ରାସ୍ତା ଦୁରାବସ୍ଥା ଦେଖି ମନ୍ତ୍ରୀଙ୍କ ବଡ଼ ନିଷ୍ପତ୍ତି; ମତାମତି ନ ହେବା ପର୍ଯ୍ୟନ୍ତ ପିନ୍ଧିବେନି ଜୋତା

ମନ୍ତ୍ରୀ ପ୍ରଦ୍ୟୁମ୍ନ ସିଂ ତୋମାର ରାସ୍ତାର ଶୋଚନୀୟ ଅବସ୍ଥା ଦେଖି ଜଲଦି ମରାମତି ପାଇଁ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଥିଲେ। ଏହା ସହ ରାସ୍ତା ନିର୍ମାଣ ନହେବା ପର୍ଯ୍ୟନ୍ତ ସେ ଖାଲି ପାଦରେ ଚାଲିବେ ବୋଲି ନିଷ୍ପତ୍ତି ନେଇଛନ୍ତି।

(ପ୍ରତୀକାତ୍ମକ ଛବି)

(ପ୍ରତୀକାତ୍ମକ ଛବି)

  • News18 Odia
  • Last Updated :
  • Other, India
  • Share this:
News18 Odia Digital

ମଧ୍ୟପ୍ରଦେଶ ଶକ୍ତି ମନ୍ତ୍ରୀ ପ୍ରଦ୍ୟୁମ୍ନ ସିଂ ତୋମାର କେବେ ଡ୍ରେନରେ ପଶି ପରେ ସଫା କରିବା ଆରମ୍ଭ କରନ୍ତି ତ ଟ୍ରାନ୍ସଫର୍ମର ସଜାଡ଼ିବାରେ ନଜର ଆସନ୍ତି। ଆଉ କେବେ ଶୌଚାଳୟ ସଫା କରୁଥିବା ଦେଖାଯାଆନ୍ତି। ବର୍ତ୍ତମାନ ସେ ଗ୍ୱାଲିୟର ରାସ୍ତାରେ ଖାଲି ପାଦରେ ବୁଲୁଛନ୍ତି। ବାସ୍ତବରେ ସେ ତାଙ୍କ ବିଧାନସଭା ନିର୍ବାଚନମଣ୍ଡଳୀରେ ଅଚାନକ ଯାଞ୍ଚ କରିବାକୁ ଆସିଥିଲେ। ସେଠାରେ ଥିବା ଖରାପ ରାସ୍ତା ଦେଖି ସେ ଅଧିକାରୀମାନଙ୍କୁ ତାଗିଦ କରିଥିଲେ। ରାସ୍ତା ନିର୍ମାଣ ନହେବା ପର୍ଯ୍ୟନ୍ତ ସେ ଖାଲି ପାଦରେ ଚାଲିବେ ବୋଲି ମନ୍ତ୍ରୀ ପ୍ରତିଶ୍ରୁତି ଦେଇଥିଲେ।

ଗ୍ୱାଲିୟରରେ ରାସ୍ତା ନିର୍ମାଣ ନହେବା ଦେଖି ଶକ୍ତି ମନ୍ତ୍ରୀ ପ୍ରଦ୍ୟୁମ୍ନ ସିଂ ତୋମାର ଗୁରୁବାର ଜୋତା ଓ ଚପଲ ପିନ୍ଧିବା ଛାଡି ଦେଇଛନ୍ତି। ରାସ୍ତାର ଏଭଳି ଅବସ୍ଥା ପାଇଁ କରିବାରୁ ସେ ସହରବାସୀଙ୍କୁ କ୍ଷମା ମାଗିଛନ୍ତି। ତୋମାର କହିଛନ୍ତି ରାସ୍ତା ନ ସଜାଡିବା ପର୍ଯ୍ୟନ୍ତ ସେ ଜୋତା ପିନ୍ଧିବେ ନାହିଁ।

ଶକ୍ତି ମନ୍ତ୍ରୀ ତୋମାର ପ୍ରଥମେ ଲକ୍ଷ୍ମଣ ତାଲାଇୟା ଠାରୁ ଶାବତ ପ୍ରତାପ ଆଶ୍ରମ ପର୍ଯ୍ୟନ୍ତ ରାସ୍ତା ଯାଞ୍ଚ କରିଥିଲେ। ନିର୍ମାଣ କାର୍ଯ୍ୟର ମନ୍ଥର ଅଗ୍ରଗତି ପାଇଁ ସଂପୃକ୍ତ ଅଧିକାରୀଙ୍କ ଉପରେ ଅସନ୍ତୋଷ ବ୍ୟକ୍ତ କରିଛନ୍ତି। ଏହା ମଧ୍ୟ କହିଛି ଯେ ରାସ୍ତା ନିର୍ମାଣ ନହେବା କାରଣରୁ ସାଧାରଣ ଲୋକମାନେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି।

ପ୍ରାୟ ୬ମାସ ପୂର୍ବେ ଶକ୍ତି ମନ୍ତ୍ରୀ ପ୍ରଦ୍ୟୁମାନ ସିଂ ତୋମାର ଲୋକମାନଙ୍କର ସମସ୍ୟା ଶୁଣିବା ପାଇଁ ଏକ ପଦଯାତ୍ରା ବାହାର କରିଥିଲେ। ୫୨ବର୍ଷୀୟ ଟୋମାର ୪୧ ଡିଗ୍ରୀ ତାପମାତ୍ରାରେ ଦୈନିକ ୨୦ ରୁ ୨୨ କିଲୋମିଟର ଯାତ୍ରା କରୁଥିଲେ।
Published by:Soumya Das
First published: