ଆମେରିକାରେ ୪ କୋଟି ଟଙ୍କାର ବୃତ୍ତି ପାଇ ପଢ଼ୁଥିବା ଭାରତୀୟ ଛାତ୍ରୀ ସଡ଼କ ଦୁର୍ଘଟଣାରେ ମୃତ

ଜଣେ ଚା’ ବିକାଳିଙ୍କ ଝିଅ ସୁଦୀକ୍ଷା ପିଲାଦିନରୁ ଖୁବ୍ ଭଲ ପାଠ ପଢ଼ୁଥିଲେ । ସେ ୨୦୧୮ରେ CBSE ଦ୍ୱାଦଶ ଶ୍ରେଣୀ ପରୀକ୍ଷାରେ ୯୮% ମାର୍କ ରଖିଥିଲେ । ତା’ପରେ ତାଙ୍କୁ ଆମେରିକାର ବବସନ୍ କଲେଜରୁ ସ୍ନାତକ କୋର୍ସ ପାଇଁ ୪ କୋଟି ଟଙ୍କାର ବୃତ୍ତି ମିଳିଥିଲା ।

ଆମେରିକାରେ ୪ କୋଟି ଟଙ୍କାର ବୃତ୍ତି ପାଇ ପଢ଼ୁଥିବା ଭାରତୀୟ ଛାତ୍ରୀ ସଡ଼କ ଦୁର୍ଘଟଣାରେ ମୃତ
ସୁଦୀକ୍ଷା ଭାଟି
  • News18 Odia
  • Last Updated: August 12, 2020, 3:31 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଗ୍ରେଟର ନୋଏଡା: ଆମେରିକାର ବବସନ୍ କଲେଜରେ (Bobson College of America) ପାଖାପାଖି ୪ କୋଟି ଟଙ୍କାର ସ୍କଲାରଶିପ୍‌ ପାଇ ପଢ଼ୁଥିବା ଭାରତୀୟ ଛାତ୍ରୀ ସୁଦୀକ୍ଷା ଭାଟିଙ୍କର (Sudiksha Bhati) ଉତ୍ତର ପ୍ରଦେଶରେ ଏକ ସଡ଼କ ଦୁର୍ଘଟଣାରେ ମୃତ୍ୟୁ ହୋଇଛି । ତାଙ୍କ ବାପା କହିଛନ୍ତି ଯେ ଏହି ମୃତ୍ୟୁ ଏକ ସାଧାରଣ ସଡ଼କ ଦୁର୍ଘଟଣା ନୁହେଁ, ବରଂ ଏକ ହତ୍ୟା ।

ଆମେରିକାରେ କରୋନା ଭାଇରସ ମହାମାରୀ (Coronavirus Pandemic) ବ୍ୟାପୁଥିବା ଯୋଗୁଁ ସୁଦୀକ୍ଷା ଭାରତ ଫେରିଆସିଥିଲେ । ସେ ନିଜ ମାମୁଁଙ୍କ ଘରକୁ ନିଜ ଦାଦା ସତେନ୍ଦ୍ର ଭାଟିଙ୍କ ସହ ଏକ ସ୍କୁଟିରେ ସିକନ୍ଦରାବାଦ ଅଭିମୁଖେ ଯାଉଥିଲେ । ଜାତୀୟ ରାଜପଥରେ ଔରଙ୍ଗାବାଦ ଗାଁ ନିକଟରେ ଏକ ଦ୍ରୁତ ଗତିରେ ଆସୁଥିବା ବାଇକ୍ ତାଙ୍କ ସ୍କୁଟିକୁ ଧକ୍କା ଦେଇଥିଲା । ଏହି ଦୁର୍ଘଟଣାରେ ସୁଦୀକ୍ଷାଙ୍କ ମୃତ୍ୟୁ ହୋଇଥିଲା ଓ ତାଙ୍କ ମାମୁଁ ସତେନ୍ଦ୍ର ଭାଟି ଗୁରୁତର ଆହତ ହୋଇଥିଲେ । ଏହି ଦୁଃଖଦ ଘଟଣା ସୋମବାର ସକାଳେ ଘଟିଥିଲା ।

ସୁଦୀକ୍ଷାଙ୍କ ବାପାଙ୍କ କହିବା ଅନୁସାରେ କେତେକ ଅସାମାଜିକ ଯୁବକ ଜାଣିଶୁଣି ତାହ୍କ ସ୍କୁଟିକୁ ଧକ୍କା ଦେଇଥିଲେ । ଏହି ଘଟଣାରୁ ଉତ୍ତର ପ୍ରଦେଶରେ ଆଇନ ଶୃଙ୍ଖଳା ବ୍ୟବସ୍ଥା ବିପର୍ଯ୍ୟସ୍ତ ହୋଇପଡ଼ିଛି ବୋଲି ସେ କହିଛନ୍ତି ।

ପ୍ରଥମରୁ ପାଠପଢ଼ାରେ ସୁଦୀକ୍ଷା ଖୁବ୍‌ ଭଲ ଥିଲେ

ଅତି ସାଧାରଣ ପରିବାରରୁ ଆସିଥିବା ସୁଦୀକ୍ଷା ଭାଟି ନିଜ କଠିନ ପରିଶ୍ରମ ଦ୍ୱାରା ଆମେରିକାର ବବସନ୍ କଲେଜରୁ ଏକ ବଡ଼ ଛାତ୍ରବୃତ୍ତି (ପ୍ରାୟ ୪ କୋଟି ଟଙ୍କାର) ପାଇଥିଲେ । ସୁଦୀକ୍ଷା ନିଜ ପ୍ରାଥମିକ ପାଠ ପଢ଼ା ଗ୍ରାମର ବିଦ୍ୟାଳୟରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ କରିଥିଲେ । ପାଠ ପଢ଼ାରେ ଆରମ୍ଭରୁ ଖୁବ୍‌ ଭଲ ଥିବା ସୁଦୀକ୍ଷାଙ୍କ ୨୦୧୧ ମସିହାରେ ବିଦ୍ୟାଜ୍ଞାନ ଲିଡରସିପ୍ ଏକାଡେମୀ ସ୍କୁଲରେ ଷଷ୍ଠ ଶ୍ରେଣୀ ଚୟନ ହୋଇଥିଲା ।

ଏହା ବି ପଢ଼ନ୍ତୁ | ରୁଷିଆ ଆଣିଲା ବିଶ୍ୱର ପ୍ରଥମ କରୋନା ଟିକା; ରାଷ୍ଟ୍ରପତି ପୁଟିନଙ୍କ ଝିଅଙ୍କୁ ପ୍ରଥମେ ଦିଆଗଲା

ଏହା ବି ପଢ଼ନ୍ତୁ | ପଶ୍ଚିମ ବଙ୍ଗରେ କରୋନା ରୋଗୀଙ୍କୁ ଲୁଟୁଛନ୍ତି ଘରୋଇ ହସପିଟାଲ; ଚିକିତ୍ସା ବିଲ୍ ୧୦.୩୯ ଲକ୍ଷ ଟଙ୍କା!

ଡାଏରୀ ସ୍କନର୍ ଗାଁର ବାସିନ୍ଦା ଚା’ ବିକ୍ରେତା ଜିତେନ୍ଦ୍ର ଭାଟୀଙ୍କ ଝିଅ ସୁଦୀକ୍ଷା ଭାଟି HCL ଫାଉଣ୍ଡେସନର ସ୍କୁଲ୍‌ ବିଦ୍ୟା ଜ୍ଞାନରୁ ଆଗାମୀ ପାଠ ପଢ଼ିଥିଲେ । ୨୦୧୮ ମସିହାରେ ସି.ବି.ଏସ୍.ଇ. (CBSE) ବୋର୍ଡ଼ର ଇଣ୍ଟରମିଡିଏଟ୍‌ (ଦ୍ୱାଦଶ ଶ୍ରେଣୀ) ପରୀକ୍ଷାରେ ସୁଦୀକ୍ଷା ୯୮ ପ୍ରତିଶତ ମାର୍କ ହାସଲ କରିଥିଲେ । ଏହା ପରେ ତାଙ୍କୁ ଆମେରିକାର ବବସନ୍ କଲେଜରୁ ଆଗାମୀ ଅଧ୍ୟୟନ ପାଇଁ ବୃତ୍ତି ମିଳିଥିଲା ।



ସୁଦୀକ୍ଷା ଅଗଷ୍ଟ ୨୦୧୮ରେ ବବସନ୍ କଲେଜ୍ ଅଫ୍ ଏଣ୍ଟରପ୍ରେନରସିପରେ (Bobson College of Entrepreneurship) ନାମ ଲେଖାଇଲେ । ସେ ବବସନ୍ କଲେଜରୁ ଉଦ୍ୟୋଗୀକରଣରେ ସ୍ନାତକ କୋର୍ସ୍‌ କରୁଥିଲେ । ବବସନ୍ କଲେଜରୁ ଛାତ୍ରବୃତ୍ତି ପାଇବା ପରେ ସୁଦୀକ୍ଷା କହିଥିଲେ ଯେ ତାଙ୍କ ସ୍ୱପ୍ନ ସାକାର ହୋଇଛି । ତାଙ୍କ ଅକାଳ ମୃତ୍ୟୁ ତାଙ୍କ ପରିବାରକୁ ବଡ଼ ଦୁଃଖ ଦେଇଛି ।
Published by: Anand Shankar Thankur Das
First published: August 12, 2020, 3:31 PM IST
corona virus btn
corona virus btn
Loading