ବଙ୍ଗଳା ନିର୍ବାଚନରେ ​​ଜ୍ୟୋତିରାଦିତ୍ୟ ସିନ୍ଧିଆଙ୍କ ଏଣ୍ଟ୍ରି; ଚତୁର୍ଥ ପର୍ଯ୍ୟାୟରେ ହେବେ ବିଜେପିର ଷ୍ଟାର ପ୍ରଚାରକ

ପଶ୍ଚିମ ବଙ୍ଗରେ ହେବାକୁ ଥିବା ବିଧାନସଭା ନିର୍ବାଚନର ଚତୁର୍ଥ ପର୍ଯ୍ୟାୟ ପାଇଁ ଜ୍ୟୋତିରାଦିତ୍ୟ ସିନ୍ଧିଆ ବିଜେପି ଷ୍ଟାର ପ୍ରଚାରକ ତାଲିକାରେ ସ୍ଥାନ ପାଇଛନ୍ତି । ମଧ୍ୟ ପ୍ରଦେଶରେ କଂଗ୍ରେସ ପ୍ରଶ୍ନ ଉଠାଇବା ପରେ ବିଜେପି ତାଙ୍କ ନାମ ଷ୍ଟାର ପ୍ରଚାରକ ତାଲିକାରେ ସାମିଲ କରିଛି ।

ବଙ୍ଗଳା ନିର୍ବାଚନରେ ​​ଜ୍ୟୋତିରାଦିତ୍ୟ ସିନ୍ଧିଆଙ୍କ ଏଣ୍ଟ୍ରି; ଚତୁର୍ଥ ପର୍ଯ୍ୟାୟରେ ହେବେ ବିଜେପିର ଷ୍ଟାର ପ୍ରଚାରକ
ବଙ୍ଗଳା ନିର୍ବାଚନରେ ​​ଜ୍ୟୋତିରାଦିତ୍ୟ ସିନ୍ଧିଆଙ୍କ ଏଣ୍ଟ୍ରି
  • News18 Odia
  • Last Updated: March 30, 2021, 12:25 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ଭୋପାଳ: ପଶ୍ଚିମ ବଙ୍ଗର ନିର୍ବାଚନ ଲଢ଼େଇରେ ବିଜେପିର ରାଜ୍ୟସଭା ସାଂସଦ ଜ୍ୟୋତିରାଦିତ୍ୟ ସିନ୍ଧିଆ ମଧ୍ୟ ଏଣ୍ଟ୍ରି କରିଛନ୍ତି । ବଙ୍ଗଳାର ଷ୍ଟାର ପ୍ରଚାରକ ତାଲିକାରେ ବିଜେପି ସିନ୍ଧିଆକୁ ସାମିଲ କରିଛି । ବିଧାନସଭା ନିର୍ବାଚନର ଚତୁର୍ଥ ପର୍ଯ୍ୟାୟ ପାଇଁ ରିଲିଜ ହୋଇଥିବା ଷ୍ଟାର ପ୍ରଚାରକ ତାଲିକାରେ ତାଙ୍କୁ ସାମିଲ କରିଛି ।

ଏହି ତାଲିକାରେ ମଧ୍ୟ ପ୍ରଦେଶ ମୁଖ୍ୟ ମନ୍ତ୍ରୀ ଶିବରାଜ ସିଂ ଚହ୍ବାନ ଓ ବିଜେପି ଜାତୀୟ ସାଧାରଣ ସମ୍ପାଦକ କୈଳାଶ ବିଜୟଭର୍ଗିଆଙ୍କ ସମେତ ବିଜେପିର ୩୦ ଜଣ ନେତା ଅଛନ୍ତି । ଯଦିଓ ଏହି ଉଭୟ ନେତାଙ୍କୁ ପୂର୍ବରୁ ପ୍ରକାଶିତ ଷ୍ଟାର ପ୍ରଚାରକମାନଙ୍କ ତାଲିକାରେ ସାମିଲ କରାଯାଇଥିଲା । ଜ୍ୟୋତିରାଦିତ୍ୟ ସିନ୍ଧିଆଙ୍କ ନାମ ନ ଥିବାରୁ କଂଗ୍ରେସ ପକ୍ଷରୁ ପ୍ରଶ୍ନ ଉଠାଯାଇଥିଲା ।

କଂଗ୍ରେସକୁ ଜବାବ
ଏହାପୂର୍ବରୁ ଜ୍ୟୋତିରାଦିତ୍ୟ ସିନ୍ଧିଆଙ୍କ ନାମ ଷ୍ଟାର ପ୍ରଚାରକ ତାଲିକାରେ ଅନ୍ତର୍ଭୂକ୍ତ ନହେବା କାରଣରୁ କଂଗ୍ରେସ କ୍ରମାଗତ ଭାବେ କଟାକ୍ଷ କରିଥିଲା । କଂଗ୍ରେସ ପକ୍ଷରୁ କୁହାଯାଇଥିଲା ଯେ ଜ୍ୟୋତିରାଦିତ୍ୟ ସିନ୍ଧିଆ ବିଜେପିରେ ଜଣେ ବ୍ୟାକ୍ ବେଞ୍ଚର୍ ହୋଇ ଯାଇଛନ୍ତି । ସେ 'ମହାରାଜ'ରୁ' ଭୋଇ ସାହବ' ହୋଇ ରହି ଯାଇଛନ୍ତି । କିନ୍ତୁ ବର୍ତ୍ତମାନ ସେ ଚତୁର୍ଥ ପର୍ଯ୍ୟାୟ ପାଇଁ ଷ୍ଟାର ପ୍ରଚାରକମାନଙ୍କ ତାଲିକାରେ ସାମିଲ ହୋଇଛନ୍ତି । ତେଣୁ ବିଜେପି ଏହିପରି ଭାବେ କଂଗ୍ରେସକୁ ପ୍ରତିକ୍ରିୟା ଦେଇଛି ।

ସିନ୍ଧିଆଙ୍କ ଷ୍ଟାର ପ୍ରଚାରକ ହେବାର ମହତ୍ତ୍ୱ
ଜ୍ୟୋତିରାଦିତ୍ୟ ସିନ୍ଧିଆ କଂଗ୍ରେସ ଛାଡି ବିଜେପିରେ ଯୋଗ ଦେଇଥିଲେ । ତାଙ୍କର ଦଲବଦଳ କାରଣରୁ କଂଗ୍ରେସର କମଲ ନାଥ ସରକାର ଖସିପଡି ବିଜେପି କ୍ଷମତାକୁ ଆସଥିଲା । ସିନ୍ଧିଆ ବିଜେପିରେ ଯୋଗଦେବା ପରେ ତାଙ୍କୁ କେନ୍ଦ୍ରରେ ମନ୍ତ୍ରୀ କରାଯାଇପାରିବ ବୋଲି କଳ୍ପନାଜଳ୍ପନା କରାଯାଇଥିଲା । ତଥାପି ଏହା ଘଟିଲା ନାହିଁ । ଏହାର ସୁଯୋଗ ନେଇ କଂଗ୍ରେସ ତରଫରୁ ଅନେକ ସମୟରେ ପ୍ରଶ୍ନ ଉଠିଛି । ପଶ୍ଚିମ ବଙ୍ଗରେ ମଧ୍ୟ ବିଧାନସଭା ନିର୍ବାଚନ ପୂର୍ବରୁ ବହୁ ତୃଣମୂଳ କଂଗ୍ରେସ ନେତା ବିଜେପିରେ ଯୋଗ ଦେଇଛନ୍ତି । ସିନ୍ଧିଆଙ୍କୁ ଷ୍ଟାର ପ୍ରଚାରକ କରି ବିଜେପି ଏହି ସ୍ଥାନରେ ଏକ ବାର୍ତ୍ତା ଦେବାକୁ ଚାହୁଁଛି ଯେ ଅନ୍ୟ ଦଳର ନେତାମାନେ ମଧ୍ୟ ତାଙ୍କ ଦଳରେ ସମ୍ମାନିତ ଅଟନ୍ତି ।
Published by: Jagdish Barik
First published: March 30, 2021, 12:24 PM IST