IPL 2020: ମୁମ୍ବାଇ ଇଣ୍ଡିଆନ୍ସ ଦଳକୁ ଲାଗିପାରେ ଝଟକା! ରୋହିତ ଶର୍ମା ଅବଶିଷ୍ଟ ମ୍ୟାଚ୍ ଖେଳୁବାକୁ ନେଇ ସନ୍ଦେହ

ଆଘାତ କାରଣ ଯୋଗୁଁ ବିସିସିଆଇ ରୋହିତ ଶର୍ମାଙ୍କୁ (Rohit Sharma) ଅଷ୍ଟ୍ରେଲିଆ ଗସ୍ତ ଦଳରେ ଅନ୍ତର୍ଭୁକ୍ତ କରି ନାହିଁ ।

IPL 2020: ମୁମ୍ବାଇ ଇଣ୍ଡିଆନ୍ସ ଦଳକୁ ଲାଗିପାରେ ଝଟକା! ରୋହିତ ଶର୍ମା ଅବଶିଷ୍ଟ ମ୍ୟାଚ୍ ଖେଳୁବାକୁ ନେଇ ସନ୍ଦେହ
ରୋହିତ ଶର୍ମା (Photo- @ ImRo45)
  • News18 Odia
  • Last Updated: October 27, 2020, 10:42 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ନୂଆ ଦିଲ୍ଲୀ: ଆଇପିଏଲ- ୨୦୨୦ ଲିଗ୍ ଅନ୍ତିମ ରାଉଣ୍ଡରେ ପହଞ୍ଚିଛି । ଏଭଳି ପରିସ୍ଥିତିରେ ସମସ୍ତ ଦଳ ପ୍ଲେ ଅଫରେ (Playoff) ପହଞ୍ଚିବା ପାଇଁ ନିଜର ପୂର୍ଣ୍ଣ ଶକ୍ତି ଲଗାଉଛନ୍ତି । କିନ୍ତୁ ମୁମ୍ବାଇ ଇଣ୍ଡିଆନ୍ସ ପାଇଁ (Mumbai Indians) ଭଲ ଖବର ନାହିଁ । ତାଙ୍କ ଅଧିନାୟକ ରୋହିତ ଶର୍ମାଙ୍କ (Rohit Sharma) ଆଘାତକୁ ନେଇ ସନ୍ଦେହ ବଢ଼ିବାରେ ଲାଗିଛି । ଆଘାତ ଯୋଗୁଁ ବିସିସିଆଇ ତାଙ୍କୁ ଅଷ୍ଟ୍ରେଲିଆ ଗସ୍ତ ଦଳରେ ଅନ୍ତର୍ଭୁକ୍ତ କରି ନାହିଁ । ଏଭଳି ପରିସ୍ଥିତିରେ ସେ ଆଇପିଏଲର ଅବଶିଷ୍ଟ ମ୍ୟାଚ୍ ଖେଳିବେ କି ନାହିଁ ସେ ବିଷୟରେ କିଛି କୁହାଯାଇପାରିବ ନାହିଁ ।

ରୋହିତଙ୍କ ଉପରେ ସସପେନ୍ସ
ସୋମବାର ଦିନ ବିସିସିଆଇ ଅଷ୍ଟ୍ରେଲିଆ ଗସ୍ତ ପାଇଁ ଟେଷ୍ଟ, ODI ଓ ଟି -୨୦ ଦଳ ଘୋଷଣା କରିଛି । କିନ୍ତୁ ଏହି ଦଳରେ ରୋହିତ ଶର୍ମାଙ୍କ ନାମ ନାହିଁ । ବିସିସିଆଇ ପକ୍ଷରୁ ପ୍ରେସ ବିଜ୍ଞପ୍ତିରେ କୁହାଯାଇଛି ଯେ ରୋହିତଙ୍କ ଆଘାତ ଉପରେ ଡାକ୍ତରୀ ଦଳ ନଜର ରଖିବେ । କିନ୍ତୁ ତାଙ୍କୁ କେଉଁ ପ୍ରକାର ଆଘାତ ଲାଗିଛ ସେ ବିଷୟରେ କିଛି କୁହାଯାଇ ନାହିଁ । ରୋହିତଙ୍କ ଆଘାତ ସମ୍ପର୍କରେ ମୁମ୍ବାଇ ଇଣ୍ଡିଆନ୍ସ ତରଫରୁ ମଧ୍ୟ କୌଣସି ଅଧିକାରିକ ବିବୃତ୍ତି ଏ ପର୍ଯ୍ୟନ୍ତ ଦିଆଯାଇନାହିଁ । କିନ୍ତୁ ସୋମବାର ଯେତେବେଳେ ବିସିସିଆଇ ତରଫରୁ ଅଷ୍ଟ୍ରେଲିଆ ଗସ୍ତ ପାଇଁ ଦଳ ଘୋଷଣା କରାଯାଇଥିଲା ଠିକ ସେତିକିବେଳେ ମୁମ୍ବାଇ ଇଣ୍ଡିଆନ୍ସ ଏକ ଭିଡିଓ ଟ୍ୱିଟ୍ କରିଥିଲା ଯେଉଁଥିରେ ରୋହିତ ଶର୍ମା ଅଭ୍ୟାସ କରୁଥିବା ଦେଖିବାକୁ ମିଳିଛି । ଆଘାତ ପରେ ତାଙ୍କୁ ପ୍ରଥମ ଥର ପାଇଁ ନେଟରେ ଦେଖିବାକୁ ମିଳିଥିଲା ।

ରୋହିତଙ୍କୁ କ’ଣ ହୋଇଛି?
୧୮ ଅକ୍ଟୋବରରେ କିଙ୍ଗ୍ସ ଏକାଦଶ ପଞ୍ଜାବ ବିପକ୍ଷ ମ୍ୟାଚ ପରଠାରୁ ରୋହିତ ଶର୍ମା ପରବର୍ତ୍ତୀ ମ୍ୟାଚ ଖେଳିବାରେ ସକ୍ଷମ ହୋଇ ନାହାଁନ୍ତି । ୨୩ ଅକ୍ଟୋବରରେ ଚେନ୍ନାଇ ସୁପର କିଙ୍ଗ୍ସ ବିପକ୍ଷ ଟସ୍ ପୂର୍ବରୁ କୁହାଯାଇଥିଲା ଯେ ରୋହିତଙ୍କ ଗୋଡରେ ହାମଷ୍ଟ୍ରିଙ୍ଗ୍ ଆଘାତ ହୋଇଛି । ଏହା ପରେ ପୋଲାର୍ଡ ମୁମ୍ବାଇର ଅଧିନାୟକ ହୋଇଥିଲେ ।

ପ୍ଲେ ଅଫ୍ ଆଶା
ମୁମ୍ବାଇ ଇଣ୍ଡିଆନ୍ସ ଦଳ ବର୍ତ୍ତମାନ ପଏଣ୍ଟ ଟେବୁଲର ଶୀର୍ଷରେ ଅଛି । ୧୧ ଟି ମ୍ୟାଚରେ ତାଙ୍କ ଆକାଉଣ୍ଟରେ ମୋଟ ୧୪ ପଏଣ୍ଟ ରହିଛି । ମୁମ୍ବାଇକୁ ଆଉ ତିନୋଟି ମ୍ୟାଚ୍ ଖେଳିବାକୁ ବାକି ଅଛି । ଏଭଳି ପରିସ୍ଥିତିରେ ପ୍ଲେ ଅଫ୍ ପହଞ୍ଚିବା ପ୍ରାୟ ନିଶ୍ଚିତ ମନେହୁଏ ।
Published by: Jagdish Barik
First published: October 27, 2020, 10:39 AM IST
corona virus btn
corona virus btn
Loading