ଭଲ ଖବର! ICICI ଓ Flipkart ନିଜ କର୍ମଚାରୀଙ୍କୁ ମାଗଣାରେ ଲଗାଇବ କରୋନା ଟିକା

ଆଇସିଆଇସିଆଇ ବ୍ୟାଙ୍କ (ICICI Bank) ଓ ଫ୍ଲିପକାର୍ଟ (Flipkart) ଆଜି ନିଜ କର୍ମଚାରୀଙ୍କ ପାଇଁ ଏକ ଭଲ ଖବର ଘୋଷଣା କରିଛନ୍ତି । ଏହି କମ୍ପାନୀମାନେ କହିଛନ୍ତି ଯେ ସେମାନେ ନିଜ ତରଫରୁ କୋଭିଡ-୧୯ ଟିକାକୁ ଏହାର କର୍ମଚାରୀ ଓ ତାଙ୍କ ପରିବାର ସଦସ୍ୟଙ୍କୁ ମାଗଣାରେ ଦେବେ ।

ଭଲ ଖବର! ICICI ଓ Flipkart ନିଜ କର୍ମଚାରୀଙ୍କୁ ମାଗଣାରେ ଲଗାଇବ କରୋନା ଟିକା
CICI ଓ Flipkart ନିଜ କର୍ମଚାରୀଙ୍କୁ ମାଗଣାରେ ଲଗାଇବ କରୋନା ଟିକା
  • News18 Odia
  • Last Updated: March 10, 2021, 4:20 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ଭଲ ଖବର! ପ୍ରାଇଭେଟ ବ୍ୟାଙ୍କ ଆଇସିଆଇସିଆଇ (ICICI Bank) ଓ ଫ୍ଲିପକାର୍ଟ (Flipkart) ଆଜି ନିଜ କର୍ମଚାରୀଙ୍କ ପାଇଁ ଏକ ଭଲ ଖବର ଘୋଷଣା କରିଛନ୍ତି । ଏହି କମ୍ପାନୀମାନେ କହିଛନ୍ତି ଯେ ସେମାନେ ନିଜ ତରଫରୁ କୋଭିଡ-୧୯ ଟିକାକୁ ଏହାର କର୍ମଚାରୀ ଓ ତାଙ୍କ ପରିବାର ସଦସ୍ୟଙ୍କୁ ମାଗଣାରେ ଦେବେ । ଏପର୍ଯ୍ୟନ୍ତ ଅନେକ କମ୍ପାନୀ ଏହି ନିଷ୍ପତ୍ତି ନେଇ ସାରିଛନ୍ତି । ଯେଉଁ ତାଲିକାର ନୂଆ ନାମ ଭାବେ ଫ୍ଲିପକାର୍ଟ ଓ ଆଇସିଆଇସିଆଇ ବ୍ୟାଙ୍କ ସାମିଲ ହୋଇଛନ୍ତି । କମ୍ପାନୀ କହିଛି ଯେ ପରବର୍ତ୍ତୀ ପର୍ଯ୍ୟାୟ ପାଇଁ ଆମେ ସରକାରଙ୍କ ନିଷ୍ପତ୍ତିକୁ ଅପେକ୍ଷା କରିଛୁ ।

ଏହି ପଦକ୍ଷେପର ଉଦ୍ଦେଶ୍ୟ ହେଉଛି ଏହାର କର୍ମଚାରୀ ଓ ସେମାନଙ୍କ ନିର୍ଭରଶୀଳ ପରିବାର ସଦସ୍ୟଙ୍କ ଜୀବନକୁ କୋଭିଡ -୧୯ ମହାମାରୀରୁ ରକ୍ଷା କରିବା । ଏହି ଉପାୟରେ ବ୍ୟାଙ୍କ ମଧ୍ୟ ଏହାର କର୍ମଚାରୀମାନଙ୍କୁ କୃତଜ୍ଞତା ଜଣାଇବାକୁ ଇଚ୍ଛା କରିଛି । ଯେଉଁମାନେ ମହାମାରୀ ସମୟରେ ଲକ୍ଷ ଲକ୍ଷ ଗ୍ରାହକଙ୍କୁ ନିରବଚ୍ଛିନ୍ନ ସେବା ସୁନିଶ୍ଚିତ କରିବା ପାଇଁ ଉତ୍ସର୍ଗୀକୃତ ଓ ଉତ୍ସାହ ସହିତ ନିରନ୍ତର କାର୍ଯ୍ୟ କରିଥିଲେ ।

ଫ୍ଲିପକାର୍ଟ ଆହୁରି ମଧ୍ୟ କହିଛି ଯେ, ଫ୍ଲିପକାର୍ଟ ଓ ମାଇଣ୍ଟ୍ରା କର୍ମଚାରୀଙ୍କ ପାଇଁ ଶତପ୍ରତିଶତ ଟୀକାକରଣର ମୂଲ୍ୟ ବହନ କରିବାକୁ କମ୍ପାନୀ ପ୍ରସ୍ତୁତ ବୋଲି ନିଷ୍ପତ୍ତି ନେଇଛି । ଯେକୌଣସି କର୍ମଚାରୀ ଟୀକାକରଣର ଦାମ୍ ଫେରସ୍ତ ପାଇପାରିବେ କିମ୍ବା କୌଣସି ଅଂଶୀଦାର ହସ୍ପିଟାଲକୁ ଯାଇ ଟୀକାକରଣ ମାଗଣାରେ କରିପାରିବେ । ଏଥି ସହିତ ଯକୌଣସି କର୍ମଚାରୀ କ୍ୟାମ୍ପସ ଓ ପ୍ରମୁଖ ସ୍ଥାନରେ ଟୀକାକରଣ ଡ୍ରାଇଭରେ ଅଂଶଗ୍ରହଣ କରିପାରିବେ ।

ଆଇସିଆଇସିଆଇ ବ୍ୟାଙ୍କ ଅଧିକାରୀ ସୂଚନା ଦେଇଛନ୍ତି
ବ୍ୟାଙ୍କର ପଦକ୍ଷେପ ବିଷୟରେ ସୂଚନା ଦେଇ ଆଇସିଆଇସିଆଇ ବ୍ୟାଙ୍କ ଗ୍ରୁପ୍ ମୁଖ୍ୟ ମାନବ ସମ୍ବଳ ଅଧିକାରୀ ଟି.କେ ଶ୍ରୀରଙ୍ଗ କହିଛନ୍ତି ଯେ ମହାମାରୀ ସମୟରେ ଆଇସିସିଆଇ ବ୍ୟାଙ୍କ ଏହାର ସମସ୍ତ କର୍ମଚାରୀଙ୍କ ଉଦ୍ୟମକୁ ପ୍ରଶଂସା କରେ ଓ ଏହାକୁ ସ୍ୱୀକାର କରେ ।

ଏହା ସହିତ ଟିମ୍ ଆଇସିଆଇସିଆଇ ପୁଣି ଥରେ ପ୍ରମାଣିତ କରିଛି ଯେ ସମୟର ଆବଶ୍ୟକତା ଅନୁଯାୟୀ, ଦେଶକୁ ଏକ ଅତ୍ୟାବଶ୍ୟକ ସେବା ଭାବରେ ସେବା କରିବା ଏହାର କର୍ତ୍ତବ୍ୟକୁ ଭଲ ଭାବରେ ପୂରଣ କରିଛି । ସେବା ପ୍ରତି ସେମାନଙ୍କର ଆଗ୍ରହ ସହିତ ଦଳ ସମ୍ପ୍ରତି ମହାମାରୀର କଠିନ ସମୟରେ ଏକ ପ୍ରେରଣାଦାୟକ ଭୂମିକା ଗ୍ରହଣ କରିଛି ।

କମ୍ପାନୀ କର୍ମଚାରୀମାନଙ୍କୁ ଧନ୍ୟବାଦ ଜଣାଇଛି
ସେ ଆହୁରି ମଧ୍ୟ କହିଛନ୍ତି ଯେ ବ୍ୟାଙ୍କ ପାଇଁ ନିଜର କର୍ମଚାରୀ ଓ ତାଙ୍କ ପରିବାରର କଲ୍ୟାଣ ତଥା ଉନ୍ନତି ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହି ଦର୍ଶନ ଅନୁଯାୟୀ ବ୍ୟାଙ୍କ ଏହାର ପ୍ରତ୍ୟେକ କର୍ମଚାରୀ ଓ ତାଙ୍କ ପରିବାର ସଦସ୍ୟଙ୍କୁ କୋଭିଡ -୧୯ ମହାମାରୀରୁ ରକ୍ଷା କରିବା ପାଇଁ ଏହି ପଦକ୍ଷେପ ନେଇଛି । ପୁଣିଥରେ ଆମେ ଆମର ସମସ୍ତ କର୍ମଚାରୀଙ୍କୁ ଧନ୍ୟବାଦ ଦେଉଛୁ, ଯେଉଁମାନେ ମହାମାରୀ ସମୟରେ ମଧ୍ୟ ସମସ୍ତ ଚ୍ୟାଲେଞ୍ଜ ସତ୍ତ୍ୱେ ସେମାନଙ୍କର କର୍ତ୍ତବ୍ୟ ପୂରଣ କରିଛନ୍ତି ।

ଆଇସିଆଇସିଆଇ ବ୍ୟାଙ୍କ ଏହାର କର୍ମଚାରୀ ଓ ତାଙ୍କ ନିର୍ଭରଶୀଳ ପରିବାର ସଦସ୍ୟଙ୍କ ପାଇଁ ଦୁଇଟି ବାଧ୍ୟତାମୂଳକ ଟିକା ଡୋଜ ପାଇଁ ଖର୍ଚ୍ଚ ଫେରସ୍ତ କରିବ ।

ଏହି କମ୍ପାନୀଗୁଡିକ ନିଜ କର୍ମଚାରୀମାନଙ୍କୁ ମଧ୍ୟ ସମାନ ସୁବିଧା ପ୍ରଦାନ କରିଛନ୍ତି
ଅନେକ କମ୍ପାନୀ ସେମାନଙ୍କ କର୍ମଚାରୀଙ୍କ ପାଇଁ ମାଗଣା ଟୀକାକରଣର ସୁବିଧା ଦେଇଛନ୍ତି । ଏହି ତାଲିକାରେ Infosys, Accenture, Capgemini, Reliance Industries, TVS Motor ଓ ReNew Power ସାମିଲ ଅଛନ୍ତି । ଇନଫୋସିସ୍ ସହ-ପ୍ରତିଷ୍ଠାତା ଏନ.ଆର ନାରାୟଣ ମୁର୍ତ୍ତୀ ଓ କ୍ରିସ୍ ଗୋପାଳକୃଷ୍ଣନ୍ ଓ କୋଟାକ୍ ମହିନ୍ଦ୍ରା ବ୍ୟାଙ୍କର ପରିଚାଳନା ନିର୍ଦ୍ଦେଶକ ତଥା ଉଦୟ କୋଟାକ୍ ସେହି ବ୍ୟବସାୟୀ ନେତା ମାନଙ୍କ ମଧ୍ୟରେ ଅଛନ୍ତି ଯେଉଁମାନେ ବର୍ତ୍ତମାନ ସୁଧା ଟୀକାକରଣ କରି ସାରିଛନ୍ତି ।
Published by: Jagdish Barik
First published: March 10, 2021, 4:20 PM IST