ ଆଣ୍ଟିଲିଆର ସୁରକ୍ଷାକୁ କଡ଼ାକଡ଼ି କରାଯାଇଛି।

୨୦୨୧ ଫେବୃଆରୀରେ ଆଣ୍ଟିଲିଆ ନିକଟରେ ଏକ ବୋମା ଥିବା କାର ମିଳିଥିଲା

୨୦୨୧ ଫେବୃଆରୀରେ ଆଣ୍ଟିଲିଆ ବାହାରେ ଏକ ବୋମା ଥିବା ଏସୟୁଭି ଜବତ କରାଯାଇଥିଲା। ଯେଉଁଥିରେ ୨୦ଟି ଜେଲାଟିନ୍ ବାଡି ଓ ଏକ ଚିଠି ମିଳିଥିଲା। ଚିଠିରେ ମୁକେଶ ଅମ୍ବାନୀ ଓ ତାଙ୍କ ପତ୍ନୀ ନୀତା ଅମ୍ବାନୀଙ୍କୁ ଧମକ ଦିଆଯାଇଥିଲା। ଏହି ମାମଲାରେ ମୁମ୍ବାଇ ପୋଲିସର ଏନକାଉଣ୍ଟର ବିଶେଷଜ୍ଞ ସଚିନ ୱାଝେଙ୍କ ନାମ ଆସିଥିଲା। ବର୍ତ୍ତମାନ ଏନଆଇଏ ଏହି ମାମଲାର ଅନୁସନ୍ଧାନ କରୁଛି।

ମୁକେଶ ଅମ୍ବାନୀ ପାଇଁ Z+ ଓ ନୀତା ଅମ୍ବାନୀ ପାଇଁ Y+

ହିଜବୁଲ ମୁଜାହିଦ୍ଦିନଙ୍କଠାରୁ ଧମକ ପାଇବା ପରେ ମୁକେଶ ଅମ୍ବାନୀଙ୍କୁ ତତ୍କାଳୀନ ମନମୋହନ ସିଂ ସରକାର ୨୦୧୩ରେ Z+ ସୁରକ୍ଷା ପ୍ରଦାନ କରିଥିଲେ। ତାଙ୍କ ପତ୍ନୀ ନୀତା ଅମ୍ବାନୀଙ୍କୁ ୨୦୧୬ରେ କେନ୍ଦ୍ର ସରକାର Y+ ସୁରକ୍ଷା ପ୍ରଦାନ କରିଥିଲେ। ସେମାନଙ୍କ ପିଲାମାନଙ୍କୁ ମଧ୍ୟ ମହାରାଷ୍ଟ୍ର ସରକାର ଗ୍ରେଡ୍ ସୁରକ୍ଷା ପ୍ରଦାନ କରିଛନ୍ତି।
Published by:Lipina Das
First published: