Azadi ka Amrit Mahotsav: ୧୨ ହଜାର ଫୁଟ ଉଚ୍ଚ ଲଦାଖରେ ତ୍ରିରଙ୍ଗା ଉଡ଼ାଇଲେ ଆଇଟିବିପି ଯବାନ

News 18 Odia Digital

ଲଦାଖ: ଲଦାଖର ଇଣ୍ଡୋ-ତିବ୍ଦତୀୟ ସୀମା ପୋଲିସ୍ (ଆଇଟିବିପି) ଆଜାଦିର ଅମୃତ ମହୋତ୍ସବରେ ୧୨ ହଜାର ଫୁଟ ଉଚ୍ଚରେ  ତ୍ରିରଙ୍ଗା ଉଡ଼ାଇଛନ୍ତି। ଯବାନମାନେ ଜାତୀୟ ପତାକା ଉତ୍ତୋଳନ କରି ଫଟୋ ସେୟାର ମଧ୍ୟ କରିଥିଲେ। ଏହା ସହିତ  ଯବାନମାନେ ଦେଶବାସୀଙ୍କୁ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଅପିଲ କରିଛନ୍ତି। ସେମାନେ ଦେଶବାସୀଙ୍କୁ କହିଛନ୍ତି ଯେ ସ୍ୱାଧୀନତାର ୭୫ତମ ବାର୍ଷିକୀ ଅବସରରେ ଅଗଷ୍ଟ ୧୩ ରୁ ୧୫ ପର୍ଯ୍ୟନ୍ତ ସମସ୍ତ ନାଗରିକ ନିଜ ଘରେ ତ୍ରିରଙ୍ଗା ଉଡାଇବା ପାଇଁ ଅନୁରୋଧ କରିଥିଲେ।

ଏହି ମହୋତ୍ସବ ସଂପର୍କରେ ଦେଶର ଅନେକ ଅଞ୍ଚଳରେ ସରକାରୀ ଓ ଅଣ-ସରକାରୀ ସଂଗଠନଗୁଡ଼ିକ ଦ୍ୱାରା ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଇଛି ଯଥା ତ୍ରିରଙ୍ଗା ଯାତ୍ରା ଓ ନୁକ୍କଡ ନାଟକ। ଅନେକ ରାଜ୍ୟରେ "ହର ଘର ତ୍ରିରଙ୍ଗା" କାର୍ଯ୍ୟକ୍ରମ ମଧ୍ୟ ଚାଲିଛି। ଉତ୍ତରପ୍ରଦେଶରେ ଯୋଗୀ ସରକାର ଦୁଇ କୋଟି ଘରେ ତ୍ରିରଙ୍ଗା ବଣ୍ଟନ କରିବେ। ଖବର ଅନୁଯାୟୀ, ଯୋଗୀ ସରକାର ପ୍ରତ୍ୟେକ ପରିବାରର ତ୍ରିରଙ୍ଗା କାର୍ଯ୍ୟକ୍ରମ ପାଇଁ ବଜେଟ୍ ପ୍ରକାଶ ମଧ୍ୟ କରିଛନ୍ତି।

ଅଗଷ୍ଟ ୧୭ ପର୍ଯ୍ୟନ୍ତ ୟୁପିରେ ସ୍ଵାଧୀନତା ଦିବସ ସପ୍ତାହ ପାଳନ କରାଯିବ। ମଧ୍ୟପ୍ରଦେଶରେ ମଧ୍ୟ ଲୋକଙ୍କ ମଧ୍ୟରେ ଦେଶପ୍ରେମର ଭାବନା ସୃଷ୍ଟି କରିବା ପାଇଁ ପ୍ରଶାସନ ହର ଘର ତ୍ରିରଙ୍ଗା କାର୍ଯ୍ୟକ୍ରମ ପାଇଁ ପ୍ରସ୍ତୁତି ଚଲାଇଛି। ରାଜସ୍ଥାନରେ ବିପୁଳ ପରିମାଣରେ ଜାତୀୟ ପତାକା ଉତ୍ତୋଳନ କରାଯିବ ବୋଲି ଆକଳନ କରାଯାଇଛି।