ସୋସିଆଲ ମିଡ଼ିଆରେ କ୍ୟାଟ ଓ ବିକ୍କିଙ୍କୁ ହତ୍ୟା ଧମକ; ମାମଲା ରୁଜୁ କଲା ପୋଲିସ

News18 Odia Digital

ସୋସିଆଲ ମିଡ଼ିଆ ମାଧ୍ୟମରେ ଅଭିନେତା କ୍ୟାଟ୍ରିନା କୈଫ ଓ ବିକ୍କି କୌଶଲଙ୍କୁ ହତ୍ୟା ଧମକ ମିଳିଛି। ଏନେଇ ସାନ୍ତାକ୍ରୁଜ ପୋଲିସ ଷ୍ଟେସନରେ ଜଣେ ଅଜ୍ଞାତ ବ୍ୟକ୍ତିଙ୍କ ବିରୋଧରେ ମାମଲା ରୁଜୁ ହୋଇଛି ।

ଇଷ୍ଟାନଗ୍ରାମରେ ଅଭିନେତା ଦମ୍ପତିଙ୍କୁ ଏହି ଧମକ ମିଳିଛି। ଉପଭୋକ୍ତା ଏହି ଧମକ ଦେବା ପାଇଁ ଏକ ଅଜ୍ଞାତ ଆକାଉଣ୍ଟ ବ୍ୟବହାର କରିଥିଲେ, ଯାହା ବର୍ତ୍ତମାନ ଯାଞ୍ଚ କରାଯାଉଛି। ଉପଭୋକ୍ତାଙ୍କର IP ଠିକଣା ଟ୍ରାକ୍ କରାଯାଉଛି। ବର୍ତ୍ତମାନ ସୁଦ୍ଧା, ଅଜ୍ଞାତ ବ୍ୟକ୍ତି ବିରୋଧରେ ଏକ ମାମଲା ରୁଜୁ ହୋଇଛି। ନିକଟରେ ବିକ୍କି କୌଶଲ ଓ କ୍ୟାଟ୍ରିନା କୈଫ ମାଲଦ୍ୱୀପ ଯାତ୍ରାକୁ ଫେରିଛନ୍ତି।

Maharashtra | Police register a case against an unidentified man and initiate an investigation for allegedly giving life threats to actors Katrina Kaif and Vicky Kaushal through social media. Case registered at Santacruz Police Station: Mumbai Police

(File photos) pic.twitter.com/hQTaTMnB9a

— ANI (@ANI) July 25, 2022

ଜୁନ୍ ୨୦୨୨ ରେ ସଲମାନ ଖାନ ଓ ତାଙ୍କ ପିତା ସଲିମ ଖାନଙ୍କୁ ଏକ ଚିଠି ମାଧ୍ୟମରେ ମୃତ୍ୟୁ ଧମକ ମିଳିଥିଲା। ଏଥିରେ ଲେଖାଥିଲା ଯେ, ଗାୟକ ସିଦ୍ଧୁ ମୋସେୱାଲାଙ୍କ ପରି ତମର ଅବସ୍ଥା ହେବ। ଏହି ଚିଠି ପରେ ସଲମାନଙ୍କ ସୁରକ୍ଷାକୁ ବୃଦ୍ଧି କରାଯାଇଛି। ସୁରକ୍ଷା ପାଇଁ ସେ ବନ୍ଧୁକର ଲାଇସେନ୍ସ ପାଇଁ ମଧ୍ୟ  ଆବେଦନ କରିଥିବା ଜଣାଯାଇଛି।