ଶକ୍ତିକ୍ଷେତ୍ରରେ ପୁଞ୍ଜି ବିନିଯୋଗ କରିବା ପାଇଁ ଭାରତ ହେଉଛି ସୁରକ୍ଷିତ ସ୍ଥାନ - ପିଏମ୍ ମୋଦି

News 18 Odia Digital

ନୂଆଦିଲ୍ଲୀ; ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Narendra Modi ) ସୋମବାର କର୍ଣ୍ଣାଟକର ରାଜଧାନୀ ବେଙ୍ଗାଲୁରୁରେ ଆୟୋଜିତ ଭାରତ ଶକ୍ତି ସପ୍ତାହକୁ ସମ୍ବୋଧିତ କରିଛନ୍ତି। ପ୍ରଧାନମନ୍ତ୍ରୀ ମୋଦି ଭାରତ ଶକ୍ତି ସପ୍ତାହକୁ ଉଦ୍ଘାଟନ କରିଥିଲେ ଓ ଏହି ଅବସରରେ ଶକ୍ତି କ୍ଷେତ୍ର ସମ୍ବନ୍ଧରେ ଉପସ୍ଥାପିତ ବଜେଟରେ ନିଆଯାଇଥିବା ପଦକ୍ଷେପ ଉପରେ ଆଲୋକପାତ କରିଥିଲେ ଓ ୨୦୧୪ ରୁ ବର୍ତ୍ତମାନ ପର୍ଯ୍ୟନ୍ତ ଗତ ନଅ ବର୍ଷର ସଫଳତାକୁ ମଧ୍ୟ ବର୍ଣ୍ଣନା କରିଥିଲେ। ଦେଶର ଅର୍ଥନୀତିର ଦ୍ରୁତ ଅଭିବୃଦ୍ଧି ହେଉଥିବା ପ୍ରଧାନମନ୍ତ୍ରୀ ମୋଦି ଦାବି କରିଛନ୍ତି ଏବଂ ଏଥିପାଇଁ ବଜେଟରେ (Budget) ନିଆଯାଇଥିବା ପଦକ୍ଷେପ ଉପରେ ମଧ୍ୟ ଆଲୋଚନା କରିଛନ୍ତି।

ଶକ୍ତିକ୍ଷେତ୍ରରେ ପୁଞ୍ଜି ବିନିଯୋଗ ପାଇଁ ସେ ଭାରତକୁ ବିଶ୍ୱର ସବୁଠାରୁ ସୁରକ୍ଷିତ ଦେଶ ବୋଲି ବର୍ଣ୍ଣନା କରିଛନ୍ତି । ମହାମାରୀ ଓ ଯୁଦ୍ଧର ପ୍ରଭାବ ସତ୍ତ୍ୱେ ୨୦୨୨ ମସିହାରେ ଭାରତ ଏକ ଗ୍ଲୋବାଲ ବ୍ରାଇଟ ସ୍ପଟ୍ ହୋଇସାରିଛି । ସେ କହିଛନ୍ତି ଯେ ବାହ୍ୟ ପରିସ୍ଥିତି ଯାହା ହେଉନା କାହିଁକି ଆଭ୍ୟନ୍ତରୀଣ ସ୍ଥିରତା ହେତୁ ଭାରତ ପ୍ରତ୍ୟେକ ଆହ୍ବାନକୁ ଦୂର କରିପାରିଛି। ପିଏମ ମୋଦି ଏହା ମଧ୍ୟ କହିଛନ୍ତି ଯେ ଏହା ପଛରେ ଏକାଧିକ କାରଣ କାମ କରିଛି। ପ୍ରଥମ ସ୍ଥିର ସରକାର, ଦ୍ୱିତୀୟ ସ୍ଥାୟୀ ସଂସ୍କାର ଏବଂ ତୃଣମୂଳ ଶକ୍ତି ସାମାଜିକ-ଅର୍ଥନୈତିକ ସଶକ୍ତିକରଣ ।

ଏହି ଖବର ପଢ଼ନ୍ତୁ - http://ପିଣ୍ଟୁଙ୍କ ନିକଟରେ ପହଞ୍ଚିଲେ ଆକାଶ ଦାସନାୟକ; ଜାଣନ୍ତୁ କଣ କହିଲେ ଆକାଶ

ପ୍ରଧାନମନ୍ତ୍ରୀ ମୋଦି କହିଛନ୍ତି , ଆଜି ଭାରତରେ କୋଟି କୋଟି ଲୋକଙ୍କ ଜୀବନଶୈଳୀରେ ପରିବର୍ତ୍ତନ ଆସିଛି। ସେ କହିଛନ୍ତି ଯେ, ଆଜି କୋଟି କୋଟି ଲୋକ ଦାରିଦ୍ର୍ୟରୁ ବାହାରି ମଧ୍ୟବିତ୍ତ ସ୍ତରରେ ପହଞ୍ଚିଛନ୍ତି। ପ୍ରଧାନମନ୍ତ୍ରୀ ମୋଦି ଶକ୍ତି କ୍ଷେତ୍ର ସମ୍ପର୍କରେ ସରକାରଙ୍କ ରଣନୀତି ବିଷୟରେ ମଧ୍ୟ କହିଛନ୍ତି। ସେ କହିଛନ୍ତି ଯେ, ଏହାର ଚାରୋଟି ଗୁରୁତ୍ୱପୂର୍ଣ୍ଣ ଦିଗ ଅଛି । ପ୍ରଥମେ, ଘରୋଇ ଅନୁସନ୍ଧାନ ଓ ଉତ୍ପାଦନ ବୃଦ୍ଧି, ଯୋଗାଣର ବିବିଧକରଣ, ବିକଳ୍ପ ଶକ୍ତି ଉତ୍ସର ବିସ୍ତାର ଯେପରିକି ଜୈବ ଇନ୍ଧନ, ଇଥାନଲ, ସଙ୍କୋଚିତ ବାୟୋ ଗ୍ୟାସ୍ ଏବଂ ସୌର, ଓ ଚତୁର୍ଥ, ବୈଦ୍ୟୁତିକ ଯାନ ଏବଂ ହାଇଡ୍ରୋଜେନ ।

ସେ କହିଛନ୍ତି ଯେ, ୨୦୩୦ ସୁଦ୍ଧା ଆମର ଶକ୍ତି ମିଶ୍ରଣରେ ପ୍ରାକୃତିକ ଗ୍ୟାସ ବ୍ୟବହାର ବୃଦ୍ଧି ପାଇଁ ଆମେ ମିଶନ ମୋଡରେ ମଧ୍ୟ କାର୍ଯ୍ୟ କରୁଛୁ। ଗ୍ରୀନ ହାଇଡ୍ରୋଜେନ କ୍ଷେତ୍ରରେ ଭାରତ ଅଗ୍ରଣୀ ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି ଓ ଏକବିଂଶ ଶତାବ୍ଦୀର ଭାରତକୁ ଜାତୀୟ ଗ୍ରୀନ ହାଇଡ୍ରୋଜେନ ମିଶନ ଏକ ନୂତନ ଦିଗ ଦେବ। ସେ କହିଛନ୍ତି ଯେ ୨୦୧୪ ପରଠାରୁ ଗ୍ରୀନ ଏନର୍ଜକୁ ନେଇ ଭାରତର ପ୍ରତିଶ୍ରୁତି ଓ ପ୍ରୟାସ ସମଗ୍ର ବିଶ୍ୱ ଦେଖୁଛି ।