ରେଳ ଯାତ୍ରୀମାନେ ଦୟାକରି ଧ୍ୟାନ ଦିଅନ୍ତୁ ... ହୋଲି ପାଇଁ ଚଳାଯିବ ୧୦୦ ରୁ ଅଧିକ ଫେଷ୍ଟିଭାଲ୍ ସ୍ପେଶାଲ ଟ୍ରେନ୍

ଭାରତୀୟ ରେଳବାଇ (Indian Railways) କହିଛି ଯେ ହୋଲି ପର୍ବରେ ଚଳାଯିବାକୁ ଥିବା ସ୍ପେଶାଲ ଟ୍ରେନ୍ (Festival Special Trains) ମଧ୍ୟରୁ କିଛି ଟ୍ରେନ ବର୍ତ୍ତମାନ ଚାଲୁଛି । ବାସ୍ତବରେ ଦିୱାଲି ସମୟରେ ଚାଲୁଥିବା କିଛି ସ୍ପେଶାଲ ଟ୍ରେନର ଅଧିକ ଚାହିଦା ଯୋଗୁଁ ଏଗୁଡ଼ିକୁ ବନ୍ଦ କରଯାଇ ନଥିଲା ।

ହୋଲି ପାଇଁ ଚଳାଯିବ ୧୦୦ ରୁ ଅଧିକ ସ୍ପେଶାଲ ଟ୍ରେନ୍

ହୋଲି ପାଇଁ ଚଳାଯିବ ୧୦୦ ରୁ ଅଧିକ ସ୍ପେଶାଲ ଟ୍ରେନ୍

  • Share this:
News18 Odia Digital
ନୂଆ ଦିଲ୍ଲୀ: ଭାରତୀୟ ରେଳବାଇ (Indian Railways) ହୋଲି ପାଇଁ ୧୦୦ ରୁ ଅଧିକ ଫେଷ୍ଟିଭାଲ୍ ସ୍ପେଶାଲ ଟ୍ରେନ୍ (Festival Special Trains) ଚଳାଇବାକୁ ଘୋଷଣା କରିଛି । ସେଥିମଧ୍ୟରୁ ସର୍ବାଧିକ ୫୪ଟି ଟ୍ରେନ୍ ଉତ୍ତର ରେଳବାଇ (Northern Railway) ତରଫରୁ ଚଳାଯିବ । ଏହି ଟ୍ରେନ୍ ଗୁଡିକ ୧୦ ଏପ୍ରିଲ୍ ୨୦୨୧ ପର୍ଯ୍ୟନ୍ତ ଚାଲିବ । ହୋଲି ମହୋତ୍ସବ ଅବସରରେ ଏହି ଟ୍ରେନ୍ ଗୁଡିକ ଭିଡ଼ କମ କରିବା ପାଇଁ ଘୋଷଣା କରାଯାଇଛି । ଯାହାଦ୍ୱାରା କରୋନା ଭାଇରସ୍ ବ୍ୟାପିବାରେ ରୋକାଯାଇପାରିବ । ଏହା ବ୍ୟତୀତ ଭାରତୀୟ ରେଳ ଟ୍ରେନ୍ ଯାତ୍ରା ପାଇଁ ଅନେକ କଠୋର ନିୟମ ମଧ୍ୟ କରିଛି । ଯେଉଁମାନେ ଏହାକୁ ଅନୁସରଣ କରୁନାହାଁନ୍ତି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।

ସାଧାରଣ ଟ୍ରେନ୍ ଅପେକ୍ଷା ଅଧିକ ଦେୟ ଦେବାକୁ ପଡିବ
ରେଳବାଇ କହିଛି ଯେ ହୋଲି ପର୍ବରେ ଚାଲୁଥିବା କିଛି ଫେଷ୍ଟିଭାଲ ସ୍ପେଶାଲ ଟ୍ରେନ୍ ର୍ତ୍ତମାନ ମଧ୍ୟ ଚାଲୁଛି । ବାସ୍ତବରେ ଦୀପାବଳି ସମୟରେ ଚାଲୁଥିବା କିଛି ଫେଷ୍ଟିଭାଲ ସ୍ପେଶାଲ ଟ୍ରେନର ଅଧିକ ଚାହିଦା ଯୋଗୁଁ ସେଗୁଡିକୁ ବନ୍ଦ କରାଯାଇ ନଥିଲା । ତେଣୁ ଏହି ଟ୍ରେନ୍ ଗୁଡିକ ଚାଲୁଛି । ଉତ୍ତର ରେଳବାଇ ଏପର୍ଯ୍ୟନ୍ତ ୩୬ ଟି ଟ୍ରେନ୍ ଚଳାଉଛି । ବିଶେଷ କଥା ହେଉଛି ଫେଷ୍ଟିଭାଲ ସ୍ପେଶାଲ ଟ୍ରେନରେ ଯାତ୍ରୀମାନଙ୍କୁ ୩୦ ପ୍ରତିଶତ ଅଧିକ ଭଡା ଦେବାକୁ ପଡିବ । ବାସ୍ତବରେ ଏହି ନିର୍ଦ୍ଦେଶ ୨୦୧୫ ମସିହାରେ ଜାରି କରାଯାଇଥିଲା ଯାହା ଅନୁଯାୟୀ ସ୍ପେଶାଲ ଟ୍ରେନ୍ ଗୁଡିକ ସାଧାରଣ ଟ୍ରେନ୍ ଅପେକ୍ଷା ୩୦ ପ୍ରତିଶତ ଅଧିକ ଭଡା ଦେବାକୁ ପଡୁଛି ।

୧୦ ଏପ୍ରିଲ ସୁଦ୍ଧା ସମସ୍ତ ଟ୍ରେନ୍ ଚଳାଚଳ କରିବାକୁ ଯୋଜନା କରାଯାଇଛି
ରେଳବାଇ ଏପ୍ରିଲ୍ ୧୦ ସୁଦ୍ଧା ଅଧିକାଂଶ ପୁରୁଣା ଟ୍ରେନ୍ଗୁଡ଼ିକୁ ଟ୍ରାକକୁ ଫେରାଇ ଆଣିବା ପାଇଁ ଯୋଜନା କରୁଛି । ଏଭଳି ପରିସ୍ଥିତିରେ ଯାତ୍ରୀମାନେ ଖୁବ୍ ଶୀଘ୍ର ରେଳବାଇରୁ ଏକ ବଡ଼ ଆରାମ ପାଇବେ ବୋଲି ଆଶା କରାଯାଉଛି । ତେବେ ବର୍ତ୍ତମାନ ସମସ୍ତ ଟ୍ରେନ୍ ଜାତୀୟ ବିପର୍ଯ୍ୟୟ ପରିଚାଳନା ଅଧିନିୟମ (NDMA) ଅନୁଯାୟୀ ଚାଲିବ । ଏଭଳି ପରିସ୍ଥିତିରେ ଯାତ୍ରୀଙ୍କ ଟ୍ରେନରେ ଯାତ୍ରା କରିବା ସମୟରେ କରୋନା ଭୂତାଣୁ ରୋକିବା ସହ ଜଡିତ ସମସ୍ତ ନିର୍ଦ୍ଦେଶ ଓ ସତର୍କତା ଅବଲମ୍ବନ କରିବାକୁ ପଡିବ । ବର୍ତ୍ତମାନ ରେଳବାଇର ପ୍ରାୟ ୧୧୦୦ ମେଲ୍ ଏକ୍ସପ୍ରେସ ଟ୍ରେନ୍ ସ୍ୱତନ୍ତ୍ର ଟ୍ରେନ୍ ଭାବରେ ଚାଲୁଛି । ଏଥି ସହିତ ପଶ୍ଚିମ ରେଳବାଇ ମଧ୍ୟ ଅହମ୍ମଦାବାଦ ଡିଭିଜନର ଧରଙ୍ଗଧ୍ରା-ସାଖିଆଲି ବିଭାଗରେ ଅନ-ଲକ୍ କାର୍ଯ୍ୟ ଯୋଗୁଁ ପଶ୍ଚିମ ରେଳରୁ ଉତ୍ପନ୍ନ କିମ୍ବା ଚଳାଚଳ କରୁଥିବା କିଛି ଦୂର ଦୂରଗାମୀ ଟ୍ରେନକୁ ବାତିଲ କିମ୍ବା ବଦଳାଇବାକୁ ନିଷ୍ପତ୍ତି ନେଇଛି ।
Published by:Jagdish Barik
First published: