Delhi monkey pox; ତୃତୀୟ ଆକ୍ରାନ୍ତ ଚିହ୍ନଟ ହେବା ପରେ ହସ୍ପିଟାଲରେ ଆଇସୋଲେସନ ୱାର୍ଡ

News 18 Odia Digital

ନୂଆଦିଲ୍ଲୀ: ମଙ୍କିପକ୍ସ ପରିସ୍ଥିତିକୁ ମୁକାବିଲା କରିବା ପାଇଁ ଅରବିନ୍ଦ କେଜ୍ରିୱାଲଙ୍କ ନେତୃତ୍ୱାଧୀନ ଦିଲ୍ଲୀ ସରକାର ଉଭୟ ସରକାରୀ ଏବଂ ବେସରକାରୀ ଡାକ୍ତରଖାନାରେ ମୋଟ ୭୦ ଟି ଆଇସୋଲେସନ୍ ୱାର୍ଡ ପ୍ରସ୍ତୁତ କରିଛନ୍ତି । ୩୫ ବର୍ଷୀୟ ଆଫ୍ରିକା ଫେରନ୍ତାଙ୍କ ଠାରେ ଦେଖାଯାଇଛି ମଙ୍କପକ୍ସ । ସରକାରୀ ସୂତ୍ରରୁ ପ୍ରକାଶ ଯେ ଏହାକୁ ମିଶାଇ ଦେଶରେ ମୋଟ ମଙ୍କି ପକ୍ସ ଆକ୍ରାନ୍ତ ସଂଖ୍ୟା ୮ କୁ ଛୁଇଁଲା ।

ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଡିଆ କହିଛନ୍ତି ଯେ ଲୋକ ନାୟକ ଜୟ ପ୍ରକାଶ ହସ୍ପିଟାଲରେ ୨୦ଟି, ଜିଟିବି ହସ୍ପିଟାଲରେ ୧୦ଟି, ଡକ୍ଟର ବାବା ସାହେବ ଆମ୍ବେଦକର ହସ୍ପିଟାଲ, କୈଳାଶ ଦୀପକ ହସ୍ପିଟାଲ, ଏମଡି ସିଟି ହସ୍ପିଟାଲ ତୁଗଲକାବାଦର ଡାକ୍ତରଖାନାରେ ୨୦ଟି ଆଇସୋଲେସନ ୱାର୍ଡ ସ୍ଥାପନ କରାଯାଇଛି ।

ସ୍ୱାସ୍ଥ୍ୟ ମନ୍ତ୍ରଣାଳୟର ଅଧିକାରୀ କହିଛନ୍ତି ଯେ ଆଠଟି ରୋଗୀ ମଧ୍ୟରୁ ପାଞ୍ଚଟି କେରଳରୁ । ଆରବ ଏମିରେଟ୍ସରୁ ଫେରିବା ପରେ ଶନିବାର ମୃତ୍ୟୁବରଣ କରିଥିବା ୨୨ ବର୍ଷ ବୟସ୍କ ବ୍ୟକ୍ତିଙ୍କ ପରୀକ୍ଷା ଫଳାଫଳ ପରେ କେରଳ ସୋମବାର ଭାରତର ପ୍ରଥମ ମଙ୍କି ପକ୍ସ୍ ମୃତ୍ୟୁହାର ରିପୋର୍ଟ କରିଛି । ତାଙ୍କ ମୃତ୍ୟୁ ପଛରେ ମଙ୍କିପକ୍ସ୍ ହିଁ ଏକମାତ୍ର କାରଣ ବୋଲି ସୂଚନା ମିଳିଛି ।