Video: ନ୍ୟୁ ୟର୍କରେ ପୋଲିସ ଅଫିସରଙ୍କ ମୁହଁକୁ ଛେପ ପକାଇ ଗିରଫ ହେଲେ ଭାରତୀୟ ଯୁବତୀ

News18 Odia Digital

ନୂଆ ଦିଲ୍ଲୀ: ଆମେରିକାରେ ରାଷ୍ଟ୍ରପତି ନିର୍ବାଚନ (US Presidential Election) ପୂର୍ବରୁ ଓ ପରେ ହୋଇଆସୁଥିବା ବର୍ଣ୍ଣ ଓ ଜାତିଭେଦ ବିରୋଧୀ ଆନ୍ଦୋଳନ (anti-racist protest) ସମୟରେ ଜଣେ ଭାରତୀୟ ବଂଶୋଦ୍ଭବ ଯୁବତୀଙ୍କ ନାମ ଚର୍ଚ୍ଚାରେ ଅଛି । ସେହି ଯୁବତୀ ଜଣକ ନ୍ୟୁୟର୍କ ସହରରେ (New York City) ଏକ ବିରୋଧ ପ୍ରଦର୍ଶନ ସମୟରେ ଜଣେ ପୋଲିସ ଅଫିସରଙ୍କ ମୁହଁକୁ ଛେପ ପକାଇଥିଲେ ଓ ସେଇଥି ପାଇଁ ତାଙ୍କୁ ଗିରଫ କରାଯାଇଥିଲା ।

ଦେବିନା ସିଂ (Devina Singh) ନାମକ ଏହି ୨୪ ବର୍ଷୀୟା ଯୁବତୀ ଏକ ବିରୋଧ ପ୍ରଦର୍ଶନ ବେଳେ ଜଣେ ପୁରୁଷ ପୋଲିସ ଅଫିସରଙ୍କ ସହ ଭୀଷଣ ଯୁକ୍ତିତର୍କ କରୁଥିବା ଓ ତାଙ୍କୁ ‘‘ଫ* ୟୁ, ଫାସିଷ୍ଟ’’ (Fascist) ବୋଲି କହି ଗାଳିଦେଉଥିବା ଏକ ଭିଡିଓରେ ଦେଖାଯାଇଛି । ଅଫିସରଙ୍କୁ ଗାଳିଗୁଲଜ କରିବା ପରେ ଦେବିନା ସିଂ ତାଙ୍କ ମୁହଁକୁ ଛେପ ପକାଇଥିଲେ । ତା’ ପରେ ଉତ୍ୟକ୍ତ ଅଫିସର ଜଣକ ଦେବିନାଙ୍କୁ ଗିରଫ କରିଥିଲେ । ଏହି ସମଗ୍ର ଘଟଣା ଏକ ଭିଡିଓରେ ଦେଖିବାକୁ ମିଳୁଛି ।

ଦେଖନ୍ତୁ ସେହି ଘଟଣାର ଭିଡିଓ:

A young woman was arrested after she spat in an officer’s face after screaming, “F–k you, fascist,” tonight in the West Village. pic.twitter.com/cfgVLYJ5pc

— elizabeth meryl rosner (@elizameryl) November 5, 2020

ଏହା ବି ପଢ଼ନ୍ତୁ | ବାଲେଶ୍ୱରରେ ମମତା କୁଣ୍ଡୁଙ୍କ ପରାଜୟର କାରଣ? ‘‘BJD ଓ BJPର ଟଙ୍କା ବଣ୍ଟା ଓ Congressର ଦୁର୍ବଳ ସଙ୍ଗଠନ’’

କରୋନା ମହାମାରୀରେ ଆମେରିକା ସମେତ ସାରା ବିଶ୍ୱ ପୀଡ଼ିତ ହୋଇ ଚିନ୍ତିତ ଥିବା ବେଳେ ଦେବିନା ସିଂଙ୍କ ଏମିତି ଆଚରଣର ଘୋର ନିନ୍ଦା କରାଯାଉଛି । ନ୍ୟୁୟର୍କର ମ୍ୟାନହଟନରେ ନଭେମ୍ବର ୪ ତାରିଖର ସେହି ବିରୋଧ ପ୍ରଦର୍ଶନ ସମୟରେ ଦେବିନା ମାସ୍କ ବି ପିନ୍ଧି ନ ଥିଲେ । ସେହି ସ୍ଥାନରେ ଥିବା ସବୁ ପୋଲିସ ଅଫିସର ମାସ୍କ ପିନ୍ଧିଥିଲେ ।



ସେହି ଅଶାଳୀନ ଓ ବିପଜ୍ଜନକ ବିରୋଧ ପ୍ରଦର୍ଶନ ଯୋଗୁଁ ଗିରଫ ହେବା ପରେ ଦେବିନା ଗଣମାଧ୍ୟମକୁ କହିଥିଲେ ଯେ ପୋଲିସ କର୍ମୀମାନେ ବିରୋଧକାରୀମାନଙ୍କୁ ଆକ୍ରମଣ କରିବା ପରେ ସେ ଉଗ୍ର ହୋଇଉଠିଥିଲେ । ହେଲେ ସେହି ଘଟଣାର ଅନେକ ଭିଡିଓ କ୍ଲିପ୍‌ ମଧ୍ୟରୁ କେଉଁଥିରେ ବି ପୋଲିସ କର୍ମୀମାନେ ଅଣାୟତ୍ତ ହୋଇଥିବା ବା କାହାକୁ ଆକ୍ରମଣ କରୁଥିବା ଦେଖାଯାଇ ନ ଥିଲା ।

ଏହା ବି ପଢ଼ନ୍ତୁ | ଭୁବନେଶ୍ୱରରେ ବ୍ୟବସାୟୀଙ୍କ ଠାରୁ ଦେଢ଼ ଲକ୍ଷ ଟଙ୍କା ଲୁଟି ଗିରଫ ହେଲେ ୬ ଜଣ ମିଛ ସାମ୍ବାଦିକ

ସେହି ଘଟଣା ପରେ ଦେବିନା ସିଂ ନିଜ ସୋସିଆଲ ମିଡ଼ିଆ ପୋଷ୍ଟଗୁଡ଼ିକୁ ଡିଲିଟ୍‌ କରିଦେଇଛନ୍ତି । ପେନସିଲଭାନିଆର ସ୍ୱେଙ୍କଭିଲର ବାସିନ୍ଦା ଦେବିନା ନ୍ୟୁୟର୍କ ବିଶ୍ୱବିଦ୍ୟାଳୟରେ ପାଠ ପଢ଼ା ସାରିବା ପରେ ପୂର୍ବ କଂଗ୍ରେସ୍‌ ପ୍ରତିନିଧି ଜେରୀ ନାଡଲରଙ୍କ ଟିମରେ ଜଣେ ଇଣ୍ଟର୍ଣ୍ଣ ଭାବେ କାର୍ଯ୍ୟ କରିଥିଲେ ।



ପୂର୍ବରୁ ମଧ୍ୟ ବିରୋଧ ପ୍ରଦର୍ଶନ ସମୟରେ ଅଶାଳୀନ ଆଚରଣ ପାଇଁ ଦେବିନା ସିଂଙ୍କୁ ସେପଟେମ୍ବର ମାସ ଗିରଫ କରାଯାଇଥିଲା । (ସୌଜନ୍ୟ: ଦି ନ୍ୟୁ ୟର୍କ ପୋଷ୍ଟ)