ଆଜି ୭୩ତମ ହିରୋସୀମା ଦିବସ; ଆସନ୍ତୁ ଜାଣିବା ଇତିହାସ.. ମହତ୍ତ୍ୱ.. ମୁଖ୍ୟ ତଥ୍ୟ

ଆଜି ବିଶ୍ୱବ୍ୟାପୀ ୭୩ତମ ହିରୋସୀମା ଦିବସ ପାଳନ କରାଯାଉଛି । ୭୩ ବର୍ଷପୂର୍ବେ ଆଜିର ଦିନରେ ଜାପାନର ହିରୋସିମା ସହରରେ ଆମେରିକା ଆଣବିକ ବୋମା ଲିଟିଲ ବୟକୁ ପକାଇଥିଲା ।

ଆଜି ୭୩ତମ ହିରୋସୀମା ଦିବସ

ଆଜି ୭୩ତମ ହିରୋସୀମା ଦିବସ

  • Share this:
News 18 Odia Digital

ଜାପାନ: ଆଜି ବିଶ୍ବବ୍ୟାପୀ ୭୩ତମ ହିରୋସୀମା ଦିବସ ପାଳନ କରାଯାଉଛି।  ଏହି ବିସ୍ଫୋରଣରେ ଆନୁମାନିକ ୮୦ ହଜାର ଲୋକଙ୍କର ମୃତ୍ୟୁ ହୋଇଥିବାବେଳେ ବିକିରଣର ପ୍ରଭାବ ପରବର୍ତ୍ତୀ ମାସ ଏବଂ ବର୍ଷ ମଧ୍ୟରେ ଆହୁରି ହଜାର ହଜାର ଲୋକଙ୍କୁ ହତ୍ୟା କରିଥିଲା। ଜାପାନର ହିରୋସିମା ଶାନ୍ତି ମେମୋରିଆଲ ପାର୍କରେ ପାଳନ କରାଯାଉଥିବା ହିରୋସିମା ଦିବସ ପରମାଣୁ ଯୁଦ୍ଧର ପ୍ରଭାବକୁ ଆଲୋକିତ କରେ, ଯେଉଁମାନେ ମୃତ୍ୟୁବରଣ କରିଛନ୍ତି ସେମାନଙ୍କୁ ସମ୍ମାନ ଦିଅନ୍ତି, ପରମାଣୁ ବିସ୍ତାରକୁ ନିରୁତ୍ସାହିତ କରେ ଏବଂ ବିଶ୍ୱ ଶାନ୍ତି ପ୍ରତିଷ୍ଠା କରେ ।

ହିରୋସିମା ସହର ଜାପାନର ଶିଳ୍ପ ଏବଂ ସାମରିକ କାର୍ଯ୍ୟକଳାପର ଏକ ପ୍ରମୁଖ କେନ୍ଦ୍ର ଥିଲା, ନାଜି ଜର୍ମାନୀ ଏବଂ ଇଟାଲୀ ରାଜ୍ୟ ସମେତ ଆକ୍ସିସ୍ ମିଳିତ ମଞ୍ଚର ଏକ ଅଂଶ । ବ୍ରିଟେନ, ଆମେରିକା, ସୋଭିଏତ ସଂଘ ଏବଂ ଚୀନ୍ ଅନ୍ତର୍ଭୁକ୍ତ ଆକ୍ସିସ୍ ସହଯୋଗୀମାନଙ୍କ ବିରୁଦ୍ଧରେ ଛିଡ଼ା ହୋଇଥିଲେ ।

ଦକ୍ଷିଣ ପୂର୍ବ ଏସିଆରେ ୟୁରୋପୀୟ ଏବଂ ଆମେରିକୀୟ ଉପନିବେଶ ଏବଂ ସେମାନଙ୍କ ସମ୍ବଳକୁ ନିୟନ୍ତ୍ରଣ କରିବା ପାଇଁ ଜାପାନ ଆମେରିକା ଏବଂ ବ୍ରିଟିଶ ସୈନ୍ୟ ବିରୁଦ୍ଧରେ ଅନେକ ଆକ୍ରମଣ କରିଥିଲା । ଡିସେମ୍ବର ୭ ଏବଂ ଡିସେମ୍ବର ୮, ୧୯୪୧ ରେ ଯଥାକ୍ରମେ ଜାପାନ ପର୍ଲ ହାର୍ବର୍, ହାୱାଇ ଏବଂ ବ୍ରିଟିଶ ଅଧିକୃତ ହଂକଂ ଉପରେ ଆକ୍ରମଣ କରି ଆମେରିକା ଏବଂ ବ୍ରିଟେନ ଜାହାଜରେ ଅନେକ ଆହତ ତଥା ବ୍ୟାପକ କ୍ଷତି ଘଟାଇଥିଲା ।
Published by:Soumyashree Mishra
First published: