INDvsAUS: ଆଡିଲେଡ୍ ଟେଷ୍ଟ ପାଇଁ ଟିମ୍ ଇଣ୍ଡିଆ ପ୍ଳେୟିଙ୍ଗ XI ଘୋଷଣା କଲା; ଜାଣନ୍ତୁ କିଏ ହେଲା IN ଓ କିଏ ହେଲା OUT

News18 Odia Digital
ନୂଆଦିଲ୍ଲୀ: ଭାରତୀୟ ଅଧିନାୟକ ବିରାଟ କୋହଲି (Virat Kohli) ଓ ତାଙ୍କ ଟିମ୍ ଗୁରୁବାର (17 ଡିସେମ୍ବର) ଆଡିଲେଡରେ ଆରମ୍ଭ ହେବାକୁ ଥିବା ଦିବା-ରାତ୍ରି ଟେଷ୍ଟରେ (Day Night Test) ଅଷ୍ଟ୍ରେଲିଆକୁ ଗୋଲାପୀ ବଲ କ୍ରିକେଟର ପ୍ରାଧାନ୍ୟକୁ ଚ୍ୟାଲେଞ୍ଜ କରିବାକୁ ଚାହୁଁଛନ୍ତି । ଏଥିପାଇଁ ଭାରତୀୟ କ୍ରିକେଟ୍ ଟିମ୍ ପ୍ଳେୟିଙ୍ଗ ଇଲେଭେନକୁ (Team India Plying XI) ଚୟନ କରିସାରିଛି । ଯେତେବେଳେ କି ଆୟୋଜକ ଦଳର ଅନେକ ଖେଳାଳି ଆହତ ସମସ୍ୟା ସହ ସଂଘର୍ଷ କରୁଛନ୍ତି । ଆଡିଲେଡ୍ ଟେଷ୍ଟ ପାଇଁ ଭାରତର ଏକାଦଶ ଖେଳିବାରେ ପୃଥ୍ୱୀଭ ଶଃ ଓ ରିଦ୍ଧିମାନ ସାହା ସ୍ଥାନ ପାଇଛନ୍ତି ।

ଏହି ମ୍ୟାଚ୍‌ରେ 'ଜୋସ୍ ହାଜଲେଉଡ୍ ବନାମ ମହମ୍ମଦ ଶାମି' ମଧ୍ୟରେ ପ୍ରତିଯୋଗିତା ଅତି ରୋମାଞ୍ଚକର ହେବ । ଯେତେବେଳେ ଜସପ୍ରୀତ ବୁମ୍ରା ନିଜେ ୟର୍କରରୁ ପ୍ୟାଟ୍ କମିନ୍ସ ବାଉନ୍ସର୍ଙ୍କୁ ଜବାବ ଦେବାକୁ ଚାହାଁନ୍ତି । ଇଶାନ୍ତ ଶର୍ମାଙ୍କ ପରି ଅଭିଜ୍ଞ ଦ୍ରୁତ ବୋଲର ଭାରତୀୟ ଦଳରେ ଅନ୍ତର୍ଭୁକ୍ତ ହୋଇନଥିବା ବେଳେ ଅଷ୍ଟ୍ରେଲିୟା ଲାଇନ୍ ଅପ୍ ତାରକା ଡେଭିଡ ୱାର୍ଣ୍ଣରଙ୍କୁ ମିସ କରିବ । ଯେଉଁଥିପାଇଁ ଉଭୟ ଦଳ ଶକ୍ତି ପ୍ରାୟ ସମାନ ଥିବା ଦେଖାଯାଏ ।

ତଥାପି ଅଷ୍ଟ୍ରେଲିୟ ଦଳର ଅଧିକ ଦିବା-ରାତ୍ରି ଟେଷ୍ଟ ଖେଳିବାର ଅଭିଜ୍ଞତା ଅଛି ଓ ସେମାନେ ନିଶ୍ଚିତ ଭାବରେ ଘରୋଇ ସ୍ଥିତିର ଲାଭ ପାଇବେ । ଡେ-ନାଇଟ୍ ଟେଷ୍ଟ ମ୍ୟାଚ୍ ଗୁଡିକର ନିଜସ୍ୱ ବିଶେଷତା ରହିଛି । ଯେଉଁଥିରେ ପ୍ରଥମ ସିଜନରେ ବ୍ୟାଟ୍ସମ୍ୟାନ୍ମାନେ ପ୍ରାଧାନ୍ୟ ବିସ୍ତାର କରିବେ ବୋଲି ଆଶା କରାଯାଉଥିବାବେଳେ ସୂର୍ଯ୍ୟାସ୍ତ ହେଲେ ବୋଲରମାନେ ନିଜ ପ୍ରାଧାନ୍ୟ ବିସ୍ତାର କରନ୍ତି । କାରଣ କୁକାବୁରାର ଗୋଲାପୀ ବଲରେ ଗତି ତୀବ୍ର ହୋଇଯାଇଥାଏ ।

UPDATE🚨: Here’s #TeamIndia’s playing XI for the first Border-Gavaskar Test against Australia starting tomorrow in Adelaide. #AUSvIND pic.twitter.com/WbVRWrhqwi

— BCCI (@BCCI) December 16, 2020

ଟିମ୍ ଇଣ୍ଡିଆର ପ୍ଳେୟିଙ୍ଗ XI: ବିରାଟ କୋହଲି (ଅଧିନାୟକ), ମୟଙ୍କ ଅଗ୍ରୱାଲ, ପୃଥ୍ୱୀଭ ଶଃ, ଚେତେଶ୍ୱର ପୂଜାରା, ଅଜିଙ୍କ୍ୟ ରାହାନେ (ଉପ ଅଧିନାୟକ), ହନୁମା ବିହାରୀ, ରିଦ୍ଧିମାନ ସାହା (ୱିକେଟ୍ କିପର), ରବିଚନ୍ଦ୍ରନ୍ ଅଶ୍ୱିନ୍, ଉମେଶ ଯାଦବ, ମହମ୍ମଦ ଶାମି, ଜସପ୍ରୀତ ବୁମ୍ରା ।