ଫଟୋସୁଟ୍ ନାଁରେ ମଡେଲ୍ଙ୍କ ନଗ୍ନ ଭିଡିଓ ବନାଇଲେ; କୋଲକାତାରେ ଅଭିନେତ୍ରୀ ଓ କ୍ୟାମେରାମ୍ୟାନ୍ ଗିରଫ
Kolkata actress Nandita Dutta and cameraman arrested for making nude videos | ମୁମ୍ବାଇରେ ରାଜ୍ କୁନ୍ଦ୍ରାଙ୍କ କାରନାମା ପରେ କୋଲକାତାରେ ମଧ୍ୟ ସେମିତି ଏକ ମାମଲା ସାମନାକୁ ଆସିଛି । ଜଣେ ମଡେଲ୍ ଅଭିଯୋଗ କରିଛନ୍ତି ଅଭିନେତ୍ରୀ ନନ୍ଦିତା ଦତ୍ତା ତାଙ୍କର ନଗ୍ନ ଭିଡିଓ ଏକ ଷ୍ଟୁଡିଓରେ ଜବରଦସ୍ତ ସୁଟିଂ କରାଇଥିଲେ ।
ଅଭିନେତ୍ରୀ ନନ୍ଦିତା ଦତ୍ତା
- News18 Odia
- Last Updated: August 1, 2021, 12:44 AM IST
- Share this:
କୋଲକାତା: ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ (Shilpa Shetty) ସ୍ୱାମୀ ରାଜ କୁନ୍ଦ୍ରାଙ୍କୁ (Raj Kundra) ଅଶ୍ଳୀଳ ଚଳଚ୍ଚିତ୍ର ନିର୍ମାଣ କରୁଥିବା ଅଭିଯୋଗରେ ମୁମ୍ବାଇ ପୋଲିସ ଗିରଫ କରିବା ପରେ ଏବେ କୋଲକାତାରେ (Kolkata) ଏକ ପର୍ଣ୍ଣ ରାକେଟ ସାମନାକୁ ଆସିଛି । ଫଟୋସୁଟ ନାମରେ ଦୁଇ ଜଣ ଯୁବତୀଙ୍କ ନଗ୍ନ ଭିଡିଓ ଏକ ଅଶ୍ଳୀଳ ସାଇଟରେ ଅପଲୋଡ୍ କରିଥିବା ଅଭିଯୋଗରେ ପୋଲିସ ଅଭିନେତ୍ରୀ ନନ୍ଦିତା ଦତ୍ତା (Nandita Dutta) ଓ ତାଙ୍କ ଫଟୋଗ୍ରାଫର ମୈନାକ ଘୋଷଙ୍କୁ ଗିରଫ କରିଛି ।
ଅଭିନେତ୍ରୀ ନନ୍ଦିତା ଦତ୍ତା ଓ ଫଟୋଗ୍ରାଫର ମୈନାକ ଘୋଷଙ୍କୁ ଗିରଫ କରିବା ପରେ ପୋଲିସ ବାଲିଗଞ୍ଜରେ ଥିବା ଏକ ଷ୍ଟୁଡିଓର ମାଲିକଙ୍କୁ ବି ଗିରଫ କରିଛି । ତାଙ୍କୁ ନ୍ୟୁ ଟାଉନ୍ ପୋଲିସ ଷ୍ଟେସନକୁ ଅଣାଯାଇ ପଚରାଉଚରା ଚାଲିଥିବା ବେଳେ ବାଲିଗଞ୍ଜର ଷ୍ଟୁଡିଓରୁ ଏକ କ୍ୟାମେରା ଓ ଅନ୍ୟାନ୍ୟ ଉପକରଣ ଜବତ କରାଯାଇଛି । ପୋଲିସ ସନ୍ଦେହ କରୁଛି ଯେ ଏହାର ରାଜ କୁନ୍ଦ୍ରା ମାମଲା ସହିତ (Raj Kundra pornography case) ସଂଲିପ୍ତତା ଥାଇପାରେ ।
ଏହା ବି ପଢ଼ନ୍ତୁ | Plus 2 Results: ବିଜ୍ଞାନ ଓ ବାଣିଜ୍ୟ ପରୀକ୍ଷା ଫଳ ଆସିଲା; ବିଜ୍ଞାନରେ ୯୫%, ବାଣିଜ୍ୟରେ ୯୪% ପାସ୍ ହାର
ଏହା ବି ପଢ଼ନ୍ତୁ | ଭୁବନେଶ୍ବରରେ OSSC ଅଧିକାରୀଙ୍କ ଘରେ ଭିଜିଲାନ୍ସ ରେଡ୍: ମିଳିଲା ₹୨୫ ଲକ୍ଷ ନଗଦ; ପୁଳା ପୁଳା ସୁନା
ଅଭିନେତ୍ରୀ ନନ୍ଦିତା ଦତ୍ତାଙ୍କ ବିରୋଧରେ ଜଣେ ମଡେଲ୍ ଅଭିଯୋଗ କରିଥିଲେ ଯେ ସେ ତାଙ୍କର ନଗ୍ନ ଭିଡିଓ ବାଲିଗଞ୍ଜର ଏକ ଷ୍ଟୁଡିଓରେ ଜବରଦସ୍ତ ସୁଟିଂ କରାଇଥିଲେ । ସେ ଆହୁରି ଅଭିଯୋଗ କରିଥିଲେ ଯେ ତାଙ୍କର ଜଣେ ବାନ୍ଧବୀଙ୍କୁ କୋଲକାତାର ନ୍ୟୁ ଟାଉନ୍ ହୋଟେଲରେ ଏକ ଆଡଲ୍ଟ ଭିଡିଓରେ (adult video) କାମ କରିବାକୁ ମଧ୍ୟ ବାଧ୍ୟ କରାଯାଇଥିଲା ।
ଏହି ମାମଲାର ତଦନ୍ତ କରୁଥିବା ପୋଲିସ ଅଧିକାରୀମାନେ କହିଛନ୍ତି ଯେ ଉଭୟ ଯୁବତୀଙ୍କୁ ଏକ ୱେବ୍ ସିରିଜରେ କାମ କରିବାର ପ୍ରଲୋଭନ ଦେଖାଇ ସେମାନଙ୍କୁ କୋଲକାତାର ଷ୍ଟୁଡିଓକୁ ଆଣିଥିଲେ ଅଭିଯୁକ୍ତମାନେ । ତା’ପରେ ସେମାନଙ୍କୁ ଧମକ ଦେଇ ଅଶ୍ଳୀଳ ଚଳଚ୍ଚିତ୍ର ସୁଟିଂ କରାଇଥିବା ଅଭିଯୋଗ ହୋଇଛି । ଜୁଲାଇ ୨୬ ତାରିଖରେ ଦୁଇ ଜଣ ମଡେଲ ନନ୍ଦିତା ଓ ମୈନାକଙ୍କ ବିରୋଧରେ ପୋଲିସ ନିକଟରେ ଅଭିଯୋଗ କରିଥିଲେ ।
