ମୋର ମୃତ୍ୟୁ ହେଲେ, ଷଡ଼ଯନ୍ତ୍ରର ଭିଡ଼ିଓ ସାର୍ବଜନୀନ ହେବ...ଚେତାବନୀ ଦେଲେ ଇମ୍ରାନ

News18 Odia Digital

ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ଅଭିଯୋଗ କରିଛନ୍ତି ଯେ ପାକିସ୍ତାନ ତଥା ବିଦେଶର କିଛି ଲୋକ ତାଙ୍କୁ ହତ୍ୟା କରିବା ପାଇଁ ଷଡ଼ଯନ୍ତ୍ର କରୁଛନ୍ତି। ସେ ଏହା ମଧ୍ୟ କହିଛନ୍ତି ଯେ ଯଦି ତାଙ୍କ ସହ କିଛି ଘଟେ ତେବେ ସେ ଦ୍ୱାରା ରେକର୍ଡ଼ କରିଥିବା ଏକ ଭିଡ଼ିଓ ବାର୍ତ୍ତା ସାର୍ବଜନୀନ କରିବେ। ଯାହା ଫଳରେ ଲୋକମାନେ ଅପରାଧୀଙ୍କ ବାବଦରେ ଜାଣିପାରିବେ।

ପଞ୍ଜାବର ସିଆଲକୋଟରେ ଏକ ବଡ଼ ରାଲିରେ ଯୋଗ ଦେଇ ଖାନ କହିଛନ୍ତି ଯେ ଏହି ଷଡ଼ଯନ୍ତ୍ର ବିଷୟରେ ସେ କିଛି ଦିନ ପୂର୍ବରୁ ଜାଣିଥିଲେ। ତାଙ୍କୁ ହତ୍ୟା କରିବାର ଷଡ଼ଯନ୍ତ୍ର ସମ୍ପର୍କରେ ସେ ଏକ ଭିଡ଼ିଓ ରେକର୍ଡ କରି ଏକ ସୁରକ୍ଷିତ ସ୍ଥାନରେ ରଖିଛନ୍ତି ବୋଲି ପିଟିଆଇ ସଭାପତି କହିଛନ୍ତି। ଏହି ଭିଡ଼ିଓରେ ସେ ତାଙ୍କ ସରକାରକୁ ହଟାଇବା ପାଇଁ ଷଡ଼ଯନ୍ତ୍ର ପଛରେ ଥିବା ପ୍ରତ୍ୟେକ ଚରିତ୍ର ବିଷୟରେ ଉଲ୍ଲେଖ କରିଛନ୍ତି।

ବନ୍ଦ କୋଠରୀରେ ଷଡ଼ଯନ୍ତ୍ର ହେଉଛି

ରାଲିରେ ଇମ୍ରାନ ଖାନ କହିଛନ୍ତି, 'ମୋ ଜୀବନ ନେବାକୁ ଷଡ଼ଯନ୍ତ୍ର ଚାଲିଛି। ଏହି ଷଡ଼ଯନ୍ତ୍ର ବିଷୟରେ ମୁଁ କିଛି ଦିନ ପୂର୍ବରୁ ଜାଣିଲି। ଦେଶ ତଥା ବିଦେଶର ବନ୍ଦ କୋଠରୀରେ ମୋ ବିରୁଦ୍ଧରେ ଏକ ଷଡ଼ଯନ୍ତ୍ର ଚାଲିଛି। ଏହି ଷଡ଼ଯନ୍ତ୍ର ବିଷୟରେ ମୁଁ ଏକ ଭିଡ଼ିଓ ରେକର୍ଡ଼ କରିଛି, ଯେଉଁଥିରେ ସମ୍ପୃକ୍ତ ସମସ୍ତ ବ୍ୟକ୍ତିଙ୍କ ନାମ ଦିଆଯାଇଛି। ଯଦି ମୋ ସହିତ କିଛି ଘଟେ, ଲୋକମାନେ ଜାଣିବେ ଏହି ଷଡ଼ଯନ୍ତ୍ର ପଛରେ କିଏ ଅଛନ୍ତି।

"ମୁଁ କେବଳ ଆଲ୍ଲାଙ୍କୁ ଭୟ କରେ"

ତାଙ୍କ ସରକାରକୁ ହଟିଯିବା ପାଇଁ ଇମ୍ରାନ ଖାନ ଆମେରିକାକୁ ଦାୟୀ କରିଛନ୍ତି।  ଇମ୍ରାନ କହିଛନ୍ତି ଯେ ସେ ସାମରିକ ପ୍ରତିଷ୍ଠାନକୁ ହସ୍ତକ୍ଷେପ କରି ତାଙ୍କ ସରକାରକୁ ବଞ୍ଚାଇବାକୁ କହିଛନ୍ତି କିନ୍ତୁ ଏହା କିଛି କରି ନାହିଁ। ସେ କହିଛନ୍ତି, 'ଆମେ ଭବିଷ୍ୟ‌ଦ୍‌ବକ୍ତାଙ୍କ ଅନୁଗାମୀ ଇ ଆମେ କୌଣସି ମହାଶକ୍ତି ନିକଟରେ ମୁଣ୍ଡ ନୁଆଁଇବୁ ନାହିଁ। ଆଲ୍ଲା ବ୍ୟତୀତ ଆମେ କାହାକୁ ଭୟ କରୁନାହୁଁ .. '

ଇମ୍ରାନଙ୍କ ଚେତାବନୀ

ତାଙ୍କର ରାଜନୈତିକ ପ୍ରତିଦ୍ୱନ୍ଦ୍ୱୀମାନଙ୍କୁ ନେଇ ସେ ଶାହାବାଜ ସରିଫ, ପିପିପିର ଆସିଫ ଅଲି ଜରଦାରୀ ଏବଂ JUI-F ର ମୋୖଲାନା ଫଜଲୁର ରେହମାନଙ୍କୁ ସେମାନଙ୍କ ସ୍ୱାଧୀନତା ଆନ୍ଦୋଳନରେ କୌଣସି ପ୍ରତିବନ୍ଧକ ସୃଷ୍ଟି ନକରିବାକୁ ଚେତାବନୀ ଦେଇଛନ୍ତି। ଇମ୍ରାନ ଖାନ ଖାନ ଇସଲାମାବାଦରେ ଏକ ବଡ଼ ପଦଯାତ୍ରା ଘୋଷଣା କରିସାରିଛନ୍ତି। ସେ କହିଛନ୍ତି ଯେ ମେ ୨୦ ପରେ ପଦଯାତ୍ରାର ତାରିଖ ସାର୍ବଜନୀନ କରାଯିବ।