ଆତଙ୍କବାଦୀ ତାଲିବ ହୁସେନ ଗିରଫ; କାଶ୍ମୀରରେ ହିନ୍ଦୁଙ୍କୁ ହତ୍ୟା କରିବାକୁ କରିଥିଲା ଟାର୍ଗେଟ

News18 Odia Digital

କାଶ୍ମୀରରେ ହିନ୍ଦୁମାନଙ୍କୁ ହତ୍ୟା କରିବାକୁ ଟାର୍ଗେଟ କରିଥିବା ଅଭିଯୋଗରେ ବେଙ୍ଗାଲୁରରୁ ହିଜବୁଲ ମୁଜାହିଦିନର ଆତଙ୍କବାଦୀ ତାଲିବ ହୁସେନକୁ ଗିରଫ କରାଯାଇଛି। ଜାମ୍ମୁ-କଶ୍ମୀର ପୋଲିସ ତାକୁ ଗିରଫ କରିଛି।

ଆତଙ୍କବାଦୀର ଗିରଫ ଉପରେ ପ୍ରତିକ୍ରିୟା ଦେଇ କର୍ଣ୍ଣାଟକ ମୁଖ୍ୟମନ୍ତ୍ରୀ ବାସବରାଜ ବୋମାଇ କହିଛନ୍ତି,"ଏହି ପ୍ରକ୍ରିୟା ଏବେ ବି ଜାରି ରହିଛି। ପୋଲିସ୍‌ ଲୋକମାନଙ୍କ ଉପରେ ଦୃଷ୍ଟି ରଖିବ।ଆତଙ୍କବାଦୀଙ୍କୁ ଜମ୍ମୁ-କଶ୍ମୀର ପୋଲିସ ବେଙ୍ଗାଲୁରୁରୁ ଗିରଫ କରିଛି"।

ଏ ନେଇ କଶ୍ମୀର ପୋଲିସର ଇନସ୍ପେକ୍ଟର ଜେନେରାଲ କହିଛନ୍ତି, "ରାହୁଲ ଭଟ୍ଟଙ୍କ ହତ୍ୟା ମାମଲାରେ ୨ ଆତଙ୍କବାଦୀ ସଂପୃକ୍ତ ଥିଲେ। ଏବେ ସୁଦ୍ଧା ଜଣଙ୍କୁ କାବୁ କରାଯାଇଛି ଓ ଅନ୍ୟ ଜଣଙ୍କୁ ଖୋଜା ଚାଲିଛି। ସେହିପରି ଆମୀର ଭଟ୍ଟଙ୍କ ହତ୍ୟାକାଣ୍ଡରେ ବି ୨ ଆତଙ୍କବାଦୀ ସଂପୃକ୍ତ ରହିଥିଲେ। ସେହି ୨ ଜଣ ଯାକଙ୍କୁ କାବୁ କରାଯାଇଛି। ସେହିପରି ବିଜୟ କୁମାରଙ୍କ ହତ୍ୟା ପଛରେ ବି ଜଣେ ଆତଙ୍କବାଦୀର ହାତ ଥିବା ଜଣାପଡ଼ିଛି। ତାଙ୍କୁ ମଧ୍ୟ ଖୁବ ଶୀଘ୍ର ଗିରଫ କରାଯିବ"।