ମୁମ୍ବାଇରେ ନାମୀ-ଦାମୀ ଦେହ ବ୍ୟବସାୟ ଧରା ପଡ଼ିଲା; ୮ ଜଣ ମଡେଲଙ୍କୁ ଉଦ୍ଧାର କଲା ପୋଲିସ

ମଡେଲମାନଙ୍କୁ ଦେହ ବ୍ୟବସାୟକୁ ଠେଲି ଦେଇଥିବା ଅଭିଯୋଗରେ ପୋଲିସ ତିନି ଜଣ ଲୋକଙ୍କୁ ମଧ୍ୟ ଗିରଫ କରିଛି । ଏହି ମଡେଲମାନଙ୍କୁ ସେହି ହୋଟେଲକୁ ଆଣି ଦେହ ବ୍ୟବସାୟ କରିବାକୁ ବାଧ୍ୟ କରାଯାଉଥିଲା ବୋଲି ପୋଲିସ କହିଛି ।

ମୁମ୍ବାଇରେ ନାମୀ-ଦାମୀ ଦେହ ବ୍ୟବସାୟ ଧରା ପଡ଼ିଲା; ୮ ଜଣ ମଡେଲଙ୍କୁ ଉଦ୍ଧାର କଲା ପୋଲିସ
(ପ୍ରତୀକାତ୍ମକ ଛବି)
  • News18 Odia
  • Last Updated: January 20, 2021, 2:12 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ମୁମ୍ବାଇ: ଏକ ବଡ଼ ହୋଟେଲରେ ଚାଲିଥିବା ହାଇ-ପ୍ରୋଫାଇଲ୍‌ ଦେହ ବ୍ୟବସାୟ (ସେକ୍ସ ରାକେଟ୍‌, sex racket) ଧରା ପଡ଼ିଛି । ମୁମ୍ବାଇ ପୋଲିସର ଜଣେ ଅଧିକାରୀ ବୁଧବାର ଦିନ କହିଛନ୍ତି ଯେ ଏକ ବଡ଼ ହୋଟେଲରେ ଚାଲିଥିବା ଏହି ନାମୀ-ଦାମୀ ଦେହ ବ୍ୟବସାୟକୁ ଧରିବାରେ ପୋଲିସ ସଫଳ ହୋଇଛି ।

ଦେହ ବ୍ୟବସାୟରେ ସଂଲିପ୍ତ ଥିବା ଆଠ ଜଣ ମଡେଲଙ୍କୁ ପୋଲିସ ଉଦ୍ଧାର କରିଛି । ସେହି ମଡେଲମାନଙ୍କୁ ବେଶ୍ୟାବୃତ୍ତି କରିବାକୁ ବାଧ୍ୟ କରାଯାଇଥିଲା ବୋଲି ପୋଲିସର ଜଣେ ଅଧିକାରୀ କହିଛନ୍ତି ।

ଏହା ବି ପଢ଼ନ୍ତୁ | କି ବର୍ବରତା! ଅନୁଗୁଳରେ ଗାଁ ଦାଣ୍ଡରେ ପେଟ୍ରୋଲ୍ ଢାଳି ଜିଅନ୍ତା ଜାଳି ମାରିଦେଲେ ଯୁବକଙ୍କୁ

‘‘ଆମକୁ ମିଳିଥିବା ନିର୍ଦ୍ଦିଷ୍ଟ ସୂଚନା ଉପରେ କାର୍ଯ୍ୟ କରି ଆମର କ୍ରାଇମ ଇଣ୍ଟେଲିଜେନ୍ସ ୟୁନିଟ୍ ମଙ୍ଗଳବାର ଦିନ ମୁମ୍ବାଇର ପଶ୍ଚିମ ଉପକଣ୍ଠର ଜୁହୁ ବେଳାଭୂମି ନିକଟରେ ଅବସ୍ଥିତ ଏହି ହୋଟେଲ ଉପରେ ଟଢ଼ାଉ କରିଥିଲା । ଏହି ଚଢ଼ାଉ ସମୟରେ ଦେହ ବ୍ୟବସାୟ କରିବାକୁ ବାଧ୍ୟ କରାଯାଇଥିବା ଆଠ ଜଣ ମଡେଲଙ୍କୁ ଆମେ ଉଦ୍ଧାର କରିଛୁ,’’ କହିଛନ୍ତି ପୋଲିସର ଜଣେ ଅଧିକାରୀ ।

ଏହା ବି ପଢ଼ନ୍ତୁ | ଯାଜପୁର: ଅପହରଣକାରୀଙ୍କ କବଳରୁ ଖସିଲା ସ୍କଲ୍ ଛାତ୍ର; ଶିଶୁ କନ୍ୟା ପିହୁ ଏବେ ବି ନିଖୋଜ

ମଡେଲମାନଙ୍କୁ ଦେହ ବ୍ୟବସାୟକୁ ଠେଲି ଦେଇଥିବା ଅଭିଯୋଗରେ ପୋଲିସ ତିନି ଜଣ ଲୋକଙ୍କୁ ମଧ୍ୟ ଗିରଫ କରିଛି । ପୋଲିସ ସୂତ୍ରରୁ ପ୍ରକାଶ ଯେ ଏହି ମଡେଲମାନଙ୍କୁ ସେହି ହୋଟେଲକୁ ଆଣି ଦେହ ବ୍ୟବସାୟ କରିବାକୁ ବାଧ୍ୟ କରାଯାଉଥିଲା । ଏହି ରେଡ୍‌ ବିଷୟରେ ଏବେ ଅଧିକ ତଥ୍ୟ ବାହାରକୁ ଆସୁଛି ।



‘‘ମୁମ୍ବାଇର ବିଭିନ୍ନ ହୋଟେଲରେ ଦେହ ବ୍ୟବସାୟ ଚାଲିଥିବା ବିଷୟରେ ଆମକୁ ସୂଚନା ମିଳୁଥିଲା । ନୂଆ ବର୍ଷର ଠିକ୍‌ ପୂର୍ବରୁ ଓ ପରେ ଏହି କାର୍ଯ୍ୟରେ ବୃଦ୍ଧି ହୋଇଥିବା ଜଣାପଡ଼ୁଛି । ବର୍ତ୍ତମାନର ଏହି ମାମଲାଟି ନିର୍ଦ୍ଦିଷ୍ଟ ସୂଚନା ଉପରେ ଆଧାରିତ ଥିଲା । ସେଇଥି ପାଇଁ ଏହାକୁ ଧରିବା ସହଜ ହେଲା,’’ କହିଛନ୍ତି ମୁମ୍ବାଇ ପୋଲିସର ଜଣେ ବରିଷ୍ଠ ଅଧିକାରୀ ।
Published by: Anand Shankar Thankur Das
First published: January 20, 2021, 2:12 PM IST