ଲିଜ୍ ଟ୍ରସ୍ ବ୍ରିଟେନର ନୂଆ ପ୍ରଧାନମନ୍ତ୍ରୀ; ଋଷି ସୁନାକଙ୍କୁ ହରାଇ ବାଜିମାତ.. ଆସନ୍ତାକାଲି ଶପଥ ଗ୍ରହଣ

ବ୍ରିଟେନକୁ ମିଳିଲା ନୂଆ ପ୍ରଧାନମନ୍ତ୍ରୀ । ପୂର୍ବତନ ଵୈଦେଶିକ ସଚିବ ଲିଜ ଟ୍ରସ ନୂଆ ପ୍ରଧାନମନ୍ତ୍ରୀ ଭାବରେ ନିର୍ବାଚିତ ହୋଇଛନ୍ତି ।

ଲିଜ୍ ଟ୍ରସ୍ ବ୍ରିଟେନର ନୂଆ ପ୍ରଧାନମନ୍ତ୍ରୀ; ଋଷି ସୁନାକଙ୍କୁ ହରାଇ ବାଜିମାତ.. ଆସନ୍ତାକାଲି ଶପଥ ଗ୍ରହଣ

ଲିଜ୍ ଟ୍ରସ୍ ବ୍ରିଟେନର ନୂଆ ପ୍ରଧାନମନ୍ତ୍ରୀ; ଋଷି ସୁନାକଙ୍କୁ ହରାଇ ବାଜିମାତ.. ଆସନ୍ତାକାଲି ଶପଥ ଗ୍ରହଣ

  • News18 Odia
  • Last Updated :
  • Share this:
News 18 Odia Digital

ଲଣ୍ଡନ : ବ୍ରିଟେନକୁ ମିଳିଲା ନୂଆ ପ୍ରଧାନମନ୍ତ୍ରୀ । ପୂର୍ବତନ ଵୈଦେଶିକ ସଚିବ ଲିଜ ଟ୍ରସ ନୂଆ ପ୍ରଧାନମନ୍ତ୍ରୀ ଭାବରେ ନିର୍ବାଚିତ ହୋଇଛନ୍ତି । ପ୍ରତିଯୋଗିତାରେ କଡ଼ା ଟକ୍କର ଦେଇ ଟ୍ରସ୍ ଭାରତୀୟ ମୂଳ ନିବାସୀ ଋଷି ସୁନାକଙ୍କୁ ପରାସ୍ତ କରିଛନ୍ତି । ବୋରିସ୍ ଜନସନଙ୍କ ସ୍ଥାନ ନେବେ ଲିଜ୍ ଟ୍ରସ୍ ।

ବ୍ରିଟେନ ଇତିହାସରେ ଲିଜ୍ ଟ୍ରସ୍ ହେଉଛନ୍ତି ତୃତୀୟ ମହିଳା ଯିଏକି ପ୍ରଧାନମନ୍ତ୍ରୀଙ୍କ ଚେୟାର ଦଖଲ କରିଛନ୍ତି । ଏହାପୂର୍ବରୁ ମାର୍ଗେଟ ଥାଚର ଏବଂ ଥେରେସ ମେ ବ୍ରିଟେନରେ ପ୍ରଧାନମନ୍ତ୍ରୀ ଭାବରେ କାର୍ଯ୍ୟଭାର ସମ୍ଭାଳିଛନ୍ତି । ବ୍ରିଟେନର ସମସ୍ତ ତିନିଜଣ ମହିଳା ପ୍ରଧାନମନ୍ତ୍ରୀ କନେଷ୍ଟବଳ ପାର୍ଟିର ଅଟନ୍ତି । ଲିଜ୍ ଟ୍ରସ୍ ମଧ୍ୟ ଗତ ୩ ବର୍ଷରେ ଦେଶର ଚତୁର୍ଥ ପ୍ରଧାନମନ୍ତ୍ରୀ ଅଟନ୍ତି । ଏହାପୂର୍ବରୁ, ଡେଭିଡ କାମେରନ୍, ଥେରେସା ମେ, ବୋରିସ୍ ଜନସନ ୨୦୧୬ ରୁ ୨୦୨୨ ପର୍ଯ୍ୟନ୍ତ ବିଭିନ୍ନ ବ୍ୟବଧାନରେ ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରିଛନ୍ତି ।

ବ୍ରିଟିଶ୍ ରାଜନୀତିରେ ଲିଜ୍ ଟ୍ରସ୍ ଫାୟାରବ୍ରାଣ୍ଡ୍ ନେତା ଭାବରେ ଜଣାଶୁଣା । ଦୁଇମାସ ଧରି ଚାଲିଥିବା ନିର୍ବାଚନ ପ୍ରଚାରରେ ତାଙ୍କର ଆଭିମୁଖ୍ୟ କଦାପି ପ୍ରତିରକ୍ଷା ନଥିଲା । ବିସିସିଆଇ ରିପୋର୍ଟ ଅନୁଯାୟୀ, ପ୍ରଧାନମନ୍ତ୍ରୀ ନିର୍ବାଚିତ ହେବାର କିଛି ସମୟ ପରେ ଡାଉନିଂ ଷ୍ଟ୍ରିଟ୍ ନିକଟରେ ଟ୍ରସ୍ ଏକ ସଂକ୍ଷିପ୍ତ ଭାଷଣ ଦେବେ । ଏହା କେବଳ ଏକ ପରମ୍ପରା ।

ବୋରିସ୍ ଜନସନ ୭ ଜୁଲାଇରେ ଦଳର ନେତା ଭାବରେ ଇସ୍ତଫା ଦେଇଥିଲେ । ଏହା ପରେ, କଞ୍ଜର୍ବେଟିଭ ପାର୍ଟିରେ ସେ ଭାରତୀୟ ମୂଳ ନିବାସୀ ଋଷି ସୁନାକଙ୍କ ସହ ପ୍ରତିଦ୍ୱନ୍ଦ୍ୱିତା କରୁଥିଲେ । ଦଳର ପ୍ରାୟ ୧.୬୯ ଲକ୍ଷ ସଦସ୍ୟ ଭୋଟ୍ ଦେଇଥିଲେ ।

କଞ୍ଜର୍ବେଟିଭ୍ ପାର୍ଟି ସାଂସଦଙ୍କ ପାଞ୍ଚ ରାଉଣ୍ଡ ଭୋଟିଂରେ ସୁନାକ ଲିଜ ଟ୍ରସଙ୍କୁ ପରାସ୍ତ କରିଥିଲେ, କିନ୍ତୁ ଚୂଡ଼ାନ୍ତ ନିଷ୍ପତ୍ତି ଏହି ଦଳର ପ୍ରାୟ ୧ ଲକ୍ଷ ୬୦ ହଜାର ପଞ୍ଜୀକୃତ ସଦସ୍ୟ ନେଇଥାନ୍ତି । ଆଉ ଏଥିରେ ଲିଜ୍ ବାଜି ମାରିନେଇଥିଲେ । ଟ୍ରସ୍ ସର୍ବଦା ବୋରିସ୍ ଜନସନଙ୍କ ପସନ୍ଦ । ନିର୍ବାଚନ ପ୍ରକ୍ରିୟାରେ ଜନସନ ସୁନାକଙ୍କ ସପକ୍ଷରେ ନଥିଲେ । ସେ ଅନେକ ଥର କହିଥିଲେ ଯେ ପ୍ରଧାନମନ୍ତ୍ରୀ ପାଇଁ କାହାକୁବି ବାଛନ୍ତୁ, କିନ୍ତୁ ଋଷି ସୁନାକ ଆଦୌ ନୁହଁନ୍ତି । ସୂଚନା ଅନୁସାରେ, ଋଷି ସୁନାକ ପ୍ରଥମେ ଜନସନ ସରକାରରେ ଇସ୍ତଫା ଦେଇଥିଲେ ।
Published by:Soubhagya Mishra
First published: