ହିମାଚଳ ପ୍ରଦେଶର ଚାମ୍ବାରେ ଭୂକମ୍ପ ଝଟକା; ଭୟରେ ଘରୁ ବାହାରକୁ ଚାଲି ଆସିଲେ ଲୋକେ

News 18 Odia Digital

ନୂଆଦିଲ୍ଲୀ; ସୋମବାର ହିମାଚଳ ପ୍ରଦେଶର ଚାମ୍ବା ଜିଲ୍ଲାରେ ନିମ୍ନ ତୀବ୍ର ଭୂମିକମ୍ପ ଅନୁଭୂତ ହୋଇଛି । ଭୂକମ୍ପ ଯୋଗୁଁ କୌଣସି କ୍ଷୟକ୍ଷତି କିମ୍ବା ସମ୍ପତ୍ତି ନଷ୍ଟ ହେବାର ଖବର ଆସିନାହିଁ । ଭୂକମ୍ପ ଝଟକା ପରେ ଭୟରେ ଲୋକମାନେ କିଛି ସମୟ ପାଇଁ ଘରୁ ବାହାରକୁ ଚାଲି ଆସିଥିଲେ ।

ସକାଳ ୭.୧୦ ରେ ଜିଲ୍ଲା ତଥା ଏହାର ଆଖପାଖରେ ଏହି ଭୂକମ୍ପ ଅନୁଭୂତ ହୋଇଛି ବୋଲି ପାଣିପାଗ ବିଭାଗର ଅଧିକାରୀମାନେ କହିଛନ୍ତି । ବିଭାଗ କହିଛି ଯେ ଭୂକମ୍ପର କେନ୍ଦ୍ରସ୍ଥଳ ଚାମ୍ବା ଜିଲ୍ଲାର ଭୂମିଠାରୁ ୧୦ କିଲୋମିଟର ଗଭୀରରେ ଅବସ୍ଥିତ । ଭୂକମ୍ପର ତୀବ୍ରତା ୨.୫ ରହିଛି ।