IPL 2021 ର ପ୍ରଥମ ପର୍ଯ୍ୟାୟରେ କାହିଁକି ଆସିବେ ନାହିଁ ଦର୍ଶକ? ସୌରଭ ଗାଙ୍ଗୁଲି କହିଲେ କାରଣ

News18 Odia Digital
ନୂଆ ଦିଲ୍ଲୀ: ଇଣ୍ଡିଆ ପ୍ରିମିୟର ଲିଗର ୧୪ ତମ ସିଜନ୍ (IPL 2021) ପାଇଁ କାର୍ଯ୍ୟସୂଚୀ ଘୋଷଣା କରାଯାଇଛି । ଆଇପିଏଲ୍ ୨୦୨୧ ଏପ୍ରିଲ୍ ୯ ରୁ ମେ ୩୦ ପର୍ଯ୍ୟନ୍ତ ୬ ଟି ସ୍ଥାନରେ ଅନୁଷ୍ଠିତ ହେବ । କିନ୍ତୁ ଆଇପିଏଲର ପ୍ରଥମ ପର୍ଯ୍ୟାୟରେ ମ୍ୟାଚ୍ ଦର୍ଶକଙ୍କ ବିନା ଖେଳାଯିବ । ଏଥି ସହିତ ଦ୍ୱିତୀୟ ପାର୍ଶ୍ୱରେ ଭାରତ ଓ ଇଂଲଣ୍ଡ (India vs England) ମଧ୍ୟରେ ଖେଳାଯାଉଥିବା ମ୍ୟାଚରେ ଦର୍ଶକଙ୍କୁ ଅନୁମତି ଦିଆଯାଇଛି । ଏଭଳି ପରିସ୍ଥିତିରେ ପ୍ରଶଂସକଙ୍କ ମନରେ ପ୍ରଶ୍ନ ଉଙ୍କି ମାରୁଛି ଯେ ଯେତେବେଳେ ଦର୍ଶକଙ୍କୁ ଆନ୍ତର୍ଜାତୀୟ ମ୍ୟାଚରେ ଷ୍ଟାଡିୟମକୁ ଆସିବାକୁ ଅନୁମତି ଦିଆଯାଉଛି । ତେବେ ଆଇପିଏଲରେ କାହିଁକି ନୁହେଁ? ଏହା ଉପରେ ବୋର୍ଡ ଅଫ୍ କଣ୍ଟ୍ରୋଲ୍ ଫର କ୍ରିକେଟ୍ ଇନ୍ ଇଣ୍ଡିଆ (BCCI) ସଭାପତି ସୌରଭ ଗାଙ୍ଗୁଲି (Sourav Ganguly) ପ୍ରକାଶ କରିଛନ୍ତି ଯେ ଆଇପିଏଲରେ ଆଠଟି ଦଳ ଭିନ୍ନ ଭିନ୍ନ ସ୍ଥାନରେ ଖେଳୁଥିବାରୁ ମ୍ୟାଚ୍‌ରେ ଦର୍ଶକଙ୍କ ଆସିବା ଦ୍ୱାରା ବିପଦର ଆଶଙ୍କା ବଢ଼ିବ ।

ସୌରଭ ଗାଙ୍ଗୁଲି IPL ୨୦୨୧ କୁ ନେଇ ଅନେକ କଥା ବିସ୍ତାର ଭାବରେ କହିଥିଲେ । ସେ କହିଛନ୍ତି, "ଅହମ୍ମଦାବାଦ, ଦିଲ୍ଲୀ, କୋଲକାତା, ମୁମ୍ବାଇ, ବାଙ୍ଗାଲୋର ଓ ଚେନ୍ନାଇରେ ମ୍ୟାଚ୍ ଖେଳାଯିବ । ଘରୋଇ ଗ୍ରାଉଣ୍ଡରେ କୌଣସି ଦଳ ମ୍ୟାଚ୍ ଖେଳିବେ ନାହିଁ । ପ୍ରଥମ ପର୍ଯ୍ୟାୟରେ ଦର୍ଶକଙ୍କ ବିନା ମ୍ୟାଚ୍ ଖେଳାଯିବାକୁ ନେଇ ଗାଙ୍ଗୁଲି କହିଛନ୍ତି, 'ଦ୍ୱିପାକ୍ଷିକ ସିରିଜ୍ ଠାରୁ ଆଇପିଏଲ୍ ସାମାନ୍ୟ ଭିନ୍ନ ହେବ । ଯଦି ଆପଣ ଏକ ଭିଡ଼ ସହିତ ଖୋଲନ୍ତି, ତେବେ କିଛି ଦଳ ପଡ଼ିଆ ମଝିରେ ଖେଳିବେ, କିଛି ଦଳ ବାହାରେ ଅଭ୍ୟାସ କରିବେ । ଅନେକ ପିଚ୍ ଷ୍ଟାଡିୟମ୍ ବାହାରେ ରହିଛି ଏହା ଯୋଗୁଁ ଖେଳାଳି ଲୋକଙ୍କ ନିକଟତର ହେବେ । ତେଣୁ ଏଥିରେ ବିପଦ ଅଛି ।"

ଦ୍ୱିତୀୟ ପର୍ଯ୍ୟାୟରେ ଦର୍ଶକ ରହିବେ କି? ଏହାର ଉତ୍ତରରେ ଗାଙ୍ଗୁଲି କହିଛନ୍ତି, "ବର୍ତ୍ତମାନ ମୁଁ ଏହା ଉପରେ କିଛି କହି ପାରିବି ନାହିଁ । ଏହା ସବୁ ସର୍ତ୍ତ ଉପରେ ନିର୍ଭର କରିବ । ବିସିସିଆଇ ଗତ ବର୍ଷ ଦର୍ଶକଙ୍କ ବିନା ଆଇପିଏଲ ୨୦୨୦ ସଫଳତାର ସହ ଆୟୋଜନ କରିଥିଲା । ସଂଯୁକ୍ତ ଆରବ ଏମିରେଟ୍ସରେ ଏହି ଟୁର୍ନାମେଣ୍ଟ ପରେ ବୋର୍ଡ ସୟଦ ମୁସ୍ତାକ ଅଲି ଟ୍ରଫି ଓ ଭାରତ-ଇଂଲଣ୍ଡ ଟେଷ୍ଟ ସିରିଜର ଆୟୋଜନ କରିଛି ।"

ଆଇପିଏଲ ୨୦୨୧ ର ଆରମ୍ଭ ୯ ଏପ୍ରିଲରୁ ହେବ । ଏହାର ପ୍ରଥମ ଓ ଉଦଘାଟନୀ ମ୍ୟାଚ୍ ମୁମ୍ବାଇ ଇଣ୍ଡିଆନ୍ସ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ଖେଳାଯିବ । ଫାଇନାଲ ମ୍ୟାଚ ୩୦ ମଇରେ ଅହମ୍ମଦାବାଦରେ ଖେଳାଯିବ ।