ବନ୍ଦ ହେବ କି ୧୦ମିନିଟରେ ଖାଦ୍ୟ ପହଞ୍ଚାଉଥିବା କମ୍ପାନୀ? ଜୋମାଟୋର ତଥ୍ୟ ଆସିଲା ସାମ୍ନାକୁ

ଆପଣଙ୍କ ନିକଟରେ ଖାଦ୍ୟ ପହଞ୍ଚାଉଥିବା ଜୋମାଟୋ କମ୍ପାନୀ ପକ୍ଷରୁ ଏକ ସୂଚନା ଦିଆଯାଇଛି ।

ବନ୍ଦ ହେବ କି ୧୦ମିନିଟରେ ଖାଦ୍ୟ ପହଞ୍ଚାଉଥିବା କମ୍ପାନୀ? ଜୋମାଟୋର ତଥ୍ୟ ଆସିଲା ସାମ୍ନାକୁ

ବନ୍ଦ ହେବ କି ୧୦ମିନିଟରେ ଖାଦ୍ୟ ପହଞ୍ଚାଉଥିବା କମ୍ପାନୀ? ଜୋମାଟୋର ତଥ୍ୟ ଆସିଲା ସାମ୍ନାକୁ

  • News18 Odia
  • Last Updated :
  • New Delhi, India
  • Share this:
News 18 Odia Digital

ନୂଆଦିଲ୍ଲୀ; ଦେଶ ତଥା ଦେଶ ବାହାରେ ଅନେକ କମ୍ପାନୀ (Company) ଖୋଲାଯାଇ ପରେ ବନ୍ଦ ହୋଇଥିବାର ଖବର ଆମେ ଜାଣିଛେ । କିଛି କମ୍ପାନୀ ମାଲିକଙ୍କ ବ୍ୟକ୍ତିଗତ କାରଣରୁ ବନ୍ଦ ହେଉଥିବା ସମୟରେ ଆଉ କିଛି କ୍ଷତି ପାଇଁ ବନ୍ଦ ହୋଇଥାଏ । ଫୁଡ୍ ଡେଲିଭରୀ ଆପ୍ ଜୋମାଟ (ZOMATO) ପକ୍ଷରୁ ଗତବର୍ଷ 'ତତକ୍ଷଣାତ' ସେବା ଆରମ୍ଭ କରାଯାଇଥିଲା । ଆଜି ସକାଳ ସମୟରେ ଏକ ଖବର ପ୍ରଚାରିତ ହୋଇଥିଲା ତାହା ହେଉଛି, ଜୋମାଟୋ ନିଜର ସ୍ୱତନ୍ତ୍ର ସେବାକୁ ତୁରନ୍ତ ବନ୍ଦ କରୁଛି । କିନ୍ତୁ ପରବର୍ତ୍ତୀ ସମୟରେ କମ୍ପାନୀ ନିଜେ ଏ ବିଷୟରେ ସ୍ପଷ୍ଟ କରିଛି ।

କମ୍ପାନୀ ପକ୍ଷରୁ ସୂଚନା ଦିଆଯାଇ କୁହାଯାଇଛି ଯେ, ଜୋମାଟୋ ବନ୍ଦ ହେଉନାହିଁ ବରଂ ଏହାକୁ ରିବ୍ରାଣ୍ଡ୍ କରାଇବାକୁ ଯୋଜନା କରାଯାଉଛି । ଜୋମାଟୋ ତତ୍କାଳୀନରେ ଗ୍ରାହକଙ୍କୁ ୧୦ ମିନିଟରେ ଖାଦ୍ୟ ପହଞ୍ଚାଏ ବୋଲି ମଧ୍ୟ କୁହାଯାଇଛି । କମ୍ପାନୀ କହିଛି ଯେ, ବର୍ତ୍ତମାନ ଏହାକୁ ବନ୍ଦ କରିବା ପାଇଁ କମ୍ପାନୀର କୌଣସି ଯୋଜନା ନାହିଁ।

ଜୋମାଟୋ ତୁରନ୍ତ ବନ୍ଦ ହେବାର ମିଥ୍ୟା ଖବର ଆସିଥିଲା ​​।

ଆଜିର ବଜାରରେ କଠିନ ପରିସ୍ଥିତି ଭିତରେ ଜୋମାଟୋ କମ୍ପାନୀ ବର୍ଷେ ତଳେ ଆରମ୍ଭ କରିଥିବା 'ତତକ୍ଷଣାତ୍' ସେବା ବନ୍ଦ କରିବାକୁ ଯୋଜନା କରୁଥିବା ଖବର ଆସିବା ପରେ କମ୍ପାନୀ ପକ୍ଷରୁ ଏକ ସୂଚନା ଦିଆଯାଇଛି । ତେବେ କମ୍ପାନୀ ତତକ୍ଷଣାତ୍ ସେବା ପାଇଁ ଏକ ନୂତନ ମେନ୍ୟୁରେ କାମ କରୁଛି ବୋଲି ସ୍ପଷ୍ଟ କରିଛି । କମ୍ପାନୀ କହିଛି, 'ତତକ୍ଷଣାତ୍' ସେବା ବନ୍ଦ ହେଉନାହିଁ । ଆମେ ଆମ ଅଂଶୀଦାରମାନଙ୍କ ସହ ଗୋଟିଏ ନୂଆ ମେନ୍ୟୁରେ କାମ କରୁଛୁ  । ଏଥିସହ ବ୍ୟବସାୟକୁ ପୁଣିଥରେ ରିବ୍ରାଣ୍ଡ୍ କରିବାକୁ ଯୋଜନା କରୁଛୁ । ରିବ୍ରାଣ୍ଡ କରାଗଲେ ଜୋମାଟୋ ସେବା ସହ ଜଡିତ କୌଣସି କର୍ମଚାରୀ ପ୍ରଭାବିତ ହେବେନାହିଁ । ଜୋମାଟୋ ଗତ ବର୍ଷ ମାର୍ଚ୍ଚ ମାସରେ 'ତତକ୍ଷଣାତ୍' ସେବା ଆରମ୍ଭ କରିଥିଲା।

ଅଧିକ ଖବର ପଢ଼ନ୍ତୁ- http://ଓଡ଼ିଶାର ଏହି ସ୍ଥାନ ଗୁଡିକରେ ପହଞ୍ଚିଲା ଜିଓ ଟ୍ରୁ ୫ଜି
Published by:Soubhagya Mishra
First published: