India vs England: ବିରାଟ କୋହଲିଙ୍କ ପାଖରେ ମହେନ୍ଦ୍ର ସିଂ ଧୋନି-ରିକି ପଣ୍ଟିଙ୍ଗଙ୍କୁ ପଛରେ ପକାଇବାର ସୁଯୋଗ

India vs England: ବିରାଟ କୋହଲିଙ୍କ ପାଖରେ ଇଂଲଣ୍ଡ ବିପକ୍ଷ ଆଗାମୀ ସିରିଜରେ ଧୋନି, ରିକି ପଣ୍ଟିଂ ଓ କ୍ଲିଭ୍ ଓଲିଡଙ୍କ ରେକର୍ଡ ଭାଙ୍ଗିବାର ସୁଯୋଗ ରହିଛି ।

India vs England: ବିରାଟ କୋହଲିଙ୍କ ପାଖରେ ମହେନ୍ଦ୍ର ସିଂ ଧୋନି-ରିକି ପଣ୍ଟିଙ୍ଗଙ୍କୁ ପଛରେ ପକାଇବାର ସୁଯୋଗ
ବିରାଟ କୋହଲିଙ୍କ ପାଖରେ ମହେନ୍ଦ୍ର ସିଂ ଧୋନି-ରିକି ପଣ୍ଟିଙ୍ଗଙ୍କୁ ପଛରେ ପକାଇବାର ସୁଯୋଗ
  • News18 Odia
  • Last Updated: January 31, 2021, 10:55 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ନୂଆ ଦିଲ୍ଲୀ: ଭାରତ ଓ ଇଂଲଣ୍ଡ (India vs England) ମଧ୍ୟରେ ହେବାକୁ ଥିବା ଚାରି ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ୍ 5 ଫେବୃଆରୀରୁ ଚେନ୍ନାଇର ଚେପାକ ଗ୍ରାଉଣ୍ଡରେ ଖେଳାଯିବ । ଇଂଲଣ୍ଡ ବିପକ୍ଷ ଆଗାମୀ ଘରୋଇ ସିରିଜରେ ଭାରତୀୟ ଅଧିନାୟକ ବିରାଟ କୋହଲିଙ୍କ (Virat Kohli) ପାଖରେ ମହେନ୍ଦ୍ର ସିଂ ଧୋନିଙ୍କୁ (Mahendra Singh Dhoni) ପଛରେ ପକାଇବାର ସୁଯୋଗ ରହିଛି । ଗତ ବର୍ଷ ଗୋଟିଏ ବି ଶତକ ହାସଲ କରି ପାରିନଥିବା କୋହଲି ଏହି ଟେଷ୍ଟ ସିରିଜରେ ଅଧିନାୟକତ୍ୱ ସହିତ ବ୍ୟାଟିଂରେ ଚମତ୍କାର ପ୍ରଦର୍ଶନ କରିବାକୁ ଚାହାଁନ୍ତି ।

ପୂର୍ବତନ ଅଧିନାୟକ ଧୋନିଙ୍କ ନେତୃତ୍ୱରେ ଟିମ୍ ଇଣ୍ଡିଆ ୨୧ ଟି ଟେଷ୍ଟ ମ୍ୟାଚ୍ ଜିତିଛି । ଯିଏ ଭାରତକୁ ତିନିଟି ଆଇସିସି ଟାଇଟଲ୍ ଜିତାଇଛନ୍ତି । ଏଥି ସହିତ ବିରାଟ କୋହଲିଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ ଭାରତୀୟ ମାଟିରେ ୨୦ ଟି ଟେଷ୍ଟ ମ୍ୟାଚ୍ ଜିତିଛି । ଯଦି କୋହଲି ଏହି ସିରିଜରେ ଆଉ ଦୁଇଟି ଟେଷ୍ଟ ଜିତନିଅନ୍ତି ତେବେ ସେ ଧୋନିଙ୍କ ରେକର୍ଡ ଭାଙ୍ଗିଦେବେ । ଧୋନିଙ୍କ ଅଧିନାୟକତ୍ୱରେ ଭାରତ ୬୦ ଟି ମ୍ୟାଚ ମଧ୍ୟରୁ ୨୭ ଟି ଜିତିଥିବାବେଳେ କୋହଲିଙ୍କ ନେତୃତ୍ୱରେ ଟିମ୍ ଇଣ୍ଡିଆ ୫୬ ଟି ମ୍ୟାଚ ମଧ୍ୟରୁ ୩୩ ଟି ଜିତିଛି । ବିରାଟ କୋହଲି ମଧ୍ୟ ଭାରତର ସବୁଠାରୁ ସଫଳ ଟେଷ୍ଟ ଅଧିନାୟକ ।

ଏହା ବ୍ୟତୀତ କୋହଲି ଆଗାମୀ ପ୍ରଥମ ଟେଷ୍ଟରେ ମାତ୍ର ୧୪ ରନ୍ ସ୍କୋର କରିବା ପରେ କିମ୍ବଦନ୍ତୀ ୱେଷ୍ଟଇଣ୍ଡିଜ୍ ଅଧିନାୟକ କ୍ଲିଭ ଓଲିଡଙ୍କୁ ପଛରେ ପକାଇବେ । କୋହଲି ଅଧିନାୟକ ଭାବରେ ହାରାହାରି ୬୧ ରେ ୫୨୨୦ ରନ୍ ସଂଗ୍ରହ କରିଛନ୍ତି । ତାଙ୍କ ଆଗରେ ଗ୍ରାମ୍ ସ୍ମିଥ୍ (୮,୬୫୯), ଆଲାନ୍ ବର୍ଡର୍ (୬,୬୨୩), ରିକି ପଣ୍ଟିଂ (୬,୫୪୨) ଓ କ୍ଲିଭ୍ ଓଲିଡ୍ (୫୩୩୩) ରହିଛନ୍ତି ।

ରିକି ପଣ୍ଟିଂ ରେକର୍ଡ ଭାଙ୍ଗିଯିବ
ଯଦି କୋହଲି ଚେନ୍ନାଇରେ ଏକ ଶତକ ହାସଲ କରନ୍ତି । ତେବେ ସେ ରିକି ପଣ୍ଟିଙ୍ଗଙ୍କ ଅଧିନାୟକ ଭାବରେ ସର୍ବାଧିକ ଆନ୍ତର୍ଜାତୀୟ ଶତକ ହାସଲ କରିବାର ରେକର୍ଡ ଭାଙ୍ଗିବେ । ବିରାଟ କୋହଲି ଓ ରିକି ପଣ୍ଟିଙ୍ଗଙ୍କ ନାମରେ ବର୍ତ୍ତମାନ ୪୧ଟି ଲେଖାଏଁ ଆନ୍ତର୍ଜାତୀୟ ଶତକ ରହିଛି । କୋହଲି ଏହି ଶତକ ୧୮୮ଟି ମ୍ୟାଚ୍ ଅଧିନାୟକ ଥିବାବେଳେ ଏହି ସାତକ ହାସଲ କରିଛନ୍ତି । ସମାନ ଶତକ ରିକି ପଣ୍ଟିଂ ୩୨୪ଟି ମ୍ୟାଚ୍ ଅଧିନାୟକତ୍ବ ଥିବା ବେଳେ କରିଥିଲେ । କୋହଲି ଗୋଟିଏ ଶତକ ମାରିବା ମାତ୍ରେ ପଣ୍ଟିଂକୁ ଅତିକ୍ରମ କରିବେ ।

ଏହା ବ୍ୟତୀତ ଅନ୍ତର୍ଜାତୀୟ କ୍ରିକେଟରେ କୋହଲିଙ୍କ ୭୦ ଟି ଶତକ ରହିଛି । ତାଙ୍କ ଆଗରେ କେବଳ ସଚିନ୍ ତେନ୍ଦୁଲକର (୧୦୦) ଓ ପଣ୍ଟିଂ (୭୧) ରହିଛନ୍ତି । ଭାରତ ଇଂଲଣ୍ଡ ବିପକ୍ଷରେ ଚାରୋଟି ଟେଷ୍ଟ, ପାଞ୍ଚ ଟି -୨୦ ଓ ତିନୋଟି ODI ଖେଳିବ । କୋହଲି ଦୁଇଟି ଶତକ ସହିତ ପଣ୍ଟିଂର ରେକର୍ଡ ଭାଙ୍ଗିପାରିବେ ଓ ସର୍ବାଧିକ ଶତକ ହାସଲ କରିବାରେ ଦ୍ୱିତୀୟ ସ୍ଥାନରେ ରହିବେ ବୋଲି ଆଶା କରାଯାଉଛି ।
Published by: Jagdish Barik
First published: January 31, 2021, 10:55 AM IST