ନିଜସ୍ୱ ଇଣ୍ଟରନେଟ୍ ସେବା ଯୋଗାଇବାରେ ସମଗ୍ର ଦେଶରେ କେରଳ ପ୍ରଥମ

News 18 Odia Digital

ନୂଆଦିଲ୍ଲୀ; ଇଣ୍ଟରନେଟ ସେବା କ୍ଷେତ୍ରରେ କେରଳକୁ ବଡ଼ ସଫଳତା ମିଳିଛି । ନିଜସ୍ୱ ଇଣ୍ଟରନେଟ ସେବା ପାଇଁ ଏବେ କେରଳକୁ ନେଇ ସବୁଠି ଚର୍ଚ୍ଚା । ଇଣ୍ଟରନେଟ ପ୍ରଦାନକାରୀ ଲାଇସେନ୍ସ ମିଳିଛି କେରଳକୁ । ଫାଇବର ଅଫିକ୍ଟ ନେଟୱାର୍କକୁ ଦୂରସଞ୍ଚାର ବିଭାଗରୁ ଲାଇସେନ୍ସ ମିଳିଛି । ନିଜସ୍ୱ ଇଣ୍ଟରନେଟ୍ ସେବାକୁ ନେଇ କେରଳ ମୁଖ୍ୟମନ୍ତ୍ରୀ ପି ଭିଜୟନ ବେସ୍ ଖୁସି ଅଛନ୍ତି । ମୁଖ୍ୟମନ୍ତ୍ରୀ ଟୁଇଟ ମାଧ୍ୟମରେ କହିଛନ୍ତି ଯେ, କେରଳ ହେଉଛି ଦେଶର ପ୍ରଥମ ରାଜ୍ୟ ଯିଏ ଇଣ୍ଟରନେଟ୍ ସୁବିଧା ନିଜେ ଆରମ୍ଭ କରିପାରିଛି ।

୩୦ ହଜାର ସରକାରୀ ଅଫିସକୁ ଫ୍ରି ୱାଇଫାଇ ସମେତ ବିପିଏଲ ପରିବାରକୁ ମଧ୍ୟ ଇଣ୍ଟରନେଟ ସେବା ଯୋଗାଇବାକୁ କେଏଫଓଏନ ଯୋଜନା କରିଛି ।​ କେରଳ ସରକାର ୧,୫୪୮ କୋଟି ଟଙ୍କା ଫାଇବର ଅପ୍ଟିକ ନେଟୱାର୍କ ଯୋଜନାକୁ ଅନୁମୋଦନ କରିଛନ୍ତି । ଏହି ଯୋଜନା ଅଧୀନରେ ପ୍ରାୟ ୨୦ ଲକ୍ଷ ଗରିବ ପରିବାରକୁ ମାଗଣା ହାଇ ସ୍ପିଡ୍ ଇଣ୍ଟରନେଟ୍ ସଂଯୋଗ ଦିଆଯିବ ।