ଦ୍ୱିତୀୟ ସନ୍ତାନ ଜନ୍ମ ପରେ ଟ୍ରୋଲ ହେଲେ କପିଲ ଶର୍ମା; ଲୋକେ କହିଲେ - ଏତେ ଜଲ୍ଦି କ’ଣ ଥିଲା?

News18 Odia Digital
ମୁମ୍ବାଇ: ହାସ୍ୟ ଅଭିନେତା କପିଲ ଶର୍ମା (Kapil Sharma) ଦ୍ୱିତୀୟ ଥର ପାଇଁ ପିତା ହୋଇଛନ୍ତି । ଆଜି ତାଙ୍କ ପତ୍ନୀ ଗିନି ଚାଟ୍ରାଥ ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି । କପିଲ ଶର୍ମା ନିଜ ପ୍ରଶଂସକଙ୍କ ସହ ପୁଅ ଜନ୍ମ ହେବାର ଖୁସି ସୋସିଆଲ ମିଡିଆରେ ବାଣ୍ଟିଛନ୍ତି । କପିଲ ଶର୍ମା ନିଜର ଦ୍ୱିତୀୟ ସନ୍ତାନ ଜନ୍ମ ହେବାର ଖବର ପ୍ରଶଂସକଙ୍କୁ ଏକ ଟ୍ୱିଟ୍ ମାଧ୍ୟମରେ ଜଣାଇ ନିଜ ପ୍ରଶଂସକଙ୍କୁ ଧନ୍ୟବାଦ ଓ କୃତଜ୍ଞତା ଦେଇଛନ୍ତି । କପିଲ ଶର୍ମା ନିଜ ଟ୍ୱିଟରେ ଲେଖିଛନ୍ତି (Kapil Sharma Son) - "ନମସ୍କାର, ଆଜି ସକାଳେ ଭଗବାନଙ୍କ ଆଶୀର୍ବାଦରେ ଆମର ଏକ ପୁଅ ହୋଇଛି । ଭଗବାନଙ୍କ କୃପାରୁ ଉଭୟ ଶିଶୁ ଓ ମା ସୁସ୍ଥ ଅଛନ୍ତି । ଆପଣଙ୍କ ପ୍ରେମ, ଆଶୀର୍ବାଦ ଓ ପ୍ରାର୍ଥନା ପାଇଁ ସମସ୍ତଙ୍କୁ ଧନ୍ୟବାଦ। । "

ଦ୍ୱିତୀୟ ଥର ପାଇଁ କପିଲ ଶର୍ମାଙ୍କ ପିତା ହୋଇଥିବାରୁ ତାଙ୍କ ପ୍ରଶଂସକମାନେ ତାଙ୍କୁ ଅଭିନନ୍ଦନ ଜଣାଇଥିବା ବେଳେ କିଛି ଲୋକ ତାଙ୍କୁ ଟ୍ରୋଲ କରିବା ଆରମ୍ଭ କରି ଦେଇଛନ୍ତି। ଅନେକ ଉପଭୋକ୍ତା କପିଲ ଶର୍ମାଙ୍କୁ ପଚାରୁଛନ୍ତି ଯେ ସେ ଦ୍ୱିତୀୟ ସନ୍ତାନ ଜନ୍ମ କରିବାକୁ ଏତେ ତତ୍ପର କ’ଣ ପାଇଁ ଥିଲେ । ଡିସେମ୍ବର ୨୦୧୯ ରେ କପିଲ ଶର୍ମାଙ୍କ ପତ୍ନୀ ଗିନି ଚାଟ୍ରାଥ ନିଜର ପ୍ରଥମ ସନ୍ତାନ ଅନୟାରାଙ୍କୁ ଜନ୍ମ ଦେଇଥିଲେ ଓ ବର୍ତ୍ତମାନ ୨୦୨୧ ମସିହାର ପ୍ରାରମ୍ଭରେ ସେ ନିଜର ଦ୍ୱିତୀୟ ସନ୍ତାନକୁ ଜନ୍ମ ଦେଇଛନ୍ତି । ଏଭଳି ପରିସ୍ଥିତିରେ କିଛି ଉପଭୋକ୍ତା କପିଲ ଶର୍ମାଙ୍କୁ ପଚାରୁଛନ୍ତି ଯେ ସେ କାହିଁକି ଦ୍ୱିତୀୟ ସନ୍ତାନ ଜନ୍ମ ଦେବାକୁ ଅପେକ୍ଷା କଲେ ନାହିଁ ?

ଜଣେ ଉପଭୋକ୍ତା କମେଣ୍ଟ ଦେବାବେଳେ ଲେଖିଥିଲେ- 'ଏହା ବହୁତ ଶୀଘ୍ର ଥିଲା । ଗତ ବର୍ଷ ଆପଣଙ୍କ ପତ୍ନୀ ଏକ କନ୍ୟା ସନ୍ତାନ ଜନ୍ମ ଦେଇଥିଲେ । ଏହି ସମୟରେ ଜଣେ ଲେଖିଥିଲେ- 'ପିଲାମାନଙ୍କର ଜନ୍ମ ମଧ୍ୟରେ କୌଣସି ପାର୍ଥକ୍ୟ ନାହିଁ? ଏହା ଠିକ ନୁହେଁ ।' ଆଉ ଜଣେ ଉପଭୋକ୍ତା ଲେଖିଛନ୍ତି - 'ହେ ଭାଇ, ତୁମେ ବହୁତ କ୍ଷିପ୍ର ଗତିରେ ଯାଉଛ । ନନ ଷ୍ଟପ୍ ଗୋଟିଏ ପରେ ଗୋଟିଏ ପ୍ରଡକ୍ସନ ଚାଲିଛି ।"



କପିଲ ଶର୍ମା କେବଳ ୨୦୧୮ ରେ ଗିନି ଚାଟ୍ରାଥଙ୍କୁ ବିବାହ କରିଥିଲେ । ଏହା ପରେ ୨୦୧୯ ରେ କପିଲ ଶର୍ମାଙ୍କ ଏକ ଝିଅ ଜନ୍ମ ହୋଇଥିଲା ଓ ବର୍ତ୍ତମାନ ଗିନି ତାଙ୍କର ଦ୍ୱିତୀୟ ସନ୍ତାନକୁ ଜନ୍ମ ଦେଇଛନ୍ତି । ଏପରି ପରିସ୍ଥିତିରେ କପିଲ ଶର୍ମାଙ୍କ ନିଜ ପୁଅ ଜନ୍ମପାଇଁ ତାଙ୍କୁ କେହି ଅଭିନନ୍ଦନ ଦେଉଛନ୍ତି ତ ଆଉ କେହି ତାଙ୍କୁ ଟ୍ରୋଲ ମଧ୍ୟ କରିବାକୁ ପଛାଉ ନାହାନ୍ତି ।