Ind vs Aus: ବ୍ରିସବେନ୍ ହୋଟେଲରେ ବନ୍ଦୀ ଥିବା ଟିମ୍ ଇଣ୍ଡିଆ; ଖେଳାଳିମାନଙ୍କୁ ଟଏଲେଟ ପର୍ଯ୍ୟନ୍ତ ସଫା କରିବାକୁ ପଡୁଛି!

News18 Odia Digital
ନୂଆ ଦିଲ୍ଲୀ: ଆୟୋଜକ ଅଷ୍ଟ୍ରେଲିଆ ବିପକ୍ଷ ଚତୁର୍ଥ ତଥା ଶେଷ ଟେଷ୍ଟ ମ୍ୟାଚ୍ ଖେଳିବା ପାଇଁ ଟିମ୍ ଇଣ୍ଡିଆ (Team India) ବ୍ରିସବେନ୍ରେ ପହଞ୍ଚିଛି । ଅଜିଙ୍କ୍ୟ ରାହାଣେଙ୍କ ନେତୃତ୍ୱାଧୀନ ଟିମ୍ ଇଣ୍ଡିଆ ଚତୁର୍ଥ ଟେଷ୍ଟ ଜିତିବାକୁ ଓ ସିରିଜ୍ କବଜା କରିବାକୁ ଚେଷ୍ଟା କରିବ । ଏହି ସିରିଜରେ ଉଭୟ ଦଳ ୧-୧ ପଏଣ୍ଟରେ ସମାନ ରହିଛନ୍ତି । ତୃତୀୟ ଟେଷ୍ଟ ଡ୍ର କରିବାରେ ଭାରତ ସଫଳ ହୋଇଥିଲା । ଦଳ ମଙ୍ଗଳବାର ଅପରାହ୍ନରେ ବ୍ରିସବେନରେ ପହଞ୍ଚିଛି । ଏହି ଟିମ୍ ଗାବା ଠାରୁ ପ୍ରାୟ ୪ କିଲୋମିଟର ଦୂରରେ ଥିବା ଏକ ପାଞ୍ଚ ତାରକା ହୋଟେଲରେ ରହିଛନ୍ତି । କିନ୍ତୁ ଖବର ଅନୁଯାୟୀ ଟିମ୍ ଇଣ୍ଡିଆ ହୋଟେଲରେ ମୌଳିକ ସୁବିଧା ପାଇପାରୁ ନାହିଁ ।

ଟାଇମ୍ସ ଅଫ୍ ଇଣ୍ଡିଆ ରିପୋର୍ଟ ଅନୁଯାୟୀ ଟିମ୍ ଇଣ୍ଡିଆ ସହିତ ଯାତ୍ରା କରୁଥିବା ଜଣେ ସଦସ୍ୟ କହିଛନ୍ତି ଯେ ଆମେ କୋଠରୀରେ ବନ୍ଦୀ ରହିଛୁ । ଆମେ ନିଯେ ନିଜର ଶଯ୍ୟା ସ୍ଥାପନ କରୁଛୁ ଓ ନିଜେ ଶୌଚାଳୟ ସଫା କରୁଛୁ । ନିକଟସ୍ଥ ଭାରତୀୟ ରେସ୍ତୋରାଁରୁ ଖାଦ୍ୟ ମଧ୍ୟ ଆସୁଛି । ଆମେ ଫ୍ଲୋରରୁ କୌଣସି ସ୍ଥାନକୁ ଯାଇପାରିବୁ ନାହିଁ । ସଦସ୍ୟ କହିଛନ୍ତି ଯେ ପୂରା ହୋଟେଲ ଖାଲି ଅଛି । ତଥାପି ଆମେ ସୁଇମିଂ ପୁଲ୍ ଓ ଜିମ୍ ସହିତ ହୋଟେଲର କୌଣସି ସୁବିଧା ବ୍ୟବହାର କରିପାରିବୁ ନାହିଁ । ହୋଟେଲର ସମସ୍ତ କାଫେ ଓ ରେସ୍ତୋରାଁ ମଧ୍ୟ ବନ୍ଦ ରହିଛି ।

ସୂତ୍ରରୁ କହିଛି ଯେ ସୁବିଧା ବିଷୟରେ ଦିଆଯାଇଥିବା ପ୍ରତିଶ୍ରୁତିଗୁଡ଼ିକରେ ଯାହା ଘଟିଲା ଓ ଆମେ ଏଠାରେ ଯାହା ପାଇଛୁ ତାହା ଦୁଇଟି ବିପରୀତ ଜିନିଷ । ଯାତ୍ରା ପୂର୍ବରୁ ଅନେକ କଥା କୁହାଯାଇଥିଲା । କୁହାଯାଇଥିଲା ଯେ, ବାଧ୍ୟତାମୂଳକ କ୍ଵାରାଣ୍ଟାଇନ୍ ସମାପ୍ତ ହେବା ପରେ ଖେଳାଳିଙ୍କ ପାଇଁ ଜିନିଷ ସହଜ ହେବ । ଆବଶ୍ୟକ ସୁବିଧା ଇତ୍ୟାଦି ଦିଆଯିବ ଓ ବର୍ତ୍ତମାନ ଆମକୁ ନିଜ ବେଡ୍ ସେଟ୍ କରି ବିଶ୍ରାମ ଗୃହ ସଫା କରିବାକୁ କୁହାଯାଇଛି । ଯେତେବେଳେ ଅଷ୍ଟ୍ରେଲିଆ ଦଳ ଭାରତକୁ ଆସେ ବିସିସିଆଇ ସେମାନଙ୍କୁ ସମାନ ବ୍ୟବହାର କରେ କି?