ବାପାଙ୍କ ମୃତଦେହରେ ସିନ୍ଦୂର ଲଗାଇ ଖେଳିଲେ ଦୁଇ ଝିଅ; ଭାଇରାଲ ହେଲା ଭିଡିଓ

Lakhimpur Kheri: ବର୍ତ୍ତମାନ ସୋସିଆଲ ମିଡ଼ିଆରେ ଏକ ହୃଦୟ ବିଦାରକ ଭିଡିଓ ଭାଇରାଲ ହେବାରେ ଲାଗିଛି। ଯାହାକୁ ଦେଖି ଆପଣଙ୍କ ଆଖିରେ ଆସିଯିବ ଲୁହ।

ଉତ୍ତରପ୍ରଦେଶ ଖବର (ପ୍ରତୀକାତ୍ମକ ଛବି)

ଉତ୍ତରପ୍ରଦେଶ ଖବର (ପ୍ରତୀକାତ୍ମକ ଛବି)

  • Share this:
News18 Odia Digital

Lakhimpur Kheri: ଉତ୍ତରପ୍ରଦେଶର ଲକ୍ଷ୍ମୀପୁର ଖେରୀରୁ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ଜଣେ ସରକାରୀ ଡାକ୍ତର ହୃଦଘାତ ଯୋଗୁଁ ହଠାତ୍ ଘରେ ମୃତ୍ୟୁବରଣ କରିଛନ୍ତି। କୋଠରୀରେ ଉପସ୍ଥିତ ନିରୀହ ଯାଆଁଳା ଝିଅମାନେ କିଛି ନ ବୁଝି ବାପାଙ୍କ ମୃତଦେହ ଉପରର ସିନ୍ଦୂର ଲଗାଇ ଖେଳୁଥିବାର ନଜର ଆସୁଛନ୍ତି। ଡ୍ୟୁଟିରୁ ଫେରିବା ପରେ ଏସବୁ ଦୃଶ୍ୟ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ ମା'।

ଏହି ପୂରା ଘଟଣା ସଦର ପୋଲିସ ଷ୍ଟେସନ କୋଟୱାଲୀ ଅଞ୍ଚଳର କାଶିନଗର ଅଞ୍ଚଳର। ଏଠାରେ ସରକାରୀ ଡାକ୍ତର ଦମ୍ପତି ରାଜେଶ ମୋହନ ଗୁପ୍ତା ଓ ଡ଼କ୍ଟର ବାଣୀ ଗୁପ୍ତା ଗତ ୫ ର୍ଷ ଧରି ଏକ ଭଡ଼ା ଘରେ ରହୁଥିଲେ। ଏମବିବିଏସ୍ ଡାକ୍ତର ରାଜେଶ ମୋହନ ଗୁପ୍ତା ସହରଠାରୁ ପ୍ରାୟ ୫ କିଲୋମିଟର ଦୂରରେ ଥିବା ବାଜୁଦିହା ଗ୍ରାମରେ ପୋଷ୍ଟ ହୋଇଥିବାବେଳେ ତାଙ୍କ ପତ୍ନୀ ସହରର ଏକ CHCରେ ଚାକିରି କରୁଥିଲେ।

ପ୍ରତ୍ୟେକ ଦିନ ଭଳି, ଜୁଲାଇ ୨୬ ଦିନ, ରାତି ପ୍ରାୟ ସାଢ଼େ ଗୋଟାଏ ବେଳେ, ବୀଣା ଗୁପ୍ତା ଘର କବାଟ ବନ୍ଦ ଥିବା ଦେଖନ୍ତି। ସେ ନିଜ ସ୍ୱାମୀଙ୍କୁ ବାହାରେ ଡାକିବା ଆରମ୍ଭ କରି ଜୋରରେ କବାଟ ବାଡ଼େଇଲେ। ଯେତେବେଳେ ସ୍ଥାନୀୟ ଲୋକଙ୍କ ସାହାଯ୍ୟରେ ରୁମର କବାଟ ଭାଙ୍ଗିଗଲା, ସେତେବେଳେ ଭିତରର ଦୃଶ୍ୟ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଗଲେ।

ଡାକ୍ତର ବୀଣା ଗୁପ୍ତା କହିଛନ୍ତି ଯେ ଯେତେବେଳେ କବାଟ ଭାଙ୍ଗିଗଲା, ସେତେବେଳେ ସେ ଦେଖିଲେ ଯେ ସ୍ୱାମୀ ବିଛଣାରେ ଅଚେତ ଅବସ୍ଥାରେ ପଡ଼ିଛନ୍ତି। ଦୁଇ ଯାଆଁଳା ଝିଅ ସେମାନଙ୍କ ବାପାଙ୍କ ମୃତଦେହ ସହିତ ହାତ ଓ ଗାଲରେ ସିନ୍ଦୂର ଲଗାଇ ଖେଳୁଛନ୍ତି।

ଏହା ଦେଖି ଡାକ୍ତର-ସ୍ତ୍ରୀ ତାଙ୍କ ସ୍ୱାମୀଙ୍କୁ ବଞ୍ଚାଇବା ପାଇଁ ଚେଷ୍ଟା କରିଥିଲେ। ସେ ସନ୍ଦେହ କରିଥିଲେ ଯେ ତାଙ୍କ ସ୍ୱାମୀ ହୃଦଘାତରେ ପୀଡ଼ିତ, ତେଣୁ ସେ ଚେତାଶୂନ୍ୟ ସ୍ୱାମୀଙ୍କ ଛାତି ଦବାଇ ସି.ଆର.ପି ଦେବାକୁ ଚେଷ୍ଟା କରିଥିଲେ।

ଅନ୍ୟପକ୍ଷରେ ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା। କୋଠରୀରେ ଚେତାଶୂନ୍ୟ ଅବସ୍ଥାରେ ପଡ଼ିଥିବା ଡାକ୍ତର ରାଜେଶ ମୋହନ ଗୁପ୍ତାଙ୍କୁ ଜିଲ୍ଲା ଡାକ୍ତରଖାନା ନିଆଯାଇଥିଲା ଯେଉଁଠାରେ ତାଙ୍କୁ ମୃତ ଘୋଷଣା କରାଯାଇଥିଲା। ତାଙ୍କର ମୃତ୍ୟୁର କାରଣ ହୃଦଘାତ ବୋଲି ଜଣାପଡ଼ିଥିଲା।
Published by:Lipina Das
First published: