ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»Monsoon Session: ରାଜ୍ୟସଭା କାର୍ଯ୍ୟ ବାଧାପ୍ରାପ୍ତ ଉପରେ ଅସନ୍ତୋଷ ପ୍ରକାଶ କଲେ ସଭାପତି ଏମ ଭେଙ୍କିୟା ନାଇଡୁ

Monsoon Session: ରାଜ୍ୟସଭା କାର୍ଯ୍ୟ ବାଧାପ୍ରାପ୍ତ ଉପରେ ଅସନ୍ତୋଷ ପ୍ରକାଶ କଲେ ସଭାପତି ଏମ ଭେଙ୍କିୟା ନାଇଡୁ

ମୈସୁମୀ ଅଧିବେଶନରେ ପେଗାସସ୍ ମାମଲା, ତିନୋଟି କୃଷି ଆଇନ ସମେତ ବିଭିନ୍ନ ପ୍ରସଙ୍ଗରେ ଗୃହରେ କ୍ରମାଗତ କାର୍ଯ୍ୟ ବାଧାପ୍ରାପ୍ତ ହେଉଛି, ଯାହା ଉପରେ ପ୍ରତିକ୍ରିୟା ରଖିଛନ୍ତି ରାଜ୍ୟସଭା ସଭାପତି ଏମ ଭେଙ୍କିୟା ନାଇଡୁ ।

Monsoon Session: ରାଜ୍ୟସଭା କାର୍ଯ୍ୟ ବାଧାପ୍ରାପ୍ତ ଉପରେ ଅସନ୍ତୋଷ ପ୍ରକାଶ କଲେ ସଭାପତି ଏମ ଭେଙ୍କିୟା ନାଇଡୁ
ରାଜ୍ୟସଭାର କ୍ରମାଗତ ବ୍ୟାଘାତ ନେଇ ଅସନ୍ତୋଷ ଏମ. ଭେଙ୍କିୟା ନାଇଡୁ
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: ବିଭିନ୍ନ ପ୍ରସଙ୍ଗରେ ଉତ୍ତେଜନା କାରଣରୁ ରାଜ୍ୟସଭାର କ୍ରମାଗତ ବ୍ୟାଘାତ ସମ୍ପର୍କରେ ଅସନ୍ତୋଷ ପ୍ରକାଶ କରିଛନ୍ତି ରାଜ୍ୟସଭା ସଭାପତି ଏମ ଭେଙ୍କିୟା ନାଇଡୁ । ସେମବାର ଦିନ ଗୃହରେ ସେ କହିଛନ୍ତି ଯେ ଆମେ ଦିନକୁ ଦିନ ଅସହାୟ ହୋଇପଡୁଛୁ ।

ସୂଚନା ଅନୁଯାୟୀ, ଗତ ସପ୍ତାହରେ ସଂସଦର ମୈସୁମୀ ଅଧିବେଶନ ଆରମ୍ଭରୁ ପେଗାସସ୍ ମାମଲା, ତିନୋଟି କୃଷି ଆଇନ ଭଳି ବିଭିନ୍ନ ପ୍ରସଙ୍ଗରେ ଗୃହରେ କ୍ରମାଗତ ଉତ୍ତେଜନା ହେତୁ କୋଭିଡ୍ ମହାମାରୀର ପରିଚାଳନା ଉପରେ ଚାରି ଘଣ୍ଟିଆ ଆଲୋଚନା ବ୍ୟତୀତ ଅନ୍ୟ କୌଣସି କାର୍ଯ୍ୟ ଏଯାବତ ହୋଇପାରିନାହିଁ । ସୋମବାର ମଧ୍ୟ ଗୃହର ପ୍ରକ୍ରିୟାରେ ବାଧାପ୍ରାପ୍ତ ହେବା ଯୋଗୁଁ ଗୃହ ଜିରୋ ଘଣ୍ଟା ଚାଲିପାରିଲା ନାହିଁ   ।

ଏହା ଉପରେ ଅସନ୍ତୋଷ ପ୍ରକାଶ କରି ସଭାପତି କହିଛନ୍ତି, ‘‘ଆମେ ଦିନକୁ ଦିନ ଅସହାୟ ହୋଇପଡୁଛୁ । ଜିରୋ ଘଣ୍ଟା ଓ ସ୍ବତନ୍ତ୍ର ଉଲ୍ଲେଖ ମାଧ୍ୟମରେ ଜନସାଧାରଣଙ୍କ ସ୍ବାର୍ଥର ଗୁରୁତ୍ବପୂର୍ଣ୍ଣ ପ୍ରସଙ୍ଗ ଉଠାଇବାକୁ ଅନୁମତି ଦିଆଯାଇଛି କିନ୍ତୁ ଗୃହ କାର୍ଯ୍ୟ କରୁନାହିଁ । ସଦସ୍ୟମାନେ ସୁଯୋଗ ପାଇ ନାହିଁନ୍ତି ନିଜ ନିଜ ପ୍ରସଙ୍ଗ ରଖିବା ପାଇଁ ।’’

ସେ ଆହୁରି କହିଛନ୍ତି ଯେ କେଉଁ ଗୁରୁତ୍ବପୂର୍ଣ୍ଣ ପ୍ରସଙ୍ଗ ଉଠାଇବାକୁ ଅନୁମୋଦନ କରାଯାଇଛି ତାହା ଲୋକେ ଜାଣିବା ଉଚିତ୍ । ସଦସ୍ୟମାନେ ଉପସ୍ଥିତ ଅଛନ୍ତି, ସେମାନେ ସେମାନଙ୍କର ମତ ପ୍ରକାଶ କରିବାକୁ ଚାହୁଁଛନ୍ତି କିନ୍ତୁ କିଛି ଲୋକ ସେମାନଙ୍କୁ କହିବାକୁ ଅନୁମତି ଦେଉ ନାହାଁନ୍ତି ।

ଏହା ପରେ ସଭାପତି ଜିରୋ ଘଣ୍ଟା ଓ ସ୍ବତନ୍ତ୍ର ଉଲ୍ଲେଖ ମାଧ୍ୟମରେ ଉଠାଯିବାକୁ ଥିବା ବିଷୟଗୁଡ଼ିକ ଉଲ୍ଲେଖ କରିଥିଲେ, ଯାହା ତାଙ୍କ ଦ୍ବାରା ଗୃହରେ ଉଠାଇବାକୁ ଅନୁମତି ଦିଆଯାଇଥିଲା । ହେଲେ ଗୃହରେ ବିରୋଧୀ ଦଳର ଉତ୍ତେଜନା ପାଇଁ ଏହା ସମ୍ଭବ ହୋଇପାରିନାହିଁ ।
Published by: Lipina Das
First published: July 26, 2021, 4:36 PM IST