ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»ମମତାଙ୍କ ଆଘାତ: ମୁଖ୍ୟ ସଚିବଙ୍କ ରିପୋର୍ଟରେ ସନ୍ତୁଷ୍ଟ ନୁହଁନ୍ତି ନିର୍ବାଚନ ଆୟୋଗ; ମାଗିଲେ ଅଧିକ ସୂଚନା

ମମତାଙ୍କ ଆଘାତ: ମୁଖ୍ୟ ସଚିବଙ୍କ ରିପୋର୍ଟରେ ସନ୍ତୁଷ୍ଟ ନୁହଁନ୍ତି ନିର୍ବାଚନ ଆୟୋଗ; ମାଗିଲେ ଅଧିକ ସୂଚନା

ନନ୍ଦିଗ୍ରାମରେ (Nandigram) ମୁଖ୍ୟ ମନ୍ତ୍ରୀ ମମତା ବାନାର୍ଜୀଙ୍କ (Mamata Banerjee) ଆଘାତ ପରେ ପଶ୍ଚିମ ବଙ୍ଗ ସରକାର ନିର୍ବାଚନ ଆୟୋଗକୁ ପଠାଇଥିବା ରିପୋର୍ଟରେ ଚାରି-ପାଞ୍ଚ ଜଣଙ୍କ ଆକ୍ରମଣ କରିଥିବା ବିଷୟରେ ଉଲ୍ଲେଖ କରାଯାଇ ନାହିଁ ।

ମମତାଙ୍କ ଆଘାତ: ମୁଖ୍ୟ ସଚିବଙ୍କ ରିପୋର୍ଟରେ ସନ୍ତୁଷ୍ଟ ନୁହଁନ୍ତି ନିର୍ବାଚନ ଆୟୋଗ; ମାଗିଲେ ଅଧିକ ସୂଚନା
ମମତା ଅଭିଯୋଗ କରିଛନ୍ତି ଯେ ନିର୍ବାଚନ ପ୍ରଚାର ସମୟରେ ଚାରି-ପାଞ୍ଚ ଜଣ ତାଙ୍କୁ ଠେଲି ଦେଇଛନ୍ତି
  • News18 Odia
  • Last Updated: March 19, 2021, 5:28 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
କୋଲକାତା: ପଶ୍ଚିମ ବଙ୍ଗର (West Bengal) ନନ୍ଦିଗ୍ରାମରେ ରାଜ୍ୟ ମୁଖ୍ୟ ମନ୍ତ୍ରୀ ମମତା ବାନାର୍ଜୀଙ୍କ (Mamata Banerjee) ଉପରେ ହୋଇଥିବା ଆକ୍ରମଣ ସମ୍ପର୍କରେ ବଙ୍ଗଳା ସରକାର ପଠାଇଥିବା ରିପୋର୍ଟରେ ନିର୍ବାଚନ ଆୟୋଗ ସନ୍ତୁଷ୍ଟ ନୁହଁନ୍ତି । ଏହି କାରଣରୁ ନିର୍ବାଚନ ଆୟୋଗ (Election Commission) ମୁଖ୍ୟ ଶାସନ ସଚିବଙ୍କୁ ଏହି ଘଟଣା ସହ ଜଡିତ ଅଧିକ ସୂଚନା ଦେବାକୁ କହିଛନ୍ତି ।

ରାଜ୍ୟ ନିର୍ବାଚନ ଆୟୋଗର ସଂଲଗ୍ନ ଜଣେ ଅଧିକାରୀ କହିଛନ୍ତି ଯେ ପଶ୍ଚିମ ବଙ୍ଗରେ ରାଜ୍ୟ ମୁଖ୍ୟ ମନ୍ତ୍ରୀ ମମତା ବାନାର୍ଜୀଙ୍କ ଉପରେ ହୋଇଥିବା ଆକ୍ରମଣ ସମ୍ପର୍କରେ ନିର୍ବାଚନ ଆୟୋଗ ରାଜ୍ୟ ମୁଖ୍ୟ ଶାସନ ସଚିବ ଆଲାପାନ୍ ବୃନ୍ଦୋପାଧ୍ୟାୟଙ୍କଠାରୁ ରିପୋର୍ଟ ମାଗିଛନ୍ତି । ମୁଖ୍ୟ ଶାସନ ସଚିବଙ୍କ ରିପୋର୍ଟରେ ଆୟୋଗ ସନ୍ତୁଷ୍ଟ ନୁହଁନ୍ତି । ନିର୍ବାଚନ ଆୟୋଗ ଏ ସମ୍ପର୍କରେ ବିସ୍ତୃତ ଓ ସ୍ପଷ୍ଟ ରିପୋର୍ଟ ମାଗିଛନ୍ତି । ଏହି ରିପୋର୍ଟ ଶନିବାର ଅପରାହ୍ନ ୫ ଟା ସୁଦ୍ଧା ଦାଖଲ କରିବାକୁ କୁହାଯାଇଛି । ସ୍ୱତନ୍ତ୍ର ପୋଲିସ ସୁପରଭାଇଜର ବିବେକ ଦୁବେ ଓ ସ୍ୱତନ୍ତ୍ର ସୁପରଭାଇଜର ଅଜୟ ନାୟକଙ୍କୁ ମଧ୍ୟ ଏହି ପ୍ରସଙ୍ଗରେ ସେମାନଙ୍କର ରିପୋର୍ଟ ନିର୍ବାଚନ ଆୟୋଗଙ୍କ ନିକଟରେ ଦାଖଲ କରିବାକୁ ପଡ଼ିବ ।

ପଶ୍ଚିମ ବଙ୍ଗ ସରକାରଙ୍କ ଦ୍ୱାରା ନିର୍ବାଚନ ଆୟୋଗକୁ ପଠାଯାଇଥିବା ରିପୋର୍ଟରେ ନନ୍ଦିଗ୍ରାମରେ ମୁଖ୍ୟ ମନ୍ତ୍ରୀ ମମତା ବାନାର୍ଜୀଙ୍କ ଆଘାତ ପରେ ଚାରି-ପାଞ୍ଚ ଜଣଙ୍କ ଆକ୍ରମଣ ବିଷୟରେ ଉଲ୍ଲେଖ କରାଯାଇ ନାହିଁ । ଘଟଣାସ୍ଥଳରେ ବହୁ ସଂଖ୍ୟାରେ ଲୋକଙ୍କ ଉପସ୍ଥିତି ଦର୍ଶାଯାଇଛି । ରାଜ୍ୟ ନିର୍ବାଚନ ଆୟୋଗର ଜଣେ ଅଧିକାରୀଙ୍କ ଅନୁଯାୟୀ ଏହି ଘଟଣା କେଉଁଠାରେ ଘଟିଛି ତାହାର କୌଣସି ସ୍ପଷ୍ଟ ଦୃଶ୍ୟ ଉପଲବ୍ଧ ନାହିଁ ବୋଲି ରିପୋର୍ଟରେ ଦର୍ଶାଯାଇଛି ।

୧୦ ମାର୍ଚ୍ଚରେ ବିରୁଲିଆ ବଜାରରେ ମମତାଙ୍କୁ ଆକ୍ରମଣ କରାଯାଇଥିଲା
ରାଜ୍ୟ ମୁଖ୍ୟ ମନ୍ତ୍ରୀ ମମତା ବାନାର୍ଜୀ ୧୦ ମାର୍ଚ୍ଚରେ ନନ୍ଦିଗ୍ରାମ ଆସନ ପାଇଁ ନାମାଙ୍କନପତ୍ର ଦାଖଲ କରିବା ପରେ ପ୍ରଚାର ପାଇଁ ପୂର୍ବ ମେଦିନୀପୁର ଜିଲ୍ଲାର ବିରୁଲିଆ ବଜାରକୁ ଯାଇଥିଲେ । ବାନାର୍ଜୀ ଅଭିଯୋଗ କରିଛନ୍ତି ଯେ ନିର୍ବାଚନ ପ୍ରଚାର ସମୟରେ ଚାରି-ପାଞ୍ଚ ଜଣ ତାଙ୍କୁ ଠେଲି ଦେଇଛନ୍ତି । ଏହା ପରେ ସେ ଆହତ ହୋଇଛନ୍ତି ।
Published by: Jagdish Barik
First published: March 13, 2021, 12:46 PM IST