କପିଲ ଦେବ କହିଲେ- ଟିମ୍ ଇଣ୍ଡିଆରେ ଚଳିବ ନାହିଁ ଦୁଇ ଅଲଗା ଅଲଗା କ୍ୟାପଟେନ; ଏହା ହେଉଛି କାରଣ

କପିଲ ଦେବ (Kapil Dev) ଟିମ୍ ଇଣ୍ଡିଆ ପାଇଁ ଅଲଗା ଅଲଗା ଅଧିନାୟକଙ୍କ ପ୍ରସଙ୍ଗରେ ନିଜର ମତ ଦେବାକୁ ଯାଇ କହିଛନ୍ତି ଏହା ଆମ ସଂସ୍କୃତିରେ କାମ କରିବ ନାହିଁ ।

କପିଲ ଦେବ କହିଲେ- ଟିମ୍ ଇଣ୍ଡିଆରେ ଚଳିବ ନାହିଁ ଦୁଇ ଅଲଗା ଅଲଗା କ୍ୟାପଟେନ; ଏହା ହେଉଛି କାରଣ
କପିଲ ଦେବ ଟିମ୍ ଇଣ୍ଡିଆ ପାଇଁ ଅଲଗା ଅଲଗା ଅଧିନାୟକଙ୍କ ପ୍ରସଙ୍ଗରେ ନିଜର ମତ ରଖିଛନ୍ତି
  • News18 Odia
  • Last Updated: November 21, 2020, 9:49 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ନୂଆ ଦିଲ୍ଲୀ: ଟିମ୍ ଇଣ୍ଡିଆ ପାଇଁ ଅଲଗା ଅଲଗା ଅଧିନାୟକଙ୍କ ଉପରେ ଚାଲିଥିବା ବିତର୍କ ଉପରେ ନିଜର ଆଭିମୁଖ୍ୟ ସ୍ପଷ୍ଟ କରି ପୂର୍ବତନ ଭାରତୀୟ ଅଧିନାୟକ କପିଲ ଦେବ ଶୁକ୍ରବାର ଦିନ କହିଛନ୍ତି ଯେ ଏକ ବହୁରାଷ୍ଟ୍ରୀୟ କମ୍ପାନୀରେ ଦୁଇଜଣ ସିଇଓ ରହିପାରିବେ ନାହିଁ । ରୋହିତ ଶର୍ମାଙ୍କ ନେତୃତ୍ୱରେ ମୁମ୍ବାଇ ଇଣ୍ଡିଆନ୍ସର ପଞ୍ଚମ ଇଣ୍ଡିଆନ୍ ପ୍ରିମିୟର ଲିଗ୍ ଟାଇଟଲ୍ ପରଠାରୁ ଜାତୀୟ ଦଳର ବିଭିନ୍ନ ଅଧିନାୟକଙ୍କ ଉପରେ ବିତର୍କ ବୃଦ୍ଧି ପାଇଛି ଓ ବହୁ ପୂର୍ବତନ ଖେଳାଳି ପରାମର୍ଶ ଦେଇଛନ୍ତି ଯେ ଏହି ଓପନରଙ୍କୁ ଅତି କମରେ ଟି -୨୦ ଦଳର ଅଧିନାୟକତ୍ୱ ଦିଆଯାଉ । ବିରାଟ କୋହଲି ବର୍ତ୍ତମାନ ତିନୋଟି ଫର୍ମାଟରେ ଭାରତୀୟ ଦଳର ନେତୃତ୍ୱ ନେଉଛନ୍ତି ।

କପିଲ ଦେବ ଦେଇଥିଲେ ଏହି କାରଣ
ଅନଲାଇନରେ ଆୟୋଜିତ ଏଚ୍.ଟି ଲିଡରସିପ୍ ସମ୍ମିଳନୀରେ କପିଲ କହିଛନ୍ତି, 'ଏହା ଆମ ସଂସ୍କୃତିରେ କାମ କରିବ ନାହିଁ । ଆପଣ ଏକ କମ୍ପାନୀରେ ଦୁଇଜଣ ସିଇଓ କରନ୍ତି କି? ଯଦି ନା । କୋହଲି ଟି -୨୦ ଖେଳୁଛନ୍ତି ଓ ସେ ଭଲ ଖେଳୁଛନ୍ତି ତେବେ ତାଙ୍କୁ ସେଠାରେ ରହିବାକୁ ଦିଅନ୍ତୁ । ତଥାପି ମୁଁ ଦେଖିବାକୁ ଚାହେଁ ଯେ ଅନ୍ୟ ଖେଳାଳିମାନେ ମଧ୍ୟ ଆଗକୁ ଆସନ୍ତୁ । କିନ୍ତୁ ଏହା କଷ୍ଟସାଧ୍ୟ । ' ସେ କହିଛନ୍ତି, 'ସମସ୍ତ ଫର୍ମାଟରେ ୭୦ ରୁ ୮୦ ପ୍ରତିଶତ ଆମ ଦଳ ସମାନ । ତାଙ୍କଯ ଭିନ୍ନ ଭିନ ବିଚାର ସହ ଅଧିନାୟକଙ୍କୁ ପସନ୍ଦ କରନ୍ତି ନାହିଁ । ଯଦି ତୁମେ ଦୁଇଜଣ ଅଧିନାୟକ ରଖ ତେବେ ଖେଳାଳିମାନେ ଭାବିବେ ଯେ ସେ ଟେଷ୍ଟରେ ମୋର ଅଧିନାୟକ ହେବେ ଓ ମୁଁ ତାଙ୍କୁ ନିରାଶ କରିବି ନାହିଁ । ନିକଟରେ କପିଲଙ୍କର ହୃଦଘାତ ହୋଇଥିଲା ଯାହା ପରେ ତାଙ୍କୁ ଆଞ୍ଜିଓପ୍ଲାଷ୍ଟି କରିବାକୁ ପଡିଥିଲା ।

କପିଲ ଦେବ ଦ୍ରୁତ ବୋଲରଙ୍କ ଏହି ରଣନୀତିକୁ ନେଇ ନିରାଶ ହୋଇଥିଲେ
ଦ୍ରୁତ ବୋଲିଂର କଳା ବିଷୟରେ ୧୯୮୩ ବିଶ୍ୱକପ ବିଜେତା ଭାରତୀୟ ଦଳର ଅଧିନାୟକ କପିଲ କହିଛନ୍ତି ଯେ ''ପେସ୍ ବୋଲରମାନେ ଅତ୍ୟଧିକ ଆକ୍ସନ ପରିବର୍ତ୍ତନ କରୁଛନ୍ତି ସେଥିପାଇଁ ମୁଁ ଦୁଃଖିତ ।" ସେ କହିଛନ୍ତି, 'ମୁଁ ଆଜିର ଦ୍ରୁତ ବୋଲରମାନଙ୍କ ଉପରେ ଖୁସି ନୁହେଁ । ପ୍ରଥମ ବଲରୁ କ୍ରସ୍ ସିମ୍ ହୋଇପାରେ ନାହିଁ । ଆଇପିଏଲରେ ଖେଳାଳିମାନେ ଅନୁଭବ କରିଥିଲେ ଯେ ଗତି ଅପେକ୍ଷା ସୁଇଙ୍ଗ୍ ଅଧିକ ଗୁରୁତ୍ୱପୂର୍ଣ୍ଣ । ୧୨୦ କିଲୋମିଟର ବେଗରେ ବୋଲିଂ କରିଥିବା ସନ୍ଦୀପ ଶର୍ମାଙ୍କ ସହ ମୁହାଁମୁହିଁ ହେବା କଷ୍ଟସାଧ୍ୟ ଥିଲା କାରଣ ସେ ବଲକୁ ମୁଭ କରାଉଥିଲେ । କପିଲ କହିଛନ୍ତି, ବୋଲରମାନଙ୍କୁ ବୁଝିବାକୁ ପଡିବ ଯେ ଗତି ନୁହେଁ, ସୁଇଙ୍ଗ ଗୁରୁତ୍ୱପୂର୍ଣ୍ଣ । ସେମାନେ ଏହା ଶିଖିବା ଉଚିତ୍ କିନ୍ତୁ ସେମାନେ ଏହି କଳାଠାରୁ ଦୂରେଇ ଯାଉଛନ୍ତି । ଟି ନାଟାରାଜନ ଆଇପିଏଲରେ ମୋର ହିରୋ । ଏହି ଯୁବ ବୋଲର ନିର୍ଭୟରେ ଥିଲେ ଓ ଏତେ ସଂଖ୍ୟକ ୟର୍କର୍ ଲଗାଉଥିଲେ ।

କପିଲ କହିଛନ୍ତି ଯେ ଯଦି ଆପଣ ବଲ୍କୁ ସୁଇଙ୍ଗ୍ କରିବାକୁ ଜାଣି ନାହାଁନ୍ତି, ତେବେ ଭେରିଏସନ ଗୁଡ଼ିକ ଅଦରକାରୀ । ତେବେ କପିଲ ଭାରତର ବର୍ତ୍ତମାନର ଦ୍ରୁତ ବୋଲରମାନଙ୍କ ଉପରେ ସନ୍ତୁଷ୍ଟ । ସେ କହିଛନ୍ତି, 'ଆମର ଦ୍ରୁତ ବୋଲରମାନେ ଚମତ୍କାର । ଶାମି, ବୁମରା ଦେଖନ୍ତୁ । ଜଣେ କ୍ରିକେଟର ଭାବରେ ମୁଁ ଆଜି ବହୁତ ଖୁସି ଅନୁଭବ କରୁଛି ଯେ ଆଜି ଆମେ ନିଜର ଦ୍ରୁତ ବୋଲରଙ୍କ ଉପରେ ନିର୍ଭରଶୀଳ । ଆମର ବୋଲରମାନେ ମ୍ୟାଚରେ ୨୦ଟି ୱିକେଟ୍ ନେବାକୁ ସକ୍ଷମ ଅଟନ୍ତି । ଆମର କୁମ୍ବଲେ, ହରଭଜନଙ୍କ ପରି ସ୍ପିନର ଥିଲେ କିନ୍ତୁ ଆଜି କୌଣସି ଦେଶ ସେମାନଙ୍କୁ ବାଉନ୍ସ ୱିକେଟ୍ ଦେବାକୁ କହିବାକୁ ଚାହାଁନ୍ତି ନାହିଁ ।
Published by: Jagdish Barik
First published: November 21, 2020, 9:49 AM IST
corona virus btn
corona virus btn
Loading