ଚିନ୍ତା ବଢାଇଲା ନୂଆ ଭାଇରସ; ନେଲାଣି ୩ ଜୀବନ

News18Odia Digital

Adenovirus: କରୋନା ଭାଇରସ(Corona Virus)ର ଭୟ ନ ଯାଉଣୁ ପୁଣି ଏକ ନୂଆ ଭାଇରସ(Adenovirus) ଡରାଇବା ଆରମ୍ଭ କରିଛି। କେବଳ ସେତିକି ନୁହେଁ, ଏହି ଭାଇରସ ୩ଟି ଜୀବନ ମଧ୍ୟ ନେଇଛି। ପଶ୍ଚିମବଙ୍ଗ(West Bengal)ରେ ଏହି ନୂଆ ଭାଇରସ ଯୋଗୁଁ ତିନିଟି ପିଲାଙ୍କ ମୃତ୍ୟୁ ହୋଇଛି।

ସହରର ଦୁଇଟି ଭିନ୍ନ ଡାକ୍ତରଖାନାରେ ତୀବ୍ର ଶ୍ୱାସକ୍ରିୟା ସଂକ୍ରମଣ (ARI) ହେତୁ ତିନି ଶିଶୁଙ୍କର ମୃତ୍ୟୁ ହୋଇଥିଲା। ସ୍ୱାସ୍ଥ୍ୟ ବିଭାଗର ଜଣେ ଅଧିକାରୀ ସୋମବାର ଏହି ସୂଚନା ଦେଇଛନ୍ତି।

ଅଧିକାରୀଙ୍କ ସୂଚନାନୁସାରେ, ହବଡ଼ ଉଦୟନାରାୟଣପୁରର ଜଣେ ନଅ ମାସର ବାଳିକାର ଏଡେନୋଭାଇରସରେ ମୃତ୍ୟୁ ହୋଇଛି। ଡାକ୍ତରଖାନାର ପେଡିଆଟ୍ରିକ୍ ଇଣ୍ଟେନ୍ସିଭ୍ କେୟାର ୟୁନିଟ୍ (ପିସିଆଇ) ରେ ଏକ ଶଯ୍ୟା ନ ଥିବାରୁ ଶିଶୁକୁ ଶଯ୍ୟା ମିଳିନଥିଲା।

ଅନ୍ୟ ଦୁଇ ପିଲାଙ୍କ ବୟସ ଆଠ ମାସ ଓ ଦେଢ଼ ବର୍ଷର ବୋଲି ଅଧିକାରୀ କହିଛନ୍ତି। ଫେବୃଆରୀ ୨୨ ରେ, ଏଡେନୋଭାଇରସ୍ ଦ୍ୱାରା ସଂକ୍ରମିତ ହେବା ପରେ ସ୍ୱାସ୍ଥ୍ୟଗତ ଜଟିଳତା ହେତୁ ଜଣେ ୧୩ ବର୍ଷର ବାଳିକାର ମୃତ୍ୟୁ ହୋଇଥିଲା।

ଏଡେନୋଭାଇରସର କଣ?(What Is Adenovirus)

ଏଡେନୋଭାଇରସ୍ ହେଉଛି ଏକ ପ୍ରକାର ଜୀବାଣୁ ଯାହା ଶରୀରରେ ଉଭୟ ମୃଦୁ ଏବଂ ଭୟଙ୍କର ସଂକ୍ରମଣ ସୃଷ୍ଟି କରିପାରେ। ଏହି ଭାଇରସ ସଂକ୍ରମଣ ମୁଖ୍ୟତଃ ଶ୍ୱାସକ୍ରିୟା ଉପରେ ପ୍ରଭାବ ପକାଇଥାଏ। ଏଥିପାଇଁ ଶ୍ୱାସ ନେବାରେ ଅସୁବିଧା ହୋଇଥାଏ। ଏହା ପିଲାମାନଙ୍କ ଠାରୁ ବୟସ୍କ ପର୍ଯ୍ୟନ୍ତ ସମସ୍ତଙ୍କୁ ପ୍ରଭାବିତ କରିପାରେ।

ଏଡେନୋଭାଇରସ୍ ର ଲକ୍ଷଣ (Symptoms of Adenovirus )

ଏଡେନୋଭାଇରସ୍ ର ସାଧାରଣ ଲକ୍ଷଣ ହେଉଛି ଫ୍ଲୁ ପରି, ଥଣ୍ଡା, ଜ୍ୱର, ଶ୍ୱାସକ୍ରିୟା ସମସ୍ୟା, ଗଳା ଯନ୍ତ୍ରଣା, ନିମୋନିଆ ଏବଂ ତୀବ୍ର ବ୍ରୋଙ୍କାଇଟିସ୍। ଦୁଇ ବର୍ଷରୁ କମ୍ ପିଲାମାନେ ଏହି ଭାଇରସ ଦ୍ୱାରା ଅଧିକ ପ୍ରଭାବିତ ହୁଅନ୍ତି। ଏହାର ଲକ୍ଷଣ ଗ୍ୟାଷ୍ଟ୍ରୋଏଣ୍ଟେଷ୍ଟିନିକାଲ୍ ସଂକ୍ରମଣଠାରୁ ଆରମ୍ଭ କରି ସାଧାରଣ ଥଣ୍ଡା ପର୍ଯ୍ୟନ୍ତ ଥାଏ।