‘ପତଲି କମରିଆ ମୋରି’ ଗୀତରେ ନାଚି ଫସିଲେ ୪ ଜଣ ମହିଳା କନଷ୍ଟେବଳ; ମିଳିବ ଦଣ୍ଡ

Viral News: ଶ୍ରୀରାମ ଜନ୍ମଭୂମି ସୁରକ୍ଷାରେ ପୋଷ୍ଟ କରାଯାଇଥିବା ୪ ଜଣ ମହିଳା ପୋଲିସ୍ ଏହି ରିଲ୍ କରିଛନ୍ତି। ଭିଡିଓରେ ଜଣେ ଲେଡି କନଷ୍ଟେବଳ ନାଚୁଥିବା ବେଳେ ଅନ୍ୟ ଦୁଇଜଣ ତାଙ୍କୁ ସମର୍ଥନ କରୁଥିବା ଦେଖିବାକୁ ମିଳିଛି।

‘ପତଲି କମରିଆ ମୋରି’ ଗୀତରେ ନାଚି ଫସିଲେ ୪ ଜଣ ମହିଳା କନଷ୍ଟେବଳ

‘ପତଲି କମରିଆ ମୋରି’ ଗୀତରେ ନାଚି ଫସିଲେ ୪ ଜଣ ମହିଳା କନଷ୍ଟେବଳ

  • News18 Odia
  • Last Updated :
  • Cuttack, India
  • Share this:
News18 Odia Digital

Viral News: ଆଜିକାଲି ସୋସିଆଲ ମିଡ଼ିଆ ଏମିତି ଏକ ପ୍ଲାଟଫର୍ମ ଯେଉଁଠାରେ ଲୋକ ନିଜ ଭାବନାଠୁ ନେଇ ସବୁ କିଛି ସେୟାର କରୁଛନ୍ତି। ଆଉ ଯାହା ରାତାରାତି ଖୁବ୍ ଭାଇରାଲ ମଧ୍ୟ ହେଉଛି। ଏହି କିଛି ଦିନ ହେବ ‘ପତଲି କମରିଆ ମୋରି’ ଗୀତକୁ ନେଇ ବେଶ୍ ଚର୍ଚ୍ଚା ଧରିଛି। ଏହି ଗୀତରେ ପ୍ରାୟ ଲୋକ ନିଜ ନିଜ ରିଲ ତିଆରି କରୁଥିବାର ନଜର ଆସୁଛନ୍ତି। ହେଲେ ମଜା କଥା ହେଲା ଜଣେ ଲେଡି କନଷ୍ଟବଳ ଏହି ଗୀତରେ ଡ୍ୟାନ୍ସ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି। ଯାହା ଭିଡିଓ ବର୍ତ୍ତମାନ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି।

ଆଜ୍ଞା ହଁ, କିଛି ମହିଳା ପୋଲିସ୍ କର୍ମଚାରୀ ମଧ୍ୟ ସମାନ କାର୍ଯ୍ୟ କରିଛନ୍ତି, କିନ୍ତୁ ସେମାନଙ୍କ ଭିଡିଓ ଭାଇରାଲ୍ ହେବା ମାତ୍ରେ ସେମାନଙ୍କ ସମସ୍ୟା ବଢ଼ିଯାଇଛି।

ଟ୍ୱିଟର ୟୁଜର @ MdAltafAli15 ​​ନିକଟରେ ଏହି ମହିଳା ପୋଲିସ ଏକ ରିଲ୍ ତିଆରି କରୁଥିବା ଏକ ଭିଡିଓ ପୋଷ୍ଟ କରି ଲେଖିଥିଲେ, ‘‘ପତଲି କମରିଆ ମୋରି' ଗୀତରେ ମହିଳା କନଷ୍ଟେବଳମାନେ ଏକ ରିଲ୍ ତିଆରି କରିଥିଲେ। ଚାରିଜଣ ଲାଇନରେ ହାଜର କରାଯାଇଛି!’’ ଭାଇରାଲ ହେଉଥିବା ଭିଡିଓ ଅଯୋଧ୍ୟାର ବୋଲି କହୁଯାଉଛି।

ଶ୍ରୀରାମ ଜନ୍ମଭୂମି ସୁରକ୍ଷାରେ ପୋଷ୍ଟ କରାଯାଇଥିବା ୪ ଜଣ ମହିଳା ପୋଲିସ୍ ଏହି ରିଲ୍ କରିଛନ୍ତି। ଭିଡିଓରେ ଜଣେ ଲେଡି କନଷ୍ଟେବଳ ନାଚୁଥିବା ବେଳେ ଅନ୍ୟ ଦୁଇଜଣ ତାଙ୍କୁ ସମର୍ଥନ କରୁଥିବା ଦେଖିବାକୁ ମିଳିଛି। ଦୁଇ ମହିଳା ପୋଲିସ ମାସ୍କ ପିନ୍ଧିଛନ୍ତି କିନ୍ତୁ ଡ୍ୟାନ୍ସ କରୁଥିବା ମହିଳାଙ୍କ ଚେହେରା ସ୍ପଷ୍ଟ ଭାବେ ଦେଖିବାକୁ ମିଳୁଛି। ଏଥି ସହିତ ଚତୁର୍ଥ କର୍ମୀ ଭିଡିଓ ରେକର୍ଡିଂ କରିବାରେ ସାହାଯ୍ୟ କରିଛନ୍ତି।



ଭାଇରାଲ ହେଲା ଡ୍ୟାନ୍ସ କରୁଥିବା ପୋଲିସ କର୍ମଚାରୀଙ୍କ ଭିଡିଓ

ଡ୍ୟାନ୍ସ କରୁଥିବା ମହିଳା ପୋଲିସ ମଧ୍ୟ ତାଙ୍କ ବେକରେ ପୋଲିସ୍ ଆଇଡି କାର୍ଡ ଟାଙ୍ଗିଥିବା ନେଇ ଉତ୍ତେଜନା ସୃଷ୍ଟି ହୋଇଛି। ଖବର ଅନୁଯାୟୀ, ଶ୍ରୀରାମ ଜନ୍ମଭୂମି ପରିସରରେ ଉପସ୍ଥିତ ଥିବା କିଛି ସ୍ଥାନରେ ଏହି ଭିଡିଓ ପ୍ରସ୍ତୁତ କରାଯାଇଛି। ଭିଡିଓ ଭାଇରାଲ ହେବା ପରେ ଚାରିଜଣଙ୍କ ସମସ୍ୟା ବଢ଼ିଚାଲିଛି କାରଣ ଯେତେବେଳେ ଗାଜିଆବାଦରୁ ସ୍ଥାନାନ୍ତରିତ ହେବା ପରେ ନିକଟରେ ଅଯୋଧ୍ୟାରେ ପହଞ୍ଚିଥିବା ଏସଏସପି ମୁନିରାଜ ଏହା ବିଷୟରେ ସୂଚନା ପାଇଥିଲେ, ସେତେବେଳେ ସେ ଚାରିଜଣଙ୍କୁ ଲାଇନରେ ରଖିଥିଲେ।

ପ୍ରକାଶ ଥାଉକି ଏହି ଭିଡିଓଟି ପ୍ରାୟ ୧ ସପ୍ତାହ ପୁରୁଣା। ଏଥିରେ ଦେଖାଯାଇଥିବା କନଷ୍ଟେବଳମାନେ ହେଉଛନ୍ତି କବିତା ପଟେଲ, କାମିନୀ କୁଶୱାହା, କଶୀଶ ସାହାଣୀ ଏବଂ ସାନ୍ଧ୍ୟା ସିଂ। ଏମାନେ ସମସ୍ତେ ୨୦୧୮ ବ୍ୟାଚର ମହିଳା କନଷ୍ଟେବଳ। ଚିହ୍ନଟ ହେବା ପରେ ସେମାନଙ୍କୁ ଲାଇନକୁ ଅଣାଯାଇଛି ଏବଂ ବର୍ତ୍ତମାନ ସେମାନଙ୍କ ବିରୋଧରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସାଧା ପୋଷାକରେ ଥିବା ପୋଲିସ କର୍ମଚାରୀଙ୍କୁ ଶ୍ରୀରାମ ଜନ୍ମଭୂମି ପରିସର ନିକଟରେ ନିୟୋଜିତ କରାଯାଇଛି, ଯାହାର ଦାୟିତ୍ବ ହେଉଛି ପ୍ରଣାମ କରିବାକୁ ଆସୁଥିବା ଭକ୍ତମାନଙ୍କର ଯତ୍ନ ନେବା।
Published by:Lipina Das
First published: