ମେହବୁବା ମୁଫତି ପୁଣି ଗୃହବନ୍ଦୀ; ନିଜେ ଟ୍ୱିଟ୍ କରି ଦେଲେ ସୂଚନା

ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ମୁଖ୍ୟ ମେହବୁବା ମୁଫତିଙ୍କୁ ପୁଣି ଥରେ ଗୃହବନ୍ଦୀ । ସେ ନିଜେ ଟ୍ୱିଟ୍ କରି ଏହି ସୂଚନା ଦେଇଛନ୍ତି ।

 ପିଡିପି ମୁଖ୍ୟ ମେହବୁବା ମୁଫତିଙ୍କୁ ପୁଣି ଥରେ ଗୃହବନ୍ଦୀ

ପିଡିପି ମୁଖ୍ୟ ମେହବୁବା ମୁଫତିଙ୍କୁ ପୁଣି ଥରେ ଗୃହବନ୍ଦୀ

  • Share this:
News 18 Odia Digital

ଜାମ୍ମୁ କାଶ୍ମୀର : ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ମୁଖ୍ୟ ମେହବୁବା ମୁଫତିଙ୍କୁ ପୁଣି ଥରେ ଗୃହବନ୍ଦୀ । ସେ ନିଜେ ଟ୍ୱିଟ୍ କରି ଏହି ସୂଚନା ଦେଇଛନ୍ତି । ଏହା ସହ ମେହବୁବା ମୁଫତି କାଶ୍ମୀର ପଣ୍ଡିତଙ୍କ ଅବସ୍ଥା ପାଇଁ କେନ୍ଦ୍ର ସରକାରଙ୍କୁ ପୁଣି ଥରେ ସମାଲୋଚନା କରିଛନ୍ତି ।

ମେହବୁବା ମୁଫତି ଏକ ଟ୍ୱିଟ୍ କରି ଲେଖିଛନ୍ତି ଯେ ଭାରତ ସରକାର କାଶ୍ମୀର ପଣ୍ଡିତଙ୍କ ଦୁଃଖକୁ ଗାମୁଛା ତଳେ ଘୋଡାଇ ରଖିଦବାକୁ ଚାହୁଁଛନ୍ତି । କାରଣ କଠୋର ନୀତି ଯୋଗୁଁ ଯେଉଁମାନେ ପଳାୟନ କରିବାକୁ ପସନ୍ଦ କରି ନାହାଁନ୍ତି ସେମାନଙ୍କୁ ଦୁର୍ଭାଗ୍ୟଜନକ ଭାବେ ଟାର୍ଗେଟ କରି ହତ୍ୟା କରାଯାଇଛି । ସରକାର ଆମକୁ ଶତ୍ରୁ ଭାବରେ ଦେଖୁଛନ୍ତି, ଯେଉଁଥିପାଇଁ ମୋତେ ଗୃହବନ୍ଦୀ ରଖାଯାଇଛି ।

ମେହବୁବା ଆଉ ଏକ ଟ୍ୱିଟ୍ କରି ଲେଖିଛନ୍ତି ଯେ ଆଜି ମୋର ଛୋଟିଗାମରେ ସୁନୀଲ କୁମାରଙ୍କ ପରିବାରକୁ ଭେଟିବାର ଥିଲା । କିନ୍ତୁ ଏହା ପ୍ରଶାସନ ଯୋଗୁ ବିଫଳ ହୋଇଛି ।

ଏହାପୂର୍ବରୁ ମେହବୁବା ମୁଫତି କଂଗ୍ରେସ ଓ ଆପକୁ ସମାଲୋଚନା କରିଥିଲେ। ସେ କହିଥିଲେ ଯେ କେନ୍ଦ୍ରୀୟ ଏଜେନ୍ସିର ଦ୍ଵାରା ତଦନ୍ତର ସମ୍ମୁଖୀନ ହେଉଥିବା ଉଭୟ ଆପା ଓ କଂଗ୍ରେସ ଦୁହେଁ ବିରୋଧୀ ହୋଇ ବିରୋଧ କରିବା ଏହା ଏକ ଦୁଃଖର ବିଷୟ । କଂଗ୍ରେସ ନେତା ମାଣିକାମ ଟାଗୋର ଏହାର ପ୍ରତିକ୍ରିୟା ଦେଇ କହିଛନ୍ତି ଯେ ଦିଲ୍ଲୀର ଉପମୁଖ୍ୟମନ୍ତ୍ରୀ ମନିଷ ସିସୋଦିଆ ଏବଂ ତାଙ୍କ ଦଳ ପ୍ରକୃତ ଦୁର୍ନୀତିଗ୍ରସ୍ତ କାର୍ଯ୍ୟରେ ସମ୍ପୃକ୍ତ ଅଛନ୍ତି ତେଣୁ ସେମାନେ ଦଣ୍ଡ ପାଇବା ଦରକାର ।
Published by:Sujit Swain
First published: