IND VS AUS: ସେନ ୱାର୍ନ ଟି-ନାଟାରାଜନଙ୍କ ଉପରେ କଲେ ସ୍ପଟ୍ ଫିକ୍ସିର ସନ୍ଦେହ; ଦେଲେ ବିବାଦିତ ବୟାନ

ଅଷ୍ଟ୍ରେଲିଆର ପୂର୍ବତନ ଲେଗ-ସ୍ପିନର ସେନ ୱାର୍ନ ନିଜର ବିବାଦୀୟ ବୟାନ ଯୋଗୁଁ ଅନେକ ସମୟରେ ଚର୍ଚ୍ଚାରେ ରହିଥାନ୍ତି । ବର୍ତ୍ତମାନ ସେ ଇସାରା ମାଧ୍ୟମରେ ନାଟାରାଜନଙ୍କ ଉପରେ ଏକ ଗୁରୁତର ଅଭିଯୋଗ ଆଣିଛନ୍ତି ।

IND VS AUS: ସେନ ୱାର୍ନ ଟି-ନାଟାରାଜନଙ୍କ ଉପରେ କଲେ ସ୍ପଟ୍ ଫିକ୍ସିର ସନ୍ଦେହ; ଦେଲେ ବିବାଦିତ ବୟାନ
ସେନ ୱାର୍ନ ଟି-ନାଟାରାଜନଙ୍କ ଉପରେ କଲେ ସ୍ପଟ୍ ଫିକ୍ସିର ସନ୍ଦେହ
  • News18 Odia
  • Last Updated: January 18, 2021, 3:52 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ନୂଆ ଦିଲ୍ଲୀ: ଅଷ୍ଟ୍ରେଲିଆର ପୂର୍ବତନ ଲେଗ-ସ୍ପିନର ସେନ ୱାର୍ନ ବ୍ରିସବେନ ଟେଷ୍ଟର ଚତୁର୍ଥ ଦିନରେ ଏପରି କିଛି କଥା କହିଛନ୍ତି ଯାହା ଶୁଣି କୌଣସି ଭାରତୀୟ ପ୍ରଶଂସକ ତାଙ୍କୁ କ୍ଷମା କରି ପାରିବେ ନାହିଁ । ସେନ ୱାର୍ନ ଇସାରା ମାଧ୍ୟମରେ ଟି-ନାଟାରାଜନଙ୍କୁ (T Natrajan) ଟିମ୍ ଇଣ୍ଡିଆର ବୋଲିଂ ସମୟରେ ସ୍ପଟ୍ ଫିକ୍ସିଂ କରିଥିବା ଅଭିଯୋଗ କରିଛନ୍ତି । ଅଷ୍ଟ୍ରେଲୀୟ ଚ୍ୟାନେଲରେ କମେଣ୍ଟ୍ରି କରୁଥିବା ସମୟରେ ଟି ନାଟାରାଜନଙ୍କ ଦ୍ୱାରା କରାଯାଇଥିବା ବୋଲିଂକୁ ନେଇ ସେନ ୱାର୍ନ ସନ୍ଦେହ ପ୍ରକାଶ କରିଛନ୍ତି । ବ୍ରିସବେନ୍ ଟେଷ୍ଟ ସମୟରେ ଟି ନାଟରାଜନ୍ ୭ଟି ନୋ ବଲ୍ ପକାଇଥିଲେ ଓ ଏହି ବଲ୍ ଗୁଡିକୁ ନେଇ ସେନ ୱାର୍ନ ବହୁ ବିବାଦୀୟ କଥା କହିଛନ୍ତି । ଦ୍ୱିତୀୟ ଇନିଂସରେ ଭାରତୀୟ ବୋଲିଂ ସମୟରେ କମେଣ୍ଟ୍ରି କରୁଥିବା ସେନ ୱାର୍ନ ଏଲେନ ବର୍ଡରଙ୍କୁ କହିଛନ୍ତି ଯେ ଟି ନାଟାରାଜନ ଦ୍ୱାରା କରାଯାଇଥିବା ସମସ୍ତ ୭ଟି ନୋ ବଲ ମଧ୍ୟରୁ ୭ଟି ଯାକ ଓଭରର ପ୍ରଥମ ବଲରେ କରିଥିଲେ ।

ସେନ ୱାର୍ନ କହିଛନ୍ତି, 'ଟି ନାଟାରାଜନଙ୍କ ବୋଲିଂରେ ମୁଁ କିଛି ଅଲଗା ଦେଖିବାକୁ ପାଉଛି । ନଟରାଜନ୍ ୭ଟି ନୋ ବଲ୍ ପକାଇଛନ୍ତି ଓ ଏସବୁ ବହୁତ ବଡ ନୋ ବଲ । ଏଥିମଧ୍ୟରୁ ପାଞ୍ଚଟି ନୋ ବଲ୍ ପ୍ରଥମ ବଲରେ ଆସିଛି ଓ ତାଙ୍କ ଗୋଡ କ୍ରିଜରୁ ବହୁତ ବାହାରେ ଦେଖାଯାଉଥିଲା । ଆମେ ସମସ୍ତେ ଅନେକ ନୋ ବଲ ପକାଇଛୁ କିନ୍ତୁ ପ୍ରତ୍ୟକ ଓଭର ପ୍ରଥମ ବଲରେ ୫ଟି ନୋ ବଲ ପକାଇବା ଅତ୍ୟନ୍ତ କୌତୁହଳପୂର୍ଣ୍ଣ ।

ସେନ ୱାର୍ନ ଇସାରା ମାଧ୍ୟମରେ ଟି ନାଟାରାଜନଙ୍କୁ ପାକିସ୍ତାନୀ ଦ୍ରୁତ ବୋଲର ମହମ୍ମଦ ଆମିରଙ୍କ ସହ ତୁଳନା କରୁଛନ୍ତି । ଯିଏ ୨୦୧୦ ଲର୍ଡସ୍ ଟେଷ୍ଟ ସମୟରେ ବହୁତ ବଡ଼ ନୋ ବଲ ପକାଇ ଥିଲେ । ଏହା ପରେ ମହମ୍ମଦ ଆମିର ସ୍ପଟ୍ ଫିକ୍ସିଂରେ ଦୋଷୀ ସାବ୍ୟସ୍ତ ହୋଇଥିଲେ ।

ନଟରାଜନ୍ କଲେ ଟେଷ୍ଟ ଡେବ୍ୟୁ
ଟି ନାଟାରାଜନ ବ୍ରିସବେନ ଟେଷ୍ଟରେ ନିଜର ଟେଷ୍ଟ ଡେବ୍ୟୁ କରିଛନ୍ତି । ପ୍ରଥମ ଇନିଂସରେ ନଟରାଜନ୍ ୩ଟି ୱିକେଟ୍ ନେଇଥିଲେ । ବ୍ରିସବେନ୍ ଟେଷ୍ଟରେ ଓପନିଂ ବୋଲର ଭାବରେ ନାଟାରାଜନ ଡେବ୍ୟୁ କରିଥିଲେ ଓ ମାଥ୍ୟୁ ୱେଡଙ୍କୁ ପ୍ରଥମ ଶିକାର କରିଥିଲେ । ଏହା ପରେ ସେ ପ୍ରଥମ ଇନିଂସରେ ଶତକ ହାସଲ କରିଥିବା ମାର୍ନୁସ ଲାବୁଶେନଙ୍କ ୱିକେଟ୍ ମଧ୍ୟ ନେଇଥିଲେ । ଏହି ଗସ୍ତରେ ନଟରାଜନ୍ ODI ଓ ଟି -୨୦ ଡେବ୍ୟୁ ମଧ୍ୟ କରିଥିଲେ । ସେ ଗୋଟିଏ ODI ରେ ଦୁଇଟି ୱିକେଟ୍ ନେଇଥିଲେ ଓ ଟି -୨୦ ସିରିଜର ତିନୋଟି ମ୍ୟାଚ୍ ରେ ସେ ତିନିଟି ୱିକେଟ୍ ନେଇଥିଲେ ।
Published by: Jagdish Barik
First published: January 18, 2021, 3:52 PM IST