ହ୍ରିତିକ ରୋଶନ ଛଟ ପୂଜାର ଅଭିନନ୍ଦନ ସହ ଦେଲେ ଏହି ବିଶେଷ ବାର୍ତ୍ତା; TWEET ହେଲା ଭାଇରାଲ
ହ୍ରିତିକ ରୋଶନ (Hrithik Roshan) ଛଟ ପୂଜାର (Chhath Puja) ଶୁଭ ଅବସରରେ ଭକ୍ତମାନଙ୍କୁ ଶୁଭେଚ୍ଛା ଜଣାଇବା ସହ ଲୋକଙ୍କୁ ନିରାପଦରେ ରହିବାକୁ ଏକ ବିଶେଷ ବାର୍ତ୍ତା ମଧ୍ୟ ଦେଇଛନ୍ତି ।
ହ୍ରିତିକ ରୋଶନ ଛଟ ପୂଜାର ଅଭିନନ୍ଦନ ସହ ଦେଲେ ବିଶେଷ ବାର୍ତ୍ତା
- News18 Odia
- Last Updated: November 21, 2020, 3:58 PM IST
- Share this:
ନୂଆ ଦିଲ୍ଲୀ: ବଲିଉଡ ଅଭିନେତା ହ୍ରିତିକ ରୋଶନ (Hrithik Roshan) ଅନ-ସ୍କ୍ରିନ୍ ଅଭିନୟ ସହିତ ବାସ୍ତବ ଜୀବନରେ ତାଙ୍କର ସକାରାତ୍ମକତା ଓ କୋମଳତା କାରଣରୁ ଦର୍ଶକଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ଅର୍ଜନ କରିଛନ୍ତି । ଏଥି ସହିତ ହ୍ରିତିକ ଛଟ ପୂଜାର ଶୁଭ ଅବସରରେ ଭକ୍ତମାନଙ୍କୁ ଅଭିନନ୍ଦନ ଜଣାଇବା ସହ ଲୋକଙ୍କୁ ନିରାପଦରେ ରହିବାକୁ ଏକ ବିଶେଷ ବାର୍ତ୍ତା ମଧ୍ୟ ଦେଇଥିଲେ ।
ହ୍ରିତିକ ନିଜ ଟ୍ୱିଟର ଆକାଉଣ୍ଟରୁ ଏକ ଟ୍ୱିଟରେ ଲେଖିଛନ୍ତି, 'ସମଗ୍ର ଭାରତର ସମସ୍ତ ଭକ୍ତଙ୍କୁ ଛଟ ପୂଜାରେ ଶୁଭେଚ୍ଛା । ଆଶାକରେ ଏହି ଉତ୍ସବର ସକାରାତ୍ମକତା ଆମ ପାଇଁ ଏକ ଭଲ ଦିନ ଆଣିବ । ସୁରକ୍ଷିତ ରୁହନ୍ତୁ, ଠିକ୍ ରୁହନ୍ତୁ ! ' ହ୍ରିତିକଙ୍କ ଏହି ଟ୍ୱିଟ ବର୍ତ୍ତମାନ ସୋସିଆଲ ମିଡିଆରେ ଜୋରଦାର ଭାଇରାଲ ହେବାରେ ଲାଗିଛି । ହ୍ରିତିକ ମୁମ୍ବାଇର ଜୁହୁ ବେଳାଭୂମି ନିକଟରେ ରହୁଥିବାରୁ ସେ ତାଙ୍କ ଭବନରୁ ଏହି ପର୍ବର ସାକ୍ଷୀ ରହିଛନ୍ତି । ଗତ ବର୍ଷ ଓ ଏହାର ପୂର୍ବ ବର୍ଷ ସେ ମଧ୍ୟ ଘରୁ ବାହାରକୁ ଆସିଥିଲେ ଓ ଭକ୍ତମାନଙ୍କ ସହିତ ଏକ ଛୋଟ ସାକ୍ଷାତ କରିଥିଲେ ।
Happy Chhath Puja to all the devotees across India. Here’s hoping that the positivity of this festival brings better days for us. Be safe, be well!
— Hrithik Roshan (@iHrithik) November 20, 2020
ବିଗତ ୨୦ ବର୍ଷର ଏକ କ୍ୟାରିଅର୍ ବ୍ୟବଧାନରେ ହ୍ରିତିକ୍ କିଛି ମହାନ ଓ ସ୍ମରଣୀୟ ଅଭିନୟ ଦେଇଛନ୍ତି । ଏବଂ ଦର୍ଶକ ଏହା ଜାଣିବା ପାଇଁ ବ୍ୟାକୁଳ ରହିଛନ୍ତି ଏହି ଅଭିନେତା ପାଖରେ ତାଙ୍କ ପାଇଁ ଆଉ କ’ଣ ନୂଆ ଅଛି ।
