ନୀତିଶଙ୍କୁ ଆଶ୍ରମ ଖୋଲିବାକୁ ପରାମର୍ଶ ଦେଲେ RJD ନେତା; ଏମିତି ଉତ୍ତର ରଖିଲା JDU

News18 Odia Digital

ପାଟଣା: ବିହାରରେ ଶିବାନନ୍ଦ ତିୱାରିଙ୍କ ବୟାନକୁ ଶାସକ ଜେଡିୟୁ ଓ ଆରଜେଡି ମଧ୍ୟରେ ବିବାଦ ଲାଗି ରହିଛି। ଜେଡିୟୁ ନେତା ଉପେନ୍ଦ୍ର କୁଶୱାହା ଟ୍ୱିଟ୍ କରି କହିଛନ୍ତି ଯେ ନୀତିଶ ଏବେ ଆଶ୍ରମ ଖୋଲିବେନି। ଯଦି ଆବଶ୍ୟକ ହେଉଛି ଆପଣ ଆଉ ଏକ ଆଶ୍ରମ ଦେଖିପାରନ୍ତି। ଶିବାନନ୍ଦ ତିୱାରୀ ନୀତିଶଙ୍କୁ ଆଶ୍ରମ ଚଳାଇବାକୁ ପରାମର୍ଶ ଦେବା ପରେ ବର୍ତ୍ତମାନ ଜେଡିୟୁ ଏହାର ପ୍ରତିଶୋଧ ନେଇଛି।

ଶିବାନନ୍ଦ ତିୱାରୀଙ୍କ ଭିଡିଓ ଟ୍ୱିଟ୍ କରି ଉପେନ୍ଦ୍ର କୁଶୱା କହିଛନ୍ତି,'ବାବା, ନୀତିଶ କୁମାର ଜି ଏପର୍ଯ୍ୟନ୍ତ ଆଶ୍ରମ ଖୋଲିବାକୁ ଯାଉ ନାହାଁନ୍ତି। କୋଟି କୋଟି ଦେଶବାସୀଙ୍କ ପ୍ରାର୍ଥନା ତାଙ୍କ ସହ ଅଛି, ଯେଉଁମାନେ ଚାହୁଁଛନ୍ତି ଯେ ନୀତିଶ ଜି ବିହାରର ଲୋକଙ୍କ ସହ ଦେଶବାସୀଙ୍କ ସେବା ଜାରି ରଖନ୍ତୁ ଓ କ୍ଷମତାର ସର୍ବୋଚ୍ଚ ଶିଖରରେ ରୁହନ୍ତୁ। ମୁଁ ଭାବୁଛି ଯଦି ଦରକାର, ତେବେ ଆପଣ ଅନ୍ୟ କିଛି ଆଶ୍ରମ ଖୋଜିପାରନ୍ତି।

बाबा,@NitishKumar जी अभी आश्रम नहीं खोलने वाले हैं। करोड़ों देशवासियों की दुआएं उनके साथ है, जो चाहते हैं कि नीतीश जी सत्ता के ऊंचे से ऊंचे शिखर पर रहते हुए बिहारवासियों के साथ देशवासियों की सेवा करते रहें। मुझको लगता है यदि आपको जरूरत है, तो कोई और आश्रम की तलाश कर लेनी चाहिए। pic.twitter.com/fSmLT4D0sk

— Upendra Kushwaha (@UpendraKushJDU) September 21, 2022

ଆରଜେଡିର ରାଜ୍ୟ ପରିଷଦ ବୈଠକକୁ ସମ୍ବୋଧିତ କରିବାବେଳେ ବରିଷ୍ଠ ଆରଜେଡି ନେତା ଶିବାନନ୍ଦ ତିୱାରୀ କହିଥିଲେ, 'ନୀତିଶ କୁମାର ଆଶ୍ରମ ଖୋଲି ରାଜନୈତିକ କର୍ମୀଙ୍କୁ ତାଲିମ ଦେବା କଥା କୁହନ୍ତି, ତେଣୁ ଆମେ ନୀତିଶ ଜିଙ୍କୁ ଆଶ୍ରମ ଖୋଲିବାକୁ ମନେ ପକାଉଛୁ ଓ ସେଠାରେ ଆମେ ରାଜନୈତିକ ତାଲିମ ପାଇଁ ବ୍ୟବସ୍ଥା କରିବୁ। ୨୦୨୫ରେ ତେଜସ୍ୱୀଙ୍କୁ ମୁଖ୍ୟମନ୍ତ୍ରୀ କର, ତା’ପରେ ଆଶ୍ରମ ଖୋଲ, ଆମେ ମଧ୍ୟ ତୁମ ସହିତ ସେହି ଆଶ୍ରମକୁ ଯିବା।