IND vs AUS: ଭାରତ ଦ୍ୱିତୀୟ ଟି -୨୦ ରେ ଅଷ୍ଟ୍ରେଲିଆକୁ ୬ ୱିକେଟରେ ପରାସ୍ତ କଲା; ସିରିଜ ଜିତିଲା

ଭାରତ ଓ ଅଷ୍ଟ୍ରେଲିଆ (India vs Australia) ମଧ୍ୟରେ ତିନି ମ୍ୟାଚ୍ ବିଶିଷ୍ଟ ସିରିଜର ଦ୍ୱିତୀୟ ଟି -୨୦ ମ୍ୟାଚ ସିଡନୀ କ୍ରିକେଟ୍ ଗ୍ରାଉଣ୍ଡରେ (SCG) ଖେଳାଯାଇଥିଲା । ଏହି ମ୍ୟାଚରେ ଭାରତୀୟ ଅଧିନାୟକ ବିରାଟ କୋହଲି ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ ।

IND vs AUS: ଭାରତ ଦ୍ୱିତୀୟ ଟି -୨୦ ରେ ଅଷ୍ଟ୍ରେଲିଆକୁ ୬ ୱିକେଟରେ ପରାସ୍ତ କଲା; ସିରିଜ ଜିତିଲା
ଭାରତ ଦ୍ୱିତୀୟ ଟି -୨୦ ରେ ଅଷ୍ଟ୍ରେଲିଆକୁ ୬ ୱିକେଟରେ ପରାସ୍ତ କଲା
  • News18 Odia
  • Last Updated: December 6, 2020, 5:50 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ନୂଆ ଦିଲ୍ଲୀ: ଭାରତ ଓ ଅଷ୍ଟ୍ରେଲିଆ (India vs Australia) ମଧ୍ୟରେ ତିନି ମ୍ୟାଚ୍ ବିଶିଷ୍ଟ ସିରିଜର ଦ୍ୱିତୀୟ ଟି-୨୦ ସିଡନୀ କ୍ରିକେଟ୍ ଗ୍ରାଉଣ୍ଡରେ (SCG) ଖେଳାଯାଇଥିଲା । ଏହି ମ୍ୟାଚରେ ଭାରତୀୟ ଅଧିନାୟକ ବିରାଟ କୋହଲି ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ । ପ୍ରଥମେ ବ୍ୟାଟିଂ କରି ଅଷ୍ଟ୍ରେଲୀୟ ଦଳର କେୟାରଟେକର ଅଧିନାୟକ ମାଥ୍ୟୁ ୱେଡଙ୍କ ଅର୍ଦ୍ଧଶତକୀୟ ଇନିଂସ ବଳରେ ଭାରତ ବିପକ୍ଷରେ ପାଞ୍ଚଟି ୱିକେଟ ହରାଇ ୧୯୪ ରନ କରିବାରେ ସକ୍ଷମ ହୋଇଥିଲା । ଏହାର ଜବାବରେ ଭାରତୀୟ ଦଳ ୧୯.୪ ଓଭରରେ ଚାରିଟି ୱିକେଟ୍ ହରାଇ ୧୯୫ ରନ୍ ସଂଗ୍ରହ କରି ୬ ୱିକେଟରେ ଏହି ମ୍ୟାଚକୁ ଜିତି ନେଇଥିଲା । ଏହା ସହ ଭାରତ ଟି -୨୦ ସିରିଜରେ ୨-୦ ରେ ଅଗ୍ରଣୀ ହାସଲ କରିଛି ।

ମାଥ୍ୟୁ ୱେଡ ଏକ ଅର୍ଦ୍ଧଶତକୀୟ ଇନିଂସ ଖେଳିଥିଲେ
ଆହତ ଆରୋନ ଫିଞ୍ଚଙ୍କ ଅନୁପସ୍ଥିତିରେ ଦଳର ନେତୃତ୍ୱ ନେଉଥିବା ୱେଡ ୩୨ ବଲରୁ ୫୮ ସ୍କୋର କରିଥିବାବେଳେ ଷ୍ଟିଭ ସ୍ମିଥ ୩୮ ବଲରୁ ୪୬ ରନ୍ କରିଥିଲେ । ବୋଲିଂରେ ଟି ନାଟାରାଜନ ତାଙ୍କ ଚାରି ଓଭରରେ ୨୦ ରନ୍ ପାଇଁ ଦୁଇଟି ୱିକେଟ୍ ନେଇଥିଲେ । ମଧ୍ୟମ ଓଭରରେ ଭାରତ ଜବରଦସ୍ତ ବୋଲିଂ କରିଥିଲା । କିନ୍ତୁ ଏହା ପରେ ଅଷ୍ଟ୍ରେଲିଆ ପାଞ୍ଚ ଓଭରରେ ୬୨ ରନ୍ ଯୋଡିଥିଲା । ୱେଡ ଅଷ୍ଟ୍ରେଲିୟ ଇନିଂସ ଶୀଘ୍ର ଆରମ୍ଭ କରିଥିଲେ । ୟୁଜବେନ୍ଦ୍ର ଚହଲଙ୍କୁ ଛାଡି ସେ ଭାରତର କମ ଅନୁଭବୀ ବୋଲରଙ୍କୁ ୧୦ଟି ଚୌକା ଓ ଗୋଟିଏ ଛକା ମାରିଥିଲେ । ୱେଡ ପ୍ରଥମ ଓଭରରେ ଦୀପକ ଚହରଙ୍କୁ ତିନୋଟି ଚୌକା ସହ ୧୩ ରନ ସ୍କୋର କରିଥିଲେ ।

ମାଥ୍ୟୁ ୱେଡ ଭାରତୀୟ ବୋଲରଙ୍କୁ ଜୋରଦାର ଚୌକା ଓ ଛକା ମାରିଥିଲେ
ଦ୍ୱିତୀୟ ଓଭରରେ ଅଫ୍ ସ୍ପିନର ୱାଶିଂଟନ୍ ସୁନ୍ଦର ବଲ୍କୁ ସେ ଛକା ମାରିଥିଲେ । ଇନ୍-ଫର୍ମ ୱେଡ୍ ଶାର୍ଦ୍ଦୁଲ ଠାକୁରଙ୍କୁ ଚୌକା ମାରି ସ୍ୱାଗତ କରିଥିଲେ । ଚତୁର୍ଥ ଓଭରରେ ସୁନ୍ଦର ୧୫ ରନ୍ ଦେଇଥିଲେ ଓ ପରେ ୱେଡ ଠାକୁରଙ୍କ ଓଭରରେ ୧୨ ରନ୍ ଯୋଡି ଆୟୋଜକ ସିଡନୀ କ୍ରିକେଟ୍ ଗ୍ରାଉଣ୍ଡରେ ଷଷ୍ଠ ଓଭରରେ ୫୦ ରନ୍ ପୂରଣ କରିଥିଲେ । ନଟରାଜନ ଚମତ୍କାର ବୋଲିଂ କରି ଅଷ୍ଟ୍ରେଲିଆର ଡାର୍ସି ସର୍ଟଙ୍କ ୱିକେଟ୍ ନେବା ସହିତ ଭାରତକୁ ପ୍ରଥମ ସଫଳତା ଦେଇଥିଲେ ।

ବିରାଟଙ୍କ କ୍ୟାଚ୍ ଛାଡିବା ପରେ ମାଥ୍ୟୁ ୱେଡ୍ ରନ ଆଉଟ୍ ହୋଇଥିଲେ
ୱେଡଙ୍କ ଦ୍ରୁତ ଗତିରେ ବ୍ୟାଟିଂ ଜାରି ରହିଥିଲା ​​ଓ ସେ ଅର୍ଦ୍ଧଶତକ ହାସଲ କରି ମାତ୍ର ୨୫ଟି ବଲରେ ଚହଲଙ୍କ ବଲରୁ ଚାରିଟି ଛକା ମାରିଥିଲେ । କିନ୍ତୁ କାର୍ଯ୍ୟନିର୍ବାହୀ ଅଧିନାୟକ ଏକ ଆକର୍ଷଣୀୟ ଢ଼ଙ୍ଗରେ ଆଉଟ୍ ହୋଇଥିଲେ । ଭାରତୀୟ ଅଧିନାୟକ ବିରାଟ କୋହଲି କଭରରେ ସହଜ କ୍ୟାଚ୍ ଛାଡି ଦେଇଥିଲେ କିନ୍ତୁ ୱେଡ୍ ଅନ୍ୟ ପଟକୁ ଦୌଡିବାକୁ ଲାଗିଥିଲେ କିନ୍ତୁ ଷ୍ଟିଭ୍ ସ୍ମିଥଙ୍କ ସହଯୋଗ ମିଳିନଥିଲା । ଏହି କାରଣରୁ କୋହଲି ୱିକେଟ୍ କିପର ଲୋକେଶ ରାହୁଲଙ୍କୁ ବୋଲିଂ ଫିଙ୍ଗି ୱେଡଙ୍କୁ ରନ ଆଉଟ୍ କରିଦେଇଥିଲେ । ଏହାପୂର୍ବରୁ ହାର୍ଦ୍ଦିକ ପାଣ୍ଡ୍ୟା ମଧ୍ୟ ୱେଡଙ୍କ କ୍ୟାଚ୍ ଛାଡିଥିଲେ ।

ସ୍ମିଥ୍ ମ୍ୟାକ୍ସୱେଲ ଏବଂ ହେନ୍ରିଚଙ୍କ ସହ ସହଭାଗୀ ହୋଇଥିଲେ
ସ୍ମିଥ୍ ଓ ଗ୍ଲେନ୍ ମ୍ୟାକ୍ସୱେଲ ଚୌକା ଓ ଛକା ମାରି ଇନିଂସ ଆଗକୁ ବଢ଼ାଇ ଥିଲେ । ମ୍ୟାକ୍ସୱେଲ ଚହଲ ଦୁଇଟି ଛକା ମାରିଥିଲେ ମଧ୍ୟ ଶାର୍ଦ୍ଦୁଲ ଠାକୁରଙ୍କ ଶିକାର ହୋଇଥିଲେ । ଏହା ପରେ ମୋଇସ୍ ହେନ୍ରିକ୍ସ କ୍ରିଜରେ ଥିଲେ । ସେ ସ୍ମିଥ୍ ଆଉଟ ହେବାପରେ ନିଜ ଆକ୍ରମଣାତ୍ମକ ପାରି ବଜାୟ ରଖିଥିଲେ ।
Published by: Jagdish Barik
First published: December 6, 2020, 5:50 PM IST
corona virus btn
corona virus btn
Loading